Debleskro tsiro 7:15 - O Debleskro Lab 2024 (Sinte-Manouche)

¹⁵ Doleske hi le tardo glan o Debleskro beshepaskro oun hi leskre rashaya an leskro kheer, oun hi leske koy o tselo dives oun i tseli rat. Oun kova, kay ap o Debleskro beshepaskro beshdo hi, djivell pash lende, oun dell yak ap lende.

O Debleskro Drom 2021 (Sinte)

¹⁵ Doleske hi le tardo glan o Debleskro beshepaskro un hi leskre rashaja an leskro kheer, un hi leske koi o tselo diwes un i tseli rat. Un kowa, kai ap o Debleskro beshepaskro beshdo hi, djiwell pash lende, un dell jak ap lende.

Debleskro tsiro 7:15 ပူးပေါင်းရင်းမြစ်များ

1. Rajengro liil 6:13

oun me kamau te djivap an kava kheer, hoy tou mange kreh, mank i Israelitarya, oun kamau mire menshen Israel gar kokres te moukell.”

1. Familjakro liil 23:25

Kolestar penas o David: O baro Devel, kay o Israeleskro Devel hi, das peskre menshen i them, kay le khere hi. Oun yob kamell hako tsiro an o foro Yerusalem te djivell.

2. Mose 29:45

Oun me djivau mashkral i Israelitarya oun hom lengro Devel.

Ezekiel 37:27

Oun me djivau mank lende. Oun me hom lengro Devel, oun yon hi mire menshe.

3. Mose 26:11

Oun me djivau mashkral t'mende, oun sikrau t'men gar miro doumo.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

1. Korintarja 3:16

Djinenn t'mer gar, kay han t'mer o Debleskro kheer, oun kay o Debleskro Dourho an t'mende djivella?

2. Korintarja 6:16

An o Debleskro baro kheer vell o djido Devel kokres sharedo oun kek vavar koova. Mer halauter ham o djido Debleskro baro kheer. O Devel penas: Me kamau te djivap pash lende oun mashkral lende. Me kamau lengro Devel te vell, oun yon hi mire menshe.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Hebrearja 8:1

Kova hounte djinenn t'mer: Men hi i baro rashay, kova hi o Yezous Kristo. An o bolepen hi lo beshdo ap i čači rig o Deblestar.

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

Debleskro tsiro 13:6

Oun yob praasas o Debles, oun rakras djoungeles pral leskro lab oun leskro kheer. Ninna kolen, kay an o bolepen djivenna, praasas lo.

Debleskro tsiro 20:10

Oun o beng, kay anas len ap peskro drom, vell an i bari yag vitsedo, hoy zoreles rhačella oun khandella. Kote hi ninna o firho, oun ko rhorheno rakepaskro. Kote vell len hako tsiro bare douka.

Debleskro tsiro 21:22

Oun me dikom kek Debleskro kheer an ko foro, kay mangenn le o Debles an. O baro Devel kokres, kay hi o ray pral halauter, hi mashkral lende, yob oun o terno bakro.

Debleskro tsiro 22:3

Kanna dell či bouder, hoy hi glan o Debleste praasedo. Oun o beshepaskro o Deblestar oun o terno bakrestar hi an o foro tardo. Oun leskre boudepangre hi leske koy,

Debleskro tsiro 22:5

An ko foro vell bouder gar rati. Len hounte vell kek momeli, vitar gar o kham, te dikenn le. O baro Devel hi lengri momeli. Oun yon hi bare raya hako tsireske.

Debleskro tsiro 4:4

Oun troul o rayeskro beshepaskro his biish-te-star vavar rayengre beshepangre tardo. Oun ap kolende his biish-te-star čačepangre phoure beshdo. Kolen his parne ripya ap lende, oun i shereskro sonakay ap lengre shere.

Debleskro tsiro 4:8

Oun hakenes lendar his shob čirklengre moussya. Kolla his dren oun vin pherde yaka. Oun yon givenn o tselo dives oun i tseli rat: Lačo - oun čačo - har kek vavar - hi o Devel, ko ray pral halauter. Hako tsiro djivell lo, kanna, oun an ko tsiro, hoy his, oun hoy vella.

Debleskro tsiro 4:9

Oun yaake sharenn kol star zorele bolepangre koles, kay ap o rayeskro beshepaskro beshdo hi, oun yon hadenn les oun krenn les baro, oun parkrenn pen pash leste, kay djivell hako tsireske.

Debleskro tsiro 7:9

Pal kova dikom me boud menshen, yaake boud, te nay penell kek, kitse yon hi. Kolla venna dran hako them, haki natsyona, haki harmenatsyona oun hako rakepen. Oun yon his khetne tardo glan o rayeskro beshepaskro oun glan ko terno bakro. Len his parne ripya ap lende oun bare patria an lengre vasta.