Debleskro tsiro 7:3 - O Debleskro Lab 2024 (Sinte-Manouche)

³ Oun yob penas ap lende: “Ma doukrenn i phoub oun o baro pani, vitar gar i rouka, yaake rah har mer kram gar i sikepen glan ap i shere kolendar, kay maro Debleske boudran.”

O Debleskro Drom 2021 (Sinte)

³ Un job penas ap lende: “Ma dukrenn i phub un o baro pani, witar gar i ruka, jaake rah har mer kram gar i sikepen glan ap i shere kolendar, kai maro Debleske budran.”

Debleskro tsiro 7:3 ပူးပေါင်းရင်းမြစ်များ

2. Mose 12:13

O rat ap i khera sikrell mande, kay t'mer han. Oun dikau me o rat, djau me doureder, te djal t'menge či. Oun ko merepen, hoy anau ap o them Egiptia, vell gar ap t'mende.

2. Mose 12:23

Oun o baro Devel djala mashkral o them, te dell lo i Egiptarya temerl. Te dikell lo o rat pral ap o voudar oun ap kol douy kashta, hoy čačes oun serves pash o voudar hi, palle djal yob doureder oun moukell koles, kay anell o merepen, gar pash t'mende dren te djal, te dell lo yekes t'mendar temerl.

Jesaja 27:8

Na-a, yob das len lengri phagi, har yob len pestar krik bičras. Dran lengro them van le krik tradedo har i zorelo dourheha, hoy kotar phourdell, kay o kham pre djal.

Jesaja 54:17

Kek rharo, hoy kerdo vas, te dell lo tout moulo, nay doukrell tout. Oun hako kopo, kay yek čomone ap toute pre anell, nay sikreh tou, kay yob rhorhras. Kova krau kolenge, kay mange boudrenn. Oun me sikrau, te hi yon an o čačepen, penell o baro Devel.

Jesaja 6:13

Ninna te ačell o deshto kotar gomme koy, djal lenge har i tikne kashta, kay venn dran i tele-dino rouk. I yag rhačrell len pre. Ko telstouno kotar o roukestar ačell. Oun dran leste vell nevo djipen, hoy hi o Debleske koy.

Jesaja 65:8

Kava penell o baro Devel: Yaake har kek harho peskre drake tele dell oun krik vitsrell, kay gomme mool an lende hi, yaake kamau me ninna te krell mire menshentsa, te moukap len gar lauteren te marell. Hi save mank lende, kay mange koy hi.

Ezekiel 9:4

oun penas ap leste: An o foro Yerusalem hi gomme menshe, kolengro dji rovell oun dell gole pral kava boud djoungelo koova, hoy kate kerdo vell. Dja an o tselo foro trouyel, oun kre i sikepen glan ap kolengre sherya.

Ezekiel 9:6

Denn i phouren moulo, oun i terne morshen oun i terne čen, ninna i čaven oun i djouvyen! Ma taprenn yekeske an, koles ko sikepen glan ap peskro shero hi! Djan glanstounes pash miro kheer, oun foun kotar doureder. Yaake kran le, oun maran glanstounes kol pralstunen, kay glan o baro Debleskro kheer tardo his.

Daniel 3:17

Maro Devel, koles mer an-mangah, te kamell yob, palle nay lell lo men vin dran i bobeskri yag oun dran tiro vast.

Daniel 3:26

Oun o Neboukadnezar djas pash ko voudar ko bobestar oun das gole: “Shadrak, Meshak oun Abed-Nego, t'mer boudepangre o pralstouno Deblestar, avenn koy vin, oun venn pash mande!” Oun o Shadrak, o Meshak oun o Abed-Nego djan vin dran i yag.

Daniel 6:16

Kote nashan kol morsha pale khetne pash o baro rayeste oun penan ap leste: “Tou djineh, baro ray, pash i Medarya oun o Persarya hi o čačepen yaake, te nay vell kek lab pale pale lino, hoy o baro ray moukas te činell!”

Zefanja 2:3

T'mer vavar, kay kran t'men gar bares oun rikrenn o Debleskro čačepen, t'menge penau: Rodenn o baro Debles! Krenn, hoy glan leste čačo hi! Rikrenn t'men gar baro! Nay vell, te rikrell lo peskro vast pral t'mende, ap ko dives, kay leskri rholi pral i menshende vell.

Maleachi 3:18

Palle dikenn t'mer pale, kay djal gar emliges kolenge, kay an o čačepen tardo hi oun kolenge, kay krenn o čilačepen. Djal vavarčandes koleske, kay mangell o Debles an, har koleske, kay mangell les gar an.

