Efesarja 5:6 - O Debleskro Lab 2024 (Sinte-Manouche)

⁶ Ma patsenn kekes, kay penell t'menge, te nay krenn kova lauter! Koon kova penella, hi i rhorheno. O Debleskri rholi vell ap kolende, kay gar ap o Debleste shounenna, oun krenna savo čilačo koova.

O Debleskro Drom 2021 (Sinte)

⁶ Ma patsenn kekes, kai penell tumenge, te nai krenn kowa lauter! Koon kowa penella, hi i chocheno. O Debleskri choli well ap kolende, kai gar ap o Debleste shunenna, un krenna sawo tchilatcho koowa.

Efesarja 5:6 ပူးပေါင်းရင်းမြစ်များ

2. Rajengro liil 18:20

Patseh čačepah, tire labentsa nay veh o gosveder oun o zorleder an i kourepen? Ap koneste dikeh, te vell lo touke ap i rig, kay peral mandar tele oun hadal tout pral mande?

Debleskri gili 78:31

koy vas o Debleskri rholi pral lende, oun yob maras lengre pralstunen, oun i terne zorele morshen i Israelendar moukas lo te merell.

Jeremia 27:9

Ma shounenn ap t'mare rhorhene rakepangre oun ap i dourkepangre, vitar gar ap kolende, kay sikrenn, hoy sounya penenn, vitar gar ap kolende, kay krenn bengeskro koova oun kay poučenn i moulen. Kolla lauter penenn t'menge, te hounte krenn gar, hoy o baro ray pral Babilonia t'mendar kamell.

Jeremia 29:31

Biče i liil ap i tsele Israelitaryen, kay van anlo an o them Babilonia, oun mouk lenge te penell: Kova penell o baro Devel pral o Shemaya dran o foro Nehelam: O Shemaya das glan, te hi lo miro rakepaskro, oun me bičrom les gar. Yob kras, te patsan t'mer leskro rhorhepen.

Jeremia 37:9

Doleske penell o baro Devel: Rhorhenn t'men gar oun penenn t'menge gar: “I Babilonarya venn gar pale kay.” Yon venna pale kay.

Micha 3:5

Kava penell o baro Devel ap i rakepangre, kay penenn, te vell len i lab o baro Deblestar, oun kova hi gar yaake. Yon rhorhenn i menshen oun penenn kolenge, kay denn len rhapaske: Halauter vell mishto t'mentsa! Kolenge, kay denn len či te rhal, penenn le: I čilačo tsiro vell pral t'mende.

Mateo 24:24

Boud rhorhene morsha penenn ap t'mende: Me hom ko baro ray, kolestar o Devel penas, te vell yob. Oun rhorhene rakepangre penenna: Me hom o Debleskro bičedo. Oun yon krenna baro oun zorelo koova, hoy i mensho nashte krell gar dran peskri zoor. Kova krenn le, te anenn le i menshen o čačo dromestar tele. Te djals kova, anans le ninna kolen o Debleskro dromestar tele, kolen o Devel peske vin rodas.

Mateo 24:4

Penas o Yezous: Denn yak, ma moukenn t'men kekestar o Debleskro dromestar tele te anell!

Markus 13:22

Rhorhene morsha venna oun penenna ap t'mende: Me hom o Kristo. Oun i rhorhene rakepangre penenna: Me vom o Deblestar bičedo. Oun yon krenna baro oun zorelo koova, hoy i mensho nashte krell gar dran peskri zoor. Te djals kova, anans le kolen o Debleskro dromestar tele, kolen o Devel peske vin rodas.

Markus 13:5

Oun o Yezous penas ap lende: Denn yak! Ma moukenn t'men kekestar o Debleskro dromestar tele te anell!

Remarja 1:18

O Debleskri rholi vell dran o bolepen tele ap kol tsele menshende, kay kamenn lestar či te djinell oun krenn o čilačepen. Oun lengro čilačepen rikrell o čačepen tele.

Kolossarja 2:18

Hi menshe, kay krenn pen bares, oun kamenna, te shounenn t'mer ap kava te kova, oun te sharenn t'mer o Debleskre bolepangre, har yon krenna. Ma shounenn ap lende! Ninna te penenn le t'menge, te dikan le i baro koova, hoy kek vavar dikas, ma patsenn lenge! Kova, hoy yon penenna, hi či moldo. Yon hi sharede, ninna te dell či, pral hoy yon nay sharans pen: Lauter hoy yon rakrenna vell dran lengro shero.

Kolossarja 2:4

Kova penau t'menge, te anell t'men kek rhorhene labentsa kava dromestar tele.

Kolossarja 2:8

Denn yak, te shounenn ap kekeste, kay kamell te taprell t'men shoukar labentsa, hoy venna dran i menshengro gosvepen. Kova hi rhorhepen oun či moldo! Kol laba hi menshengro rakepen, hoy i phoure ap i čavende doureder penan oun vella i phoubyatar, oun gar o Yezous Kristestar.

Kolossarja 3:6

Kol menshe, kay shounenn gar ap o Debleste, kolla krenna savo koova. Doleske vell o Debleskri rholi pral lende.

2. Tessalonikarja 2:3

Kova lauter hi rhorhepen. Ma patsenn kekeske, kay kova penella! Ko dives vella gar yaake rah, har peran gar boud menshe o čačo dromestar tele. Ap ko tsiro vell ko čilačo mensho diklo, kay rikrell pes ap kek čačepen. Leske hi glan-diklo, te djal lo nashedo.

Hebrearja 13:9

Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.

Hebrearja 3:19

Yaake dikah mer: Kolla, kay patsan gar, hoy o Devel penas, hi kolla, kay van gar an o Debleskro them dren.

1. Johanni 4:1

Lače phrala oun phenya, ma patsenn hakenes, koon penella, te hi les o Debleskro Dourho! Dikenn ap leskro rakepen, te djinenn t'mer, te vell kova čačepah o Deblestar! Boud rhorhene rakepangre nashenn ap i phoub trouyel. Kolla penenna i menshenge, te vell lengro rakepen o Deblestar. Kova hi gar čačo.