Debleskro tsiro 9:16 - O Debleskro Lab 2024 (Sinte-Manouche)

¹⁶ Oun me shounom, kitse lourde ap pengre graya an o kourepen djan. Kolla his biish zerya kope deesh zerya.

O Debleskro Drom 2021 (Sinte)

¹⁶ Un me shunom, kitse lurde ap pengre graja an o kurepen djan. Kolla his biish serja kope deesh serja.

Debleskro tsiro 9:16 ပူးပေါင်းရင်းမြစ်များ

Debleskri gili 68:17

T'mer berge, t'mer bergetikre sherya, hoske zilverenn t'mer ap koy berga, kolat o Devel peske vin rodas, te djivell yob kote? Ava, hako tsireske ačell o baro Devel koy.

Ezekiel 23:6

rido an rayle koola, themeskre raya oun pralstoune lourde, halauter shoukar terne morsha, kay ap graya klissenn.

Ezekiel 38:4

Oun krau, te rissress tout trouyel. Oun me dau sasterne kanengre čourye an tiro mouy. Oun tserdau tout vin dran tiro them tire tsele lourdentsa, i grayentsa oun kolentsa hoy ap lende klissenn, halauter shoukar an-rido. Boud boud lourde hi le, oun hidjrenn bare oun tikne shilte oun rhare.

Daniel 11:40

Oun an ko tsiro, kay i phoub bouder gar rah koy hi, djal o baro ray pral o them Egiptia ap leste pre. Oun o baro ray pral o them Syria dell i zoryah pale, oun vell peskre kourepangre vourdyentsa oun peskre lourdentsa, kay ap i graya klissenna oun boud shiffe. Oun zoryah perell lo an i themma dren; har i baro zorelo pani vell lo pral lende.

Daniel 7:10

Oun i lengsti yag das lestar karye vin. Oun leske boudran zerya kope zerya. Oun deesh-zerya kope deesh-zerya his glan leste tardo. Oun i čačepangre raya beshan pen, oun i lila van pre kerdo.

Debleskro tsiro 5:11

Oun me dikom oun shounom boud bolepangren tardo troul o rayeskro beshepaskro, oun troul kol star zorele bolepangre, oun troul kol čačepangre phourende. Yon his yaake boud har deesh zerya (10.000) kope deesh zerya oun yek zero kope yek zero.

Debleskro tsiro 7:4

Oun me shounom kitse menshe ko sikepen lan. Kolla his 144.000 (yek-sheel-te-star-deesh-te-star zerya) menshe, kay van dran i tsele menshende, kay venna pal o Israeleskre deesh-te-douy čavende.