Mateo 24:22

Te krals o Devel o čilačo tsiro gar tikneder, palle vals kek mensho dran o čilačo tsiro vin. Kolen, kay o Devel peske vin rodas, kolenge krell lo o čilačo tsiro tikneder.

Mateo 24:31

Oun yob bičrell peskre bolepangren pral i tseli phoub. Oun kolla phourdenn an i bashepangre, te anenn le dran hako them kolen khetne, kay o Devel peske vin rodas.

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Johanni 3:33

Koon patsell ap leste, kova sikrell yaake, kay halauter čačo hi, hoy o Devel penella.

Remarja 6:22

Kanna han t'mer bouder gar pandlo ap o čilačepen. T'mer van o Debleskre boudepangre. Oun t'mer djivenn o Debleskro djipen. Oun kova anell t'men an o djipen, hoy gar pre-herella.

Debleskro tsiro 13:16

Oun i tsele menshe hi an o vast ko firhestar: I bare har i tikne, i bravele har i čorvele, i raya oun i boudepangre. Kolla lauter hounte krenn i sikepen ap pende. Hi save, kay hounte činenn les ap pengro čačo vast. Vavar hounte činenn les glan ap pengro shero.

Debleskro tsiro 13:17

Ko sikepen nay vell o firheskro lab, ninna leskri noumra. Koles, kay ko lab gar ap peste hi, vitar gar leskri noumra, kova nashte ginell či, oun nashte bikrell či.

Debleskro tsiro 14:1

Oun me dikom ko terno bakres ap i berga Sion tardo. Oun leha his yek-sheel-te-star-deesh-te-star zerya (144.000) menshe. Kolen hi o Yezouseskro lab oun o lab leskro dadestar glan ap lengre shere činlo.

Debleskro tsiro 14:9

Oun i triinto vavar bolepaskro vas pal lende, oun das bari gole: “Kolla, kay mangenn o firhes an, oun ko firhes, hoy vas i menshendar kerdo, oun kolla, kay činan leskro sikepen glan ap pengro shero, ninna ap pengro vast.

Debleskro tsiro 19:2

Lačo oun čačo hi lo. I phagi, hoy yob i menshen das, hi mishto oun čačo. Yob das i bari loubyat lakri phagi. Yoy tserdas i menshen ap i tseli phoub an vi-ladjedo koova oun maras o Debleskre boudepangren. O Devel das lat ko čilačepen pale, hoy yoy ap lende kras.”

Debleskro tsiro 20:4

Oun me dikom kolen, kolenge o shero tele dino vas doleske, kay rikran le zoreles ap o Debleskro lab oun sikran i menshende o Yezouseskro drom. Yon mangan gar ko firhes an, vitar gar ko firhes, hoy i menshendar kerdo vas. Oun yon lan gar o firheskro lab ap pengre shere, vitar gar ap pengre vasta. Kalla lauter van kanna djido. Yon hi beshdo ap i rayengre beshepangre, oun lenn i zoor, te rakrenn le o čačepen vin pral i menshende. Khetne o Yezous Kristeha hi le raya yek zero bersh.

Debleskro tsiro 22:4

oun dikenn les pengre yakentsa. Oun leskro lab hi glan ap lengre shere činlo.

Debleskro tsiro 6:6

Oun me shounom i rakepen, hoy vas mashkral kote vin, kay kol star zorele bolepangre tardo hi, oun penas: “Yek dives hounte boudrenn le, te ginenn le yek čaro gib. Oun yek dives hounte boudrenn le, te ginenn le triin čare djob. O djet oun i mool ačenna, har yon hi. Kolenge hounte playsrenn le gar boudeder.”

Debleskro tsiro 7:1

Oun pal kova dikom me star bolepangren. Kolla his tardo ap kol star rigya i phoubyatar, oun rikran ko zorelo dourho pale, hoy phourdell dran hake star rigya pral i phoub. Yon rikran les pale, te phourdell lo gar pral i phoub, vitar gar pral o baro pani, vitar gar pral i tsele rouka.

Debleskro tsiro 7:2

Oun me dikom i vavar bolepaskres. Kova vas kol rigyatar, kay o kham pre djala. Oun yob kras i sikepen ap kolende, kay o djido Debleske koy hi. Oun yob das zoreles gole ap kol star bolepangre, kolen i zoor dino vas, te doukrenn le i phoub oun o baro pani.

Debleskro tsiro 9:4

Oun lenge vas penlo, te doukrenn le gar o zenlepen ap i phoub, vitar gar i rouka. Yon hounte doukrenn kol menshen kokres, kay kek Debleskro sikepen glan ap lengre shere hi.