Efesarja 4:26 - O Debleskro Lab 2024 (Sinte-Manouche)

²⁶ Te venn t'mer an i rholi, palle denn garda, te krenn kek čilačo koova! Moukenn o kham gar tele te djal pral t'mari rholi!

O Debleskro Drom 2021 (Sinte)

²⁶ Te wenn tumer an i choli, palle denn garda, te krenn kek tchilatcho koowa! Mukenn o kham gar tele te djal pral tumari choli!

Efesarja 4:26 ပူးပေါင်းရင်းမြစ်များ

Debleskri gili 37:8

Mouk tele i rholyatar! Ma rhoye tout pral o čilačepen, hoy i vavar krenna! Kova nay anell tout yaake dour, te kreh tou ninna o čilačepen.

Debleskri gili 4:4

Dikenn oun hayvenn: O baro Devel rodas kolen vin, kay kamenn les o tselo djiyestar. O baro Devel shounell man, te dau ap leste gole.

2. Mose 11:8

Palle venna tire pralstoune lauter pash mande oun vitsrenn pen glan mire pire tele oun mangenn man an oun penenn: Djan t'menge, tou oun tire tsele menshe, djan! Oun palle djah mer menge.” Oun moulo rhoyedo djas o Mose peske dran o Faraeskro kheer vin.

Gosewe laba 14:29

Kova, kay gar sik rhoyedo vell, hi gosevo. Koon sik rhoyedo vella, sikrell har dinelo yob hi.

Gosewe laba 19:11

Koles čačo gosvepen hi an o dji, kova vell gar sik rhoyedo, oun dikell gar ap i doosh i vavarendar. Doleske dikenn le pre ap leste.

Gosewe laba 25:23

I phourdepen oun kale volke anenn brishin, oun i čip, hoy pal o vast rakrell, anell rholi.

Sikepaskro 7:9

De garda te vess gar sik rhoyedo! Koon rhoyrell pes pral halauter, hi dinelo.

4. Mose 20:24

“O Aroneskro tsiro nashas tele, oun yob vell gar an ko them, kay dom i Israelitaryen. T'mer shounan gar ap kova, hoy penom pash o pani Meriba.

Mateo 5:22

Me penau t'menge: Koon ap peskro phraleste rhoyedo hi, kova hounte vell glan o čačepaskro anlo. Oun koon peskro phrales praasella, kova hounte vell glan i pralstoune čačepangre anlo. Oun koon penella: Dja touke pash o bengeste! kova vella an o bengeskri yag vitsedo.

Markus 10:14

Har o Yezous kova dikas, vas lo rhoyedo, oun penas ap lende: “Moukenn kol čaven pash mande te vell! Ma rikrenn len pale! Save har yon, kolen das o Devel gole, te djivenn le khetne leha an o bolepen.

Markus 3:5

Kova doukas les, kay lengro dji har i bar his. Oun yob dikas rhoyemen ap lende oun penas ap ko morsheste: “Sike tiro vast!” Oun yob sikras peskro vast. Oun ko vast vas sasto.

5. Mose 24:15

Ap ko emligo dives dess tou les peskre love i boudjake, hoy lo touke boudras, glan te djas o kham tele. Yob hi čorvelo, oun les hounte vell kol love djipaske. De len leste, te dell lo gar gole ap o baro Debleste pral toute, oun yaake doosh ap toute vell.

Jakobo 1:19

Mire kamle phrala, djinenn: Hako mensho hounte lell peske tsiro, te shounell lo. Yob te kamell te rakrell, palle hounte poučell lo pestar, te hi kova mishto, hoy yob kamell te penell. Oun yob hounte vell vitar gar sik rhoyedo.

Jakobo 1:20

Kek krell an i rholi kova, hoy o Devel kamella.

1. Samuel 20:34

Oun o Yonatan stas moulo rhoyedo pre o rhapastar, oun rhas či ap ko douyto dives pal o nevo čon. Leske his ropaske pral o David, koles leskro dad yaake praasas.