Esra 10:7 - O Debleskro Lab 2024 (Sinte-Manouche)

⁷ Oun an o them Youda oun an o foro Yerusalem vas vin kharedo halauterenge, kay pandle his an o them Babilonia: “Avenn khetne an o foro Yerusalem.

O Debleskro Drom 2021 (Sinte)

⁷ Un an o them Juda un an o foro Jerusalem was win kharedo halauterenge, kai pandle his an o them Babilonia: “Awenn khetne an o foro Jerusalem.

Esra 10:7 ပူးပေါင်းရင်းမြစ်များ

2. Familjakro liil 30:5

Oun yaake kran le vin, te vell vin gole dino an o tselo them Israel, foun Beersheba bis Dan, te venn le an o foro Yerusalem, oun rikrenn o Passa o baro Debleske, kay o Israeleskro Devel hi. An kol vavar bersha nay rikran boud lendar les gar yaake har glan-činlo vas.

Esra 1:1

An o ersto bersh, kay o Cyrus o baro ray pral o them Persia his, kras o baro Devel, te vas ko lab čačo, hoy lo ap o Yeremia rakras, oun kova i menshenge doureder penas. O baro Devel das o baro rayeske, o Cyrus an o dji, te moukell lo an peskro tselo them vin te kharell oun i lilendar halauterenge te penell:

Esra 10:6

Oun o Esra djas peske krik o Debleskro kherestar, oun djas an i kheer o Yohananestar, koleskro dad o Elyashib his. Kote ačas lo i tseli rati, rhas kek maro oun piyas kek pani; leske his phares pral kolende, kay dran o pandepen dran o them Babilonia vin van oun o Debleskro dromestar tele peran.

Esra 10:8

Oun koon gar vell an triin divessa, yaake har i pralstoune oun i phoureder penan, koleskro bravlepen oun halauter hoy les hi, hounte vell lestar krik lino. Oun yob te vell infam kerdo oun nay djivell bouder gar mank peskre menshende, kay van vin dran o pandepen an o them Babilonia.”