Debleskro tsiro 8:5 - O Debleskro Lab 2024 (Sinte-Manouche)

⁵ Oun ko bolepaskro las ko čaro, an koleste ko goudlo kasht rhačedo vella, oun kras les pherdi yag, hoy yob dran o Debleskri rhačepaskri las, oun čoras o čaro vin ap i phoub. Koy das yag karye pral oun tele, oun das bari zoreli gole, har koy gole, hoy o bolepen krella, te dell baro brishin, oun te djal yag tele ap i phoub. Oun i phoub trissas zoreles.

O Debleskro Drom 2021 (Sinte)

⁵ Un ko bolepaskro las ko tcharo, an koleste ko gudlo kasht chatchedo wella, un kras les pherdi jag, hoi job dran o Debleskri chatchepaskri las, un tchoras o tcharo win ap i phub. Koi das jag karje pral un tele, un das bari soreli gole, har koi gole, hoi o bolepen krella, te dell baro brishin, un te djal jag tele ap i phub. Un i phub trissas soreles.

Debleskro tsiro 8:5 ပူးပေါင်းရင်းမြစ်များ

1. Rajengro liil 19:11

Oun o baro Devel penas: “Dja vin oun ab glan mande ap i berga! Oun me djau glan toute vergel.” Koy phourdas i zorelo dourho pral i berge, te peran i barra tele, oun i bare barra phagan. – O baro Devel his gar an ko phourdepen. Oun pal o zorelo phourdepen trissas i phoub. – O baro Devel his gar an ko trisslepen i phoubyatar.

Debleskri gili 18:13

Dran o raylepen glan leste djan leskre volke doureder, brishineskre barra oun barra, hoy rhačran, peran dran lende.

2. Mose 19:16

Ap o triinto dives taysarlake das o bolepen bari gole, oun yag das tele karye, oun i pessi folka his pral i tseli berga, oun i phourdepaskri das bari gole. Oun i tsele Israelitarya lan i bari traash, te trissan lengre kokale.

Jesaja 29:6

vell o baro Devel, o ray pral o bolepen oun i phoub, oun lell t'men vin dran lengre vasta. Yob vella bari golyah oun moukell i phoub trissell. Oun o bolepen dell gole, oun i zorelo dourho phourdell pral i phoub, oun bari yag rhal troul peste.

Jesaja 30:30

Palle moukell o baro Devel peskri bari zoreli gole te shounell, oun i menshe dikenna, har leskri moussi tele dell an i rholi. Kote hi yag, hoy troul peste rhal, oun baro zorelo brishin, oun i zorelo phourdepen oun brishineskre barra.

Jesaja 66:6

Shounenn i divyi gole dran o foro, i kourepaskri gole dran o Debleskro kheer! Shounenn, o baro Devel rakrell i phagi vin pral kolende, kay rhoyran les!

Jeremia 51:11

I Babilonarya kran o baro Debleskro kheer paash. Doleske las pes o baro Devel glan, te phagell lo o foro Babilon tele. Yob das i rayende dran o them Media boud zoor an lende, te djan le ap o foro Babilon pre. Činenn t'mare fayle! Lenn t'mare sasterne bečeskre patria an o vast!

3. Mose 16:12

Palle djal lo pash ko sonakaskro bob, hoy glan o baro Debleste tardo hi, oun lell kolestar i sasterno čaro pherdo kasht, hoy rhačell, oun douy vasta pherdo soungepaskro koova, oun djal koleha pal ko voudar dran than an i kouč isema.

Zakarie 14:5

Koy tala djal yaake dour har Azel. An koy tala mank o baro Debleskre berge nashenn t'mer t'menge yaake, har t'mare phoure nashan penge, har i berge trissan an ko tsiro, kay o Usiya o baro ray pral o them Youda his. Oun palle vell miro baro Devel. Oun leskre tsele bolepangre venn khetne leha.

Mateo 24:7

I pralstoune pral bare themma kourenn pen i vavar pralstunentsa. Oun i menshe dran yek them marenn kolen an i vavar them. An boud themma hi i menshen gar doha te rhal. Oun kate oun kote vell i phoub trisslemen.

Louka 12:49

“Me vom, te vitsrap i yag ap i phoub. Kamoms te rhačals koy yag.

Bičepangre 16:26

Ap yek kopo trissas i phoub, oun ko kheer, kay o stilepen his, peras khetne. I voudya stan pre, oun ap i stilde peran i sasterne shelle tele.

Bičepangre 4:31

Ap yek kopo, har yon o Debles an-mangan, trissas i phoub kote, kay yon his. Oun o Debleskro Dourho vas ap lauterende. Oun yon penan o Debleskro lab, oun kek traash his an lende.

Debleskro tsiro 11:13

Oun ap yek kopo trissas i phoub zoreles. Oun o deshto kotar ko forestar peras khetne. Oun efta zerya (7.000) menshe van maredo. Oun kol vavaren tapras i bari daar, oun yon sharan o Debles, kay an o bolepen hi.

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

Debleskro tsiro 4:5

Oun kotar, kay ko rayeskro beshepaskro hi, das yag karye pral oun tele, oun vas i bari gole vin, har koy gole, hoy o bolepen krella, te dell baro brishin oun te djal yag tele ap i phoub. Oun glan o rayeskro beshepaskro rhačan efta yaga. Kol efta yaga hi o Debleskro Dourho.

Debleskro tsiro 6:12

Oun me dikom, har o terno bakro i shobti dori pre pandas, hoy ko liil khetne rikras. Koy trissas i phoub zoreles. Oun o kham vas kalo har i kalo gono. Oun o tselo čon vas lolo har o rat.

Debleskro tsiro 8:3

Oun i vavar bolepaskro vas, oun djas pash o Debleskri rhačepaskri. Les his i sonakaskro čaro an o vast, an koleste goudlo kasht rhačedo vella, hoy mishto soungella. Oun ko bolepaskro las boud goudlo kasht, te rhačrell lo les ap o Debleskro sonakaskro bob, hoy glan o Debleskro beshepaskro tardo hi, te vell o lačo soungepen khetne o mangepah, hoy o Debleskre čave o Deblestar mangan.