Efesarja 4:18 - O Debleskro Lab 2024 (Sinte-Manouche)

¹⁸ O Deblestar kamenn le či te djinell. Lengro dji hi har i bar. Yaake djan le ap i čilačo drom, oun prindjrenn ko djipen gar, hoy o Devel della.

O Debleskro Drom 2021 (Sinte)

¹⁸ O Deblestar kamenn le tchi te djinell. Lengro dji hi har i bar. Jaake djan le ap i tchilatcho drom, un prindjrenn ko djipen gar, hoi o Dewel della.

Efesarja 4:18 ပူးပေါင်းရင်းမြစ်များ

Debleskri gili 74:20

Biste gar koy sovel, hoy tou men dal, te rikreh tou pash mende! An o tselo them vell djoungelo oun čilačo koova kerdo an o khatepen.

Jesaja 25:7

Kate ap kay berga lell lo palle ko diklo krik, hoy čakrell i sherya i tsele menshendar, koy merepaskri plarhta, hoy hi čiddo pral i menshende an i tsele themma.

Ezekiel 14:5

Yaake krau, te krenn i Israelitarya pengre djia pale mange pre, yon, kay moukan miro drom oun mangenn vavar deblen an.

Daniel 5:20

Har hadas pes leskro dji, oun vas yob yaake pre-phourdo, te rikras lo glan či bouder pale, vas lo tele vitsedo peskro rayeskro beshepaskri. Oun o rayeskro barepen vas lestar krik lino.

3. Mose 11:16

ninna i straussetikre karhya oun i moulengre čirkle, panyeskre meve, oun o habichto oun hake čirkle dran leskri familya;

Mateo 13:15

O Devel penas: Kalla menshe kamenn gar te hayvell, hoy shounenn le. Yon kamenn gar te shounenn, hoy me penau. Vitar gar kamenn le te dikell, hoy čačo hi. Te kamans le kova te dikell, shounans le. Oun te shounans le, hayvans le, oun vans pash mande. Oun me nay kroms len sasto.

Markus 3:5

Kova doukas les, kay lengro dji har i bar his. Oun yob dikas rhoyemen ap lende oun penas ap ko morsheste: “Sike tiro vast!” Oun yob sikras peskro vast. Oun ko vast vas sasto.

Johanni 12:40

O Devel kras, kay dikenn yon nay gar. Oun lengro dji kras yob pandlo. Kova kras yob, te dikenn yon nay či pengre yakentsa, oun te djal či dren an lengro dji. Te nay moukenn le gar pengro čilačo drom oun venn pash o Debleste, te krell lo len sasto.

Bičepangre 17:30

An o phouro tsiro djinan i menshe gar, kay kova, hoy yon kran, i doosh his. Oun o Devel das len kek phagi. Kanna penell o Devel, te moukenn i menshe pengro čilačo drom, oun djan ap leskro drom.

Bičepangre 3:17

Me djinau, mire phrala, kay t'mer djinan gar, hoy t'mer koy kran o Yezouseha. Oun t'mare pralstoune djinan kova vitar gar.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

Remarja 11:25

Mire phrala, me kamau t'menge i baro čačepen te penell, hoy djinenn i menshe gar. Te djinenn t'mer kova, palle penenn t'mer gar: “Har gosevo ham mer!” T'mer hounte djinenn, hoske hi boud bibolden i dji dran bar, oun patsenn gar ap o Yezous Kristeste. Kova ačella yaake rah, bis te van kol tsele menshe dran i vavar themma ap o Yezouseskro drom, kolendar o Devel kamell, te venn le pash leste.

Remarja 11:7

Hoy kanna? Kova, hoy kaman i Israelitarya te lell, kova lan le gar. Kolen kokres, kay o Devel peske vin rodas, kolla lan kova. I tsele vavaren hi i dji dran bar.

Remarja 2:19

Me nay anau i korelen ap o Debleskro drom, ninna kolen, kay an i kali rat djana.

