Efesarja 4:22 - O Debleskro Lab 2024 (Sinte-Manouche)

²² Ma djivenn bouder gar t'maro phouro djipen! An t'maro phouro djipen vas o čilačo koova baro an t'mare djia, oun t'mer kran, hoy t'menge gar mishto hi. Savo koova krell t'maro djipen paash.

O Debleskro Drom 2021 (Sinte)

²² Ma djiwenn buder gar tumaro phuro djipen! An tumaro phuro djipen was o tchilatcho koowa baro an tumare djia, un tumer kran, hoi tumenge gar mishto hi. Sawo koowa krell tumaro djipen paash.

Efesarja 4:22 ပူးပေါင်းရင်းမြစ်များ

Hiob 22:23

Te veh tou pale pash o zorelo Debleste, krell lo tout pale zorelo. Čip o čilačepen dour krik dran tiro kheer!

Gosewe laba 11:18

I čilačo mensho lell peske sau koova khetne, hoy leske gar ačell. Koon an o čačepen peskri boudi krell, lell i playsepen, hoy ačell.

Jeremia 17:9

Koon nay prindjrell o mensheskro dji? Či hi yaake čilačo oun rhorheno har o mensheskro dji.

Obadja 1:3

Tiro zorelo foro hi tardo ap i bare barra, tou djiveh pral an i berge. Doleske phourdal tou tout pre. Dik, tiro dji rhorhras tout, har lo touke dren rakras: Kek nay vitsrell tout tele ap i phoub.

Remarja 6:6

Mer djinah, maro phouro djipen vas leha ap o troushel dino oun meras, te vell o čilačepen bouder gar o ray pral mende.

Remarja 7:11

Me nay rikrom kol laba gar. Yaake hatsas o čilačepen i drom te rhorhell lo man, oun te anell lo man an o merepen.

2. Korintarja 11:3

Me darau, te vas vavar koova an t'maro shero, oun t'mer djivenn bouder gar djoudjes oun kokres o Yezous Kristeske. Me darau, te djas t'menge har i Evake, har o gosevo sap rhorhras lat, oun yoy moukas o čačo drom.

Galatarja 1:13

T'mer shounan, har me djivom an o biboldengro patsepen, oun lom kolen palla, kay patsenn ap o Yezous Kristeste, oun kamom, te marap len.

Efesarja 2:3

His i tsiro, kay djivam mer halauter har yon, oun kram o čilačepen, hoy an mende hi. Mer kram, hoy mer kamam, oun hoy menge an o shero vas. Oun o Debleskri rholi his ninna pral mende har pral kol vavar menshende.

Efesarja 4:17

Me penau t'menge zoreles, hoy mange o ray Yezous penas: Ma djivenn bouder har kol menshe, kay prindjrenn o Debles gar! Kova, hoy an lengro shero trouyel djala, hi či moldo.

Efesarja 4:25

Ma rhorhenn bouder! Mer ham lauter phrala oun phenya. Doleske rakrenn o čačepen yek o vavareha!

Efesarja 4:31

Avenn ap kekeste čilačo oun rhoyedo! Čingrenn ap kekeste, oun praasenn kekes!

Kolossarja 2:11

Har moukan t'maro phouro djipen pal t'mende, van t'mer o Debleskre menshe. I bibolde van činlo i vastentsa ap pengro mass. T'mer van gar činlo i vastentsa. Na-a! T'mer lan i nevo dji, hoy das t'men o Yezous Kristo.

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

Hebrearja 12:1

Kanna dikah, boud boud menshe patsan, te hi kova čačo, hoy o Devel penas. Mer ham gar kokres, kay patsah. Doleske hounte kras har yon kran, oun moukas gar tele te nashas ap o Debleskro drom, hoy glan mende hi. Te čivas lauter tele, hoy kamell men pale te rikrell! Ninna hounte čivas o čilačepen tele, hoy kamell men te taprell.

Hebrearja 3:13

Rakrenn hako dives khetne pral o patsepen, te ačenn pash o Debleste! Ko tsiro, kay rakrell o Devel ap t'mende hi kanna. Te shounenn t'mer gar ap o Debleste, nay vell i tsiro, kay shounenn t'mer bouder gar, te dell lo t'men gole.

Jakobo 1:21

Doleske moukenn hako djounglepen oun čilačepen! Oun patsenn ko lab, hoy o Devel an t'mende čivas! Krenn kova i lačo djiyeha! An o Debleskro lab hi koy zoor, te lell lo t'men dran o čilačepen oun o merepen vin.

Jakobo 1:26

Te penell i mensho: “Me djivau pal o Debleskro lab,” oun yob rikrell peskro mouy nay gar, kova rhorhell pes kokres. Oun kova, hoy yob o Debleske krella, hi či moldo.

1. Petro 1:18

T'mer djinenna, o Yezous Kristo playsras kek sonakay oun kek roup, – kova lauter ačell gar, – te lell lo t'men vin dran t'maro phouro djipen, hoy či moldo his, har djan ap ko drom, kay t'mare phoure djan.

1. Petro 4:3

I rah tsiro djivan t'mer har kol menshe, kay o Debles gar prindjrenna. T'mer kran vi-ladjedo koova. Oun t'maro dji nashas pal čilačo koova. T'mer piyan t'men mato, rhan t'men nasselo, oun mangan vavar koova an har o Debles. Kova hi čilačo glan o Debleskre yaka.

2. Petro 2:13

Yon kran čilačepen, oun čilačepen vell pral lende. Yon rhan pen nasselo, oun piyenn pen mato ninna ap o dives. Lenge hounte ladjenn t'men, te rhan le pen pash t'mende čalo, oun rakrenn lengro rhorhepen.

2. Petro 2:7

O Lot kokres vas vin lino dran o foro Sodom, har i yag tele peras. Yob djivas yaake, har o Devel kamas. Oun leske doukas ko djoungelo djipen, hoy kol čilače menshe djivan.

1. Samuel 1:14

Oun o Eli penas ap late: “Har rah kameh tou gomme mati kate te ačell? Dja khere oun sob tiro matepen vin, te vess pale pash toute!”