Esra 10:8 - O Debleskro Lab 2024 (Sinte-Manouche)

⁸ Oun koon gar vell an triin divessa, yaake har i pralstoune oun i phoureder penan, koleskro bravlepen oun halauter hoy les hi, hounte vell lestar krik lino. Oun yob te vell infam kerdo oun nay djivell bouder gar mank peskre menshende, kay van vin dran o pandepen an o them Babilonia.”

O Debleskro Drom 2021 (Sinte)

⁸ Un koon gar well an triin diwessa, jaake har i pralstune un i phureder penan, koleskro brawlepen un halauter hoi les hi, hunte well lestar krik lino. Un job te well infam kerdo un nai djiwell buder gar mank peskre menshende, kai wan win dran o pandepen an o them Babilonia.”

Esra 10:8 ပူးပေါင်းရင်းမြစ်များ

Esra 10:7

Oun an o them Youda oun an o foro Yerusalem vas vin kharedo halauterenge, kay pandle his an o them Babilonia: “Avenn khetne an o foro Yerusalem.

Esra 10:9

Kote van i tsele morsha i menshendar Youda oun Benyamin an o foro Yerusalem khetne. Ap o triinto dives his le lauter koy. Kova his o 20. (biishto) dives an o 9. (enyato) čon. Oun i tsele menshe his beshdo ap i platsa glan o Debleskro kheer oun trissan i trashatar pral kava koova, hoy yon kran, oun ninna o baro brishinestar.

Esra 7:26

Hakeno, kay dell gar yak ap o lab tiro Deblestar oun rikrell pes gar ap o lab o rayestar, kova lell peskri phagi: nay vell, te vell lo maredo, pale-čiddo, hounte playsrell love, oder vell an o stilepen.

Nehemia 13:28

Oun o čavo o baro rashayestar Elyashib, o Yoyada, koles his morsh čave, kolendar yek i romyat las, kolakro dad o Sanballat hi dran o foro Bet-Horon. Oun koles tradom mandar krik!

Nehemia 13:3

Oun har shounan i Israelitarya kanna kava činlo lab, rodan le lauter kolen vin, kay vavar menshendar his oun mank lende djivan. Oun kolla nay ačan gar bouder pash lende.

3. Mose 27:28

Halauter, hoy das yek kolestar, hoy leskro hi, te vell kova hako tsireske o baro Debleske, nay vell gar bikedo, vitar gar pale ginlo – nay vell i mensho, i firho oder i kotar phoub. Kova hoy o baro Debleske hako tsireske dino vas, čačepah, kova ačell leske.

Mateo 18:17

Te shounell lo kava kopo vitar gar ap t'mende, palle pen les i patslenge an i kangri. Oun te shounell lo gar ap kolende, palle vell lo t'menge har i morsh, kay prindjrell o Debles gar oun har i pale-čiddo.

Johanni 16:2

Yon krenn t'men pale-čiddo. Oun ko tsiro vella, kay denn yon t'men moulo oun penenn: O Devel kamas kova yaake.

Johanni 9:22

Len his daar kol pralstoune biboldendar. Doleske rakran yon yaake. I pralstoune bibolde kaman hakenes pale-čiddo te krell, kay penella o Yezousestar: Yob hi o baro ray, kolestar o Devel penas, te vell yob.

Johanni 9:34

Koy penan yon ap leste: “Tou, kay boldo hal an o čilačepen, kameh kanna maro sikepaskro te vell?” Oun yon vitsran les vin.

Josua 6:19

O tselo roup oun sonakay oun o tselo sasterno koova hi o baro Debleske oun hounte vell anlo an leskro kheer, kay leskro bravlepen hi.”

Čačepangre 21:5

Oun i Israelitarya poučan mank pende: “Dell kol 12 (deesh-te-douy) bare familyendar, kay venn o Yakobeskre čavendar, yek, kay vas gar pash o tsillo glan o baro Debleste?” Kova his yaake, har i menshe khetne gole dino van, te venn le an Mispa, dan le pen i bari sovel oun penan: “Koon vell gar an Mispa glan o baro Debleste, kova hounte merell.”

1. Samuel 11:7

Oun yob las douy groumya oun činas len an kotya, oun bičras kol bičepangre kol kotyentsa mass an o tselo them Israel trouyel oun moukas te penell: “Koon djal gar vin an o kourepen o Sauleha oun o Samueleha, kolengre groumyenge djal yaake har kalenge!” Koy peras o baro Debleskri daar ap i tsele menshenge, oun i tsele morsha djan vin har te vans le yek morsh.