1. Korintarja 1:21

Ninna te dikenn i menshe o Debleskro gosvepen an halauter, hoy yob kras, prindjran yon pengro gosvepah o Debles gar. Doleske hatsas o Devel i vavar drom. Yob lell kol menshen dran o čilačepen vin, kay patsenn ap o rakepen pral o Yezouseskro merepen ap o troushel. Kol vavar menshe, kay gar patsenna, penenna: “Kova hi i dinelo rakepen, hoy t'mer kate rakrenna.”

1. Korintarja 2:8

Kova prindjran i raya ap kay phoub gar. Te nay dikans le an o Debleskro dji, dans le o Yezouses, ko rayes pral i tsele rayende, gar ap o troushel.

2. Korintarja 3:14

Kolengre djia van har bar. Ninna kava dives hayvenn i bibolde gar, hoy an o Moseskre lila činlo hi pral o phouro drom, te shounenn le kol laba an i biboldengre kangria. Kova hi yaake, har te vell i diklo ap lengre yaka čiddo, te dikenn le gar. O Yezous Kristo kokres nay lell ko diklo lengre yakendar tele.

2. Korintarja 4:4

Yon patsenn gar ap leste. O beng, kay o ray hi pral kay phoub, kras len korelo, te dikenn le gar, havo lačepen vell dran o lačo lab o Yezous Kristestar. Ko lab sikrell men o Yezouseskro raylepen. Oun yob hi yaake har o Devel.

Galatarja 4:8

An ko tsiro, kay prindjran t'mer o Debles gar, hans vavarenge koy, har te vans le o Devel.

Efesarja 2:1

Har gar patslo hans, his boud doosh ap t'mende. Oun t'mer hans čilačo. Yaake hans o Debleske moulo.

Efesarja 2:12

Ap ko tsiro prindjran t'mer o Yezous Kristes gar oun hans gar o Debleskre menshendar. Ko lačo koova, hoy o Devel peskre menshenge penas, te dell lo len, his gar t'menge. T'mer prindjran o Debles gar, oun djivan har an i kali rat oun dikan kek momeli glan t'mende.

Kolossarja 1:21

Ninna t'men anas o Devel pash peste. Glan i rah tsiro djivan t'mer dour lestar, kran čilačo koova, oun kaman o Debles gar.

1. Tessalonikarja 4:5

I rhanč hounte rhal les gar pre, har kova hi pash i menshende, kay prindjrenn o Debles gar.

Hebrearja 5:2

O baro rashay hayvell mishto, har kolenge djala, kay peran o Debleskro dromestar tele, ninna te djinan le gar, kay hi kova čilačo, hoy yon kran. Yob hi i mensho har yon, oun les hi gar i zoor pral o čilačepen.

Hebrearja 9:7

Yek kopo an o bersh djas o baro rashay kokres an i palstouni kouč isema. Har djal lo dren, lell lo o rat peha i firhestar, hoy maras lo o Debleske, te lell o Devel leskri doosh lestar, ninna i doosh kol menshendar, kay anan doosh ap pende, ninna te djinan le gar, kay kova, hoy yon kran, i čilačo koova his.

Jakobo 4:4

T'mer rhorhran oun moukan o Debles! Djinenn t'mer gar, kay kolla, kay čivenn pengre djia ap i phoubyakro koova, kolla hi gar o Debleskre mala? Koon kamell ko drom te djal, hoy i menshe ap kay phoub djana, kova kamell o Debles gar.

1. Petro 1:14

T'mer han o Debleskre čave. Doleske shounenn ap leste, oun djivenn bouder gar yaake har an ko tsiro, kay prindjran t'mer o Debles gar oun kran o čilačepen, hoy an t'mende his.

1. Johanni 2:11

Koon peskro phraleske čilačepen krella, kova djivell har an i kali rat, oun djal i drom, kay dikell lo nay gar. Yob djinell gar, kay yob djala. An i rat hi lo, har te vals lo korelo.