Debleskro tsiro 5:5 - O Debleskro Lab 2024 (Sinte-Manouche)

⁵ Oun yek kol čačepangre phourendar penas ap mande: “Ma rob! Dik, yek las i zoor o Deblestar pral o čilačepen oun o merepen, oun hi moldo, te krell lo ko liil pre, te dikell lo dren. Yob hi kova, kay kharenn le levo, kay vell dran o them Youda. Yob hi o Davideskro čavo.”

O Debleskro Drom 2021 (Sinte)

⁵ Un jek kol tchatchepangre phurendar penas ap mande: “Ma rob! Dik, jek las i soor o Deblestar pral o tchilatchepen un o merepen, un hi moldo, te krell lo ko liil pre, te dikell lo dren. Job hi kowa, kai kharenn le lewo, kai well dran o them Juda. Job hi o Davideskro tchawo.”

Debleskro tsiro 5:5 ပူးပေါင်းရင်းမြစ်များ

1. Rajengro liil 10:20

Oun deesh-te-douy leve his tardo ap kol shob stufe, ap haki stufa čačes oun serves yek levo. An kek vavar them oun kek tsiro vas o baro rayeske savi shoukar beshepaskri kerdo.

2. Familjakro liil 9:18

Shob stufe his glan i beshepaskri, oun i tikno banko i pirenge dran sonakay. Oun čačes oun serves his moussyengre. Pash haki moussyakri his i levo tardo.

Hiob 41:15

Leskro per hi masselo oun zorelo har saster.

Jesaja 11:1

Yaake har vell i tikno nevo kasht dran i tele dino rouk, oun i nevo tikno rouk mank leskre draba vin, yaake vell i nevo baro ray dran o Davideskro kheer.

Jesaja 11:10

Ap ko dives vell i morsh dran o Davideskro kheer, har i tikno rouk dran i draba i tele-dino roukestar, oun vell i sikepen i tsele menshenge ap i phoub. Menshe dran vavar themma poučenn pal leste. Oun leskro foro, kay yob djivell, vell pherdo raylepen.

Jeremia 31:16

Kanna penell o baro Devel: Mouk tiri gole oun tiro ropen! Khosse tire sva! Kova, hoy kral tire čavenge, his gar čičeske, penell o baro Devel. Yon venn pale pale dran o them, kay van le tele rikedo.

Daniel 7:16

Oun me djom pash yekeste, kay kote tardo his. Oun mangom les, te sikrell lo mande, hoy kova lauter kamell te penell. Oun yob rakras mantsa oun moukas man te djinell, hoy kova kamell te penell:

4. Mose 24:9

O Israel čivas pes tele har i bari margodja, ava, har i terni bari margodja. Kek kamell lat pre djangrell. Barht oun zoor vell koles, kay rakrell i barht pral toute vin, Israel! Oun bibarht vell ap koleste, kay rakrell i bibarht vin pral toute.

Louka 23:28

Oun o Yezous rissras pes trouyel oun penas ap lende: “Djuvyale dran o foro Yerusalem, rovenn gar pral mande! Rovenn pral t'mende oun pral t'mare čavende!

Louka 7:13

Oun o Yezous dikas lat, oun leskro dji doukas. Oun yob penas ap late: “Ma rob!”

Louka 8:52

Oun halauter rovan, oun dan pengre vasta pral o shero khetne. Oun yob penas ap lende: “Ma rovenn! Yoy hi gar mouli. Yoy sovella.”

Johanni 20:13

“Hoske roveh tou, romniya?” poučan kol bolepangre i Mariatar. “Yon lan miro rayes krik,” penas li, “oun me djinau gar, kay yon les čivan.”

Remarja 1:3

Ko drom hi o Debleskro čavo. Kova vas i mensho oun vas o Davideskre menshendar. Yob vas ninna o Deblestar. O Devel sikras i bari zoryah, te hi lo leskro čavo, har kras lo les i moulendar djido. Kova hi o Yezous Kristo, maro ray.

Remarja 15:12

Oun o Debleskro rakepaskro, o Yesaya, penas glan i rah tsiro: Koy vell i morsh i menshendar, kolengro dad hi o Isay, kova vell o ray pral i menshende an i tsele themma. Ap koleste dikenn le, te vell lo lenge lačes.

Debleskro tsiro 1:1

An kava liil hi kova činlo, hoy o Devel moukas o Yezous Kristes te dikell, te sikrell yob peskre boudepangren, hoy an i tikno tsiro hounte vella. Oun o Yezous Kristo bičras peskro bolepaskres pash mande, te sikrell lo mande kava lauter. Me, o Yohanni, hom leskro boudepaskro

Debleskro tsiro 22:16

Me, o Yezous, bičrom miro bolepaskres pash t'mende, te penell lo kava koova i patslenge. Me hom o Davideskro čavo. Me hom koy rayli bolepaskri momeli, hoy djal pre taysarlake ap o bolepen.”

Debleskro tsiro 3:21

Kova, kay zoreles an o patsepen ačas, oun gar pre das, kova nay beshell pes mantsa ap miro rayeskro beshepaskro, yaake har me ninna zoreles tardo homs, oun me beshom man miro dadeha ap leskro rayeskro beshepaskro.

Debleskro tsiro 4:10

Hako kopo, kay krenn le kova, vitsrenn pen kol biish-te-star čačepangre phoure glan koleste tele, kay ap o rayeskro beshepaskro beshdo hi, oun sharenn koles, koleskro djipen gar pre-herella. Oun yon čivenn pengro sherengro sonakay glan o rayeskro beshepaskro tele, oun penenna:

Debleskro tsiro 4:4

Oun troul o rayeskro beshepaskro his biish-te-star vavar rayengre beshepangre tardo. Oun ap kolende his biish-te-star čačepangre phoure beshdo. Kolen his parne ripya ap lende, oun i shereskro sonakay ap lengre shere.

Debleskro tsiro 5:4

Oun har dikom, te his kek moldo, te krell lo ko liil pre, te dikell lo dren, koy rovom zoreles.

Debleskro tsiro 6:1

Oun me dikom, har ko terno bakro yek kol efta doryendar pre pandas, hoy ko liil khetne rikrenna. Oun me shounom, har yek kol star zorele bolepangrendar zoreles penas: “Ab!”

Debleskro tsiro 7:13

Oun yek kol čačepangre phourendar poučas mandar: “Koon hi kolla, kay hi len parne ripya ap lende? Kay van le?”