Esra 10:4 - O Debleskro Lab 2024 (Sinte-Manouche)

⁴ Kanna ste pre! Ap toute hi kava koova čiddo. Oun mer ham halauter touha. Ab kanna zoreles oun kre kova!”

O Debleskro Drom 2021 (Sinte)

⁴ Kanna ste pre! Ap tute hi kau koowa tchiddo. Un mer ham halauter tuha. Ab kanna soreles un kre kowa!”

Esra 10:4 ပူးပေါင်းရင်းမြစ်များ

1. Familjakro liil 22:19

Kanna denn t'maro djipen oun t'maro dji o baro Debleste, kay t'maro Devel hi! Oun stenn pre oun krenn leske i kheer, kay leske kokres hi. Kote te vell o morhton o baro Debleskre deesh labentsa dren čiddo, ninna ko vavar Debleskro koova. Kava kheer krenn t'mer, te vell o baro Devel sharedo.”

1. Familjakro liil 28:10

Doleske de tout yak, o baro Devel rodas tout vin, te kress i kheer leske. Ab zorelo, oun kre tout ap i boudi!”

1. Familjakro liil 28:20

Oun o David penas ap peskro čaveste, o Salomo: “Ab zorelo, ma traash oun kre tout ap i boudi! Ma dare či oun ma traash kekestar! O baro Devel, maro ray, kay miro Devel hi, hi pash toute oun vell touke ap i rig. Oun yob moukell tout gar, bis te tou kay tseli boudi ap o baro Debleskro kheer kral.

1. Familjakro liil 28:21

Dik, i rashaya oun i Levitarya van yaake khetne lino, har yon khetne boudrenn an o Debleskro kheer. Haki boudjake hi rashaya oun Levitarya koy. Ninna koy tseli vavar boudjake ap o kheer hi tout boudepangre, kay gosevo hi, oun hayvenn pengri boudi mishto te krell. Koy pashel hi tout i pralstoune morsha oun menshe, te krenn le halauter, hoy tou lenge peneh.”

Esra 10:5

Kote stas o Esra pre, oun las i sovel i pralstoune rashayendar oun i Levitarendar oun i tsele Israelendar, te krenn le pal kava lab. Oun yon dan pen sovel.

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

Markus 13:34

Kova hi yaake har pash i morsheste, kay djas ap o them. Yob moukas peskro kheer oun das peskre boudepangren lauter an o vast, hakeneste das lo leskri boudi. Oun penas ap koleste, kay pash o voudar beshdo hi: De garda ap miro kheer! Ma sob!

Hebrearja 10:24

Das yak yek ap o vavareste, te kamell yek o vavares o djiyestar, oun te krell hakeno lačo koova!