Efesarja 6:20 - O Debleskro Lab 2024 (Sinte-Manouche)

²⁰ Koy boudi das man o Yezous Kristo. Doleske hom me kanna stildo. Ava, mangenn o Debles mange, te darap gar oun rakrap yaake, har miri boudi hi.

O Debleskro Drom 2021 (Sinte)

²⁰ Koi budi das man o Jesus Kristo. Doleske hom me kanna stildo. Awa, mangenn o Debles mange, te darap gar un rakrap jaake, har miri budi hi.

Efesarja 6:20 ပူးပေါင်းရင်းမြစ်များ

Gosewe laba 13:17

I čilačo bičepaskro anell bibarht. I bičepaskro o labestar rakrell yaake, te vell lauter pale mishto.

Jesaja 33:7

Shounenn, zorele morsha denn bari gole, oun kol bičepangre, kay bičedo van, te penenn le, te hi o kourepen vin, kolla rovenn zoreles.

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Jeremia 1:17

Ab zoreles! Oun kre tout ap o drom! Oun pen lenge halauter, hoy me touke penau! Ma traash lendar, te krap me gar, te trashess tou glan lende!

Jeremia 40:1

I lourde dran Babilonia tapran boud menshen dran o foro Yerusalem oun dran vavar gaba oun forya an o them Youda. Yon pandan len shellentsa oun anan len khetne an o foro Rama, te anenn le len pandles an o them Babilonia. Mank lende his ninna o Yeremia, peskre vasta i shellentsa pandles. Kote hatsas les o pralstouno i lourdendar, o Nebouzaradan, oun moukas les te djal. Pal kova rakras o baro Devel o Yeremiyeha.

Bičepangre 21:33

Oun ko pralstouno lourdo djas pash o Pauleste, tapras les, moukas les douy sasterne shellentsa te pandell, oun poučas halauterendar: “Koon hi kova? Oun hoy kras kova?”

Bičepangre 26:29

O Paulo penas ap leste: “Tikno tsiro, rah tsiro, – me mangau o Debles, te vess tou oun kol tsele vavar, kay man kate shounan, patslo har me patslo hom. Hoy gar kamau, hi, te vess pandlo, har me.”

Bičepangre 28:20

Kava kamom t'menge te penell. Doleske dom t'men gole, te venn pash mande. Mer bibolde dikah ap ko dives, kay o Devel koles bičrella, kay anell o Israel dran i bibarht vin. Ap koleste patsau me. Doleske hom kanna pandlo kol shellentsa.”

Bičepangre 28:31

Yob rakras lentsa pral o Debleste oun pral o djipen, hoy i patsle khetne o Debleha djivenna. Oun yob penas lenge lauter, hoy maro ray, o Yezous Kristo lenge kras. Oun les his kek traash, te penell lo kova. Oun kek vas, kay penas, te nay krell lo kova gar.

Bičepangre 5:29

O Petro oun i vavar Yezouseskre bičepangre penan: “Mer hounte shounas ap o Debleste boudeder har ap i menshende.

2. Korintarja 3:12

Mer djinah zoreles, te hi kova yaake. Doleske hi men kek traash, te penas kova yaake i menshenge.

2. Korintarja 5:20

Yaake ham mer o Debleskre bičepangre. Men hi o Yezous Kristeskro čačo vast. Doleske mangah i menshendar, te venn le pash leste. Oun kova hi yaake, har te dell len o Yezous Kristo gole: “Avenn pash o Debleste! Avenn leskre mala!”

Efesarja 3:1

Doleske bičras o Yezous Kristo man, o Paules, pash t'mende, kay kek bibolde han. Dran kova hom me kanna an o stilepen. T'mer shounan, har das man o Devel miri boudi, te penap kolenge, kay kek bibolde hi, har baro leskro lačepen ninna lenge hi.

Efesarja 4:1

Me hom an o stilepen o Yezouseske, maro rayeske, oun mangau t'men o djiyestar, te djivenn t'mer t'maro djipen har save menshe, kolen o Devel peske khetne gole das.

Efesarja 6:19

Mangenn mange ninna, te dell o Devel man i čače laba, oun te darap gar i menshendar, te sikrap lende o Debleskro drom oun penap lenge kova, hoy djinenn le gar.

Filiparja 1:20

Me patsau te rikrell man o Devel an o vast, oun kamau o tselo djiyestar te krap či, kay hounte ladjap man glan leste. Kamau gar, te trashap i menshendar. Yaake har rakrom hako tsiro o Yezous Kristestar, oun trashom lendar gar, yaake kamau les ninna kanna an o stilepen te krell, ninna te hounte merap, te dikenn i menshe ap miro djipen oun ap miro merepen, har baro oun raylo o Yezous Kristo hi.

Filiparja 1:7

Me nay sharau t'men yaake. T'mer han an miro dji oun rikrenn mantsa khetne, ninna kanna, kay hom an o stilepen, oun penau o lačo lab o Yezous Kristestar glan i čačepangre oun sikrau lende leskro drom yaake, te djinenn le o čačepen.

Kolossarja 4:3

Mangenn o Debles ninna menge, te krell lo menge i drom pre, te penas nay leskro lab i menshenge, te sikras lende, te hi o Yezous Kristo ko drom, kay anell men pash o Debleste. Kova djinan i menshe i rah tsiro gar. Har me kova i menshenge penom, vom doleske an o stilepen.

Kolossarja 4:4

Mangenn o Deblestar, te rakrap kova yaake, har o Devel kamella!

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.

2. Timoteo 1:16

Me mangau o Debles miro phraleske, o Onesiforo oun i menshenge an leskro kheer, te vell lo lenge lačes. O Onesiforo kras boud kope miro dji zoreles, oun ladjas pes gar mange, har homs stildo.

2. Timoteo 2:9

Koleske lau douka ap mande. Yon pandan man an o stilepen, har te voms i marepaskro. Ninna te pandan le man an o stilepen, nay pandenn yon gar o Debleskro lab.

Filemon 1:10

Oun doleske mangau toutar miro čaveske, o Onesimo, te vess tou leske lačes. Kate an o stilepen penom leske o Yezous Kristestar. Oun yob vas patslo, oun vas miro čavo an o patsepen.

1. Johanni 3:16

O Yezous sikras mende, har o Debleskro kamlepen hi. Yob moukas peskro djipen menge. Yaake moukas mer ninna maro djipen i patslenge.

Judas 1:3

Mire phrala oun phenya, his i tsiro, kay kamoms t'menge an i liil te činell, har lačo o Devel ap mende hi, te las lo men dran o čilačepen vin. Pral kova kamau me kanna bouder gar te činell. Kanna dikau, hi feteder, te činap t'menge, te ačenn zoreles an o patsepen. Ma moukenn t'men o Debleskro dromestar tele te anell! Leskro lab, hoy t'menge penlo vas, ačell čačo hako tsiro.