Esra 10:10 - O Debleskro Lab 2024 (Sinte-Manouche)

¹⁰ Oun o Esra, ko rashay, stas pre oun rakras lentsa oun penas: “T'mer peran o Deblestar tele, kay lan t'menge romyen kol menshendar, kay gar t'mendar hi, oun yaake anan t'mer boudeder doosh ap Israel.

O Debleskro Drom 2021 (Sinte)

¹⁰ Un o Esra, ko rashai, stas pre un rakras lentsa un penas: “Tumer peran o Deblestar tele, kai lan tumenge romjen kol menshendar, kai gar tumendar hi, un jaake anan tumer budeder doosh ap Israel.

Esra 10:10 ပူးပေါင်းရင်းမြစ်များ

2. Familjakro liil 28:13

Oun yon penan ap lende: “Ma anenn kol pandlen kate pash mende! Te krenn kova, anenn t'mer i doosh pral mende glan o baro Debleste, oun krenn, te vell mari doosh gomme bareder har li hi. Doha doosh anam pral mende. Oun o baro Debles hi i bari zoreli rholi ap Israel.”

Esra 10:11

Oun kanna, penenn t'mari doosh leske, ko baro Debleske t'mare phourendar! Oun krenn, hoy yob kamella, oun rikrenn t'men pale kol vavar menshendar, oun bičrenn t'mare romyen, kay lendar hi, t'mendar krik!”

Esra 10:9

Kote van i tsele morsha i menshendar Youda oun Benyamin an o foro Yerusalem khetne. Ap o triinto dives his le lauter koy. Kova his o 20. (biishto) dives an o 9. (enyato) čon. Oun i tsele menshe his beshdo ap i platsa glan o Debleskro kheer oun trissan i trashatar pral kava koova, hoy yon kran, oun ninna o baro brishinestar.

Esra 9:14

Har nay vas kova yaake, te kras kova kanna pale, te shounas gar ap tire laba, oun te las menge romyen kol vavar menshendar, kay savo djoungelo koova krenn? Hounte vell tiri rholi gar yaake pral mende, bis te ačell kek mendar ap o djipen? Bis te kek menshe mendar bouder koy hi, kay pral ačan oun nay djivenn doureder?

Esra 9:6

oun penom: “Miro Devel, me ladjau oun trashau man, te hadap mire yaka pral pash toute, miro Devel; mari doosh vas pral maro shero, oun maro čilačepen hi baro bis pral an o bolepen.

4. Mose 32:14

Oun kanna krenn t'mer ko emligo koova! T'mer han čače čave t'mare dadendar! Morsha, kay o Debleskro drom tele djan oun krenn, te vell o baro Debleskri rholi pral Israel bareder.

Mateo 23:32

Ava, krenn kova doureder yaake, har t'mare phoure kran!