Debleskro tsiro 9:1 - O Debleskro Lab 2024 (Sinte-Manouche)

¹ Oun o pančto bolepaskro phourdas an peskri phourdepaskri. Oun me dikom i bolepaskri momeli, hoy tele ap i phoub peras. Oun koya kras o telstunepen pre.

O Debleskro Drom 2021 (Sinte)

¹ Un o pantchto bolepaskro phurdas an peskri phurdepaskri. Un me dikom i bolepaskri momeli, hoi tele ap i phub peras. Un koja kras o telstunepen pre.

Debleskro tsiro 9:1 ပူးပေါင်းရင်းမြစ်များ

Jesaja 14:12

Tou shoukar bolepaskri momeli, har nay vas, kay peral tou tele? Tou, kay stakral i tsele themma tel toute, har djas, kay val ap i phoub tele dino?

Louka 10:18

Koy penas o Yezous ap peskre malende: “Me dikom o benges, har peras lo dran o bolepen har i yag.

Louka 8:31

Oun yon mangan les, te bičrell lo len gar an i telstouni phoub.

Remarja 10:7

Ninna hounte penell kek: “Yek hounte djal pash i moulende, te anell lo o Yezous Kristes i moulendar ap i phoub.” Mer djinah: Yob stas i moulendar pre.

Debleskro tsiro 1:18

Me hom o djido. Oun me homs moulo, oun kanna hom djido oun djivau hako tsireske. Man hi i zoor pral o merepen. Oun man hi o klidepaskro an o moulengro them.

Debleskro tsiro 1:20

Me kamau te hayvess, hoy kol efta bolepangre momlia hi, hoy tou an miro čačo vast dikal. Te hayvess ninna, hoy kol sonakangre momlia hi! Kol efta bolepangre momlia hi o Debleskre boudepangre, kay denn yak ap i patslende, kay an i efta forya khetne venna. Oun i efta sonakangre momlia hi i patsle, kay venna khetne an i efta forya.”

Debleskro tsiro 11:7

Oun te rakran yon i tsele laba, hoy o Devel lenge penas, palle vell o firho dran o telstunepen pre. Oun ko firho hi zorleder har yon, oun marell len.

Debleskro tsiro 17:8

Ko firho his djido, oun djivell kanna bouder gar, oun vell dran o telstunepen pale pre. Oun palle djal lo hako tsireske nashedo. I tsele menshe krenn bare yaka, te dikenn le, te vell ko firho pale, hoy djido his, oun kanna bouder gar djivella. Yon hi kolla, kolengre laba gar dren činlo van an o djipaskro liil, har i phoub gomme gar koy his.

Debleskro tsiro 20:1

Oun me dikom i bolepaskres dran o bolepen tele te vell. Oun koles hi i klidepaskro an o vast, te pandell lo o telstunepen pre. Ninna i sasterno shello hi an leskro vast.

Debleskro tsiro 20:10

Oun o beng, kay anas len ap peskro drom, vell an i bari yag vitsedo, hoy zoreles rhačella oun khandella. Kote hi ninna o firho, oun ko rhorheno rakepaskro. Kote vell len hako tsiro bare douka.

Debleskro tsiro 6:13

Oun i bolepangre momlia peran ap i phoub, yaake har perenn i brola ap i phoub tele, te phourdell i zorelo dourho an i broleskro rouk.

Debleskro tsiro 8:10

Oun ko triinto bolepaskro phourdas an peskri phourdepaskri: Oun i bolepaskri momeli rhačas har yag, oun peras tele ap i phoub. Oun koya peras ap o triinto kotar hako lengsto panyestar, ninna ap ko pani, hoy vella dran i phoub vin.

Debleskro tsiro 8:12

Oun o starto bolepaskro phourdas an peskri phourdepaskri. Oun o kham las i dap, oun o triinto kotar lestar vas kalo. Ninna o čon oun i vavar bolepangre momlia lan i dap. Oun o triinto kotar lendar vas kalo. Yaake rhačas o kham gar ap o triinto kotar ap o dives, vitar gar rhačan o čon oun i bolepangre momlia ap o triinto kotar an i rat.

Debleskro tsiro 8:2

Oun me dikom kol efta bolepangren, kay glan o Debleskro beshepaskro tardo hi. Kolla lan efta phourdepangren.

Debleskro tsiro 9:2

Koy vas i yagakri khand dran o telstunepen vin, har i yagakri khand dran i baro bob vin vella. Oun koy yagakri khand hadas pes pre, oun čakras o kham oun o bolepen, yaake te vas rat.