Debleskro tsiro 4:8 - O Debleskro Lab 2024 (Sinte-Manouche)

⁸ Oun hakenes lendar his shob čirklengre moussya. Kolla his dren oun vin pherde yaka. Oun yon givenn o tselo dives oun i tseli rat: Lačo - oun čačo - har kek vavar - hi o Devel, ko ray pral halauter. Hako tsiro djivell lo, kanna, oun an ko tsiro, hoy his, oun hoy vella.

O Debleskro Drom 2021 (Sinte)

⁸ Un hakenes lendar his shob tchirklengre mussja. Kolla his dren un win pherde jaka. Un jon giwenn o tselo diwes un i tseli rat: Latcho - un tchatcho - har kek wawar - hi o Dewel, ko rai pral halauter. Hako tsiro djiwell lo, kanna, un an ko tsiro, hoi his, un hoi wella.

Debleskro tsiro 4:8 ပူးပေါင်းရင်းမြစ်များ

1. Mose 17:1

O Abram his 99 (enya-deesh-te-enya) bersh phouro. Koy moukas pes o baro Devel glan leste te dikell, oun penas ap leste: “Me hom o zorelo Devel. Dja ap miro drom, te hatsap kek čilačepen ap toute!

Debleskri gili 91:1

Kova, kay beshell tel o vast o Deblestar, ko pralstunestar, oun ačell pash leste, ko zorelo Debleste,

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

2. Mose 3:14

O Devel penas ap o Moseste: “Me hom, koon me hom. Pen ap i Israelitarya: O baro Devel, kay kharella Me-Hom bičras man pash t'mende. Yob hi o baro Devel, kones t'mare phoure dada, o Abraham, o Isaak oun o Yakob an-mangan. Baro Devel hi miro lab i tsele tsirya. Oun yaake hounte kharenn man tire menshe, kay venna pal toute.

Jesaja 13:6

Rovenn, o dives, kay o baro Debleskri rholi vell, hi bouder gar dour. Ap ko dives anell o zorelo Devel bari bibarht pral t'mende.

Jesaja 62:1

Te dikau tout, Yerusalem, nay rikrau gar miro mouy, dran o kamlepen ap toute dau gar pre, bis te lell o foro peskro čačepen, oun leskri barht pre djal har o kham oun diklo vell har i yag an i rati.

Ezekiel 1:18

Oun kol rade his baro oun kran daar. Ap lende his yaka troul lende trouyel, oun kova pash hake starende.

Ezekiel 1:5

Oun kote dren dikom star bolepangre, hoy vin dikan har menshe.

Ezekiel 1:6

Hakenes lendar his star čirklengre moussya oun i shero, kay ap hake star rigya i mouy oun yaka his.

Ezekiel 10:12

Oun halauter lendar, o doumo, i vasta, i čirklengre moussya oun lengre rade his pherde yaka ap haki rig. Oun hakenes his peskri rada.

Joel 1:15

Havo bibarhtelo tsiro! O dives, kay o baro Debleskri rholi vell, hi bouder gar dour. Ap ko dives anell o zorelo Devel bari bibarht pral mende.

Bičepangre 20:31

Doleske denn yak! Oun rikrenn t'mare yaka pre! Triin bersha homs me pash t'mende, oun rovom hako dives oun haki rat ap t'mende, te krenn či, hoy gar mishto hi an o Debleskre yaka. Ma bistrenn kova!

2. Korintarja 6:18

Oun me kamau t'maro dad te vell, oun t'mer han mire čave oun mire ča. Kova penell o baro Devel, kay hi o ray pral o bolepen oun i phoub.

1. Tessalonikarja 2:9

Mire phrala, t'mer djinenna, har phari mari boudi his, har hams pash t'mende, oun sikram t'mende o Debleskro drom. Ap o dives oun an i rat boudram, te djivas gar dran t'mari possita.

1. Timoteo 4:16

De garda ap toute, har tou djiveh oun har tou sikreh o Debleskro drom! Kre ko koova, hoy touke penom! Yaake djah tou ap o drom pash o Debleste. Oun kolla, kay shounenn ap kova, hoy tou peneh, aneh tou ninna ap ko drom.

2. Timoteo 4:2

Pen i menshenge o Debleskro lab! Kre kova oun mouk gar tele, ninna te kamenn i menshe kova gar te shounell! Sike len lengri doosh! De len trad, te moukenn le o čilačepen! Kre lengre djia zoreles an o patsepen! Oun ab gar khino, te sikress len o čačo drom!

Hebrearja 13:8

O Yezous Kristo ačell har yob hi: taysar, kava dives, oun hako tsireske.

Debleskro tsiro 1:4

Me, o Yohanni, činau kava liil ap i tsele patslende, kay an i efta forya an o them Asia khetne venna. Lačepen oun barht t'menge! Kova dell t'men o Devel! Yob djivella hako tsiro: kanna oun an ko tsiro, hoy his oun hoy vella! Lačepen oun barht t'menge! Kova dell t'men o Debleskro Dourho! Kova hi har efta yaga glan o Debleskro beshepaskro tardo.

Debleskro tsiro 1:8

O baro Devel penella: “Mandar vas lauter. Oun lauter vella pale glan mande. Man hi i tseli zoor, oun djivau hako tsireske: kanna oun an ko tsiro, hoy his oun hoy vella.”

Debleskro tsiro 11:17

oun penan: Mer parkrah men pash toute, maro ray. Tou hal o zorelo Devel. Tou djiveh kanna har djival an o phouro tsiro. Tou sikral tiri bari zoor, oun val o ray pral halauter.

Debleskro tsiro 14:11

Oun i khand koy yagatar, hoy krell len save bare douka, djal pre hako tsiro. Kolla, kay mangan o firhes an oun ko kerdo firhes, oun lan leskro sikepen ap pende, kolen hi douka o dives oun i rati.

Debleskro tsiro 14:3

Oun yon givenn i nevi gili glan o rayeskro beshepaskro, oun glan kol star zorele bolepangre oun glan kol čačepangre phourende. Oun kek nay givas koy gili, har kokres kol yek-sheel-te-star-deesh-te-star zerya (144.000) menshe. O terno bakro playsras lenge peskro rateha, te lell lo len i phoubyatar vin, oun te anell lo len khetne o Debleske.

Debleskro tsiro 15:3

Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!

Debleskro tsiro 15:7

Kote his ninna kol star zorele bolepangre tardo. Oun yek lendar das kol efta bolepangren efta sonakangre čare an lengre vasta. An kol čare his i rholi o Deblestar, kay djivell kanna oun hako tsireske.

Debleskro tsiro 16:14

Kolla triin benga krenn baro oun zorelo koova, oun djan pash i rayende pral i tsele themma, te anenn yon pengre lourden khetne, te djan le an o kourepen ap o Debleskro baro dives.

Debleskro tsiro 16:7

Oun me shounom, har yek pash o Debleskri rhačepaskri penas: “Ava, ray, maro zorelo Devel, mishto kral, kay tou dal len savi phagi.”

Debleskro tsiro 19:15

Oun dran leskro mouy vell i rharo vin, hoy lačes činella. Koleha kourell lo pes i menshentsa an i tsele themma, oun vell zorleder har yon. Yob anell len i sasterno vasteha. Yaake har yek i drake paash stakrella, te vell i mool vin, yaake stakrell lo kolen paash, kay gar ap leste shounenna, oun anell i rholi o zorelo Deblestar ap lende.

Debleskro tsiro 19:4

Oun kol biish-te-star čačepangre phoure oun kol star zorele bolepangre vitsran pen tele glan o Debleste, kay ap peskro rayeskro beshepaskro beshdo hi, oun sharan les, oun penan: “Amen, Halleluya!”

Debleskro tsiro 21:22

Oun me dikom kek Debleskro kheer an ko foro, kay mangenn le o Debles an. O baro Devel kokres, kay hi o ray pral halauter, hi mashkral lende, yob oun o terno bakro.

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.

Debleskro tsiro 4:4

Oun troul o rayeskro beshepaskro his biish-te-star vavar rayengre beshepangre tardo. Oun ap kolende his biish-te-star čačepangre phoure beshdo. Kolen his parne ripya ap lende, oun i shereskro sonakay ap lengre shere.

Debleskro tsiro 4:6

Glan o rayeskro beshepaskro his čomone har i baro pani dran vali. Kova his yaake djoudjo, te dikenn le nay dren, har dikenn le an i vali. Troul o rayeskro beshepaskro his star zorele bolepangre, yek ap haki rig. Kolla his pherde yaka glan oun palla.

Debleskro tsiro 4:9

Oun yaake sharenn kol star zorele bolepangre koles, kay ap o rayeskro beshepaskro beshdo hi, oun yon hadenn les oun krenn les baro, oun parkrenn pen pash leste, kay djivell hako tsireske.

Debleskro tsiro 5:6

Oun me dikom i terno bakres pash o rayeskro beshepaskro, hoy vi-dikas, har vals lo maredo. Kova hi tardo mashkral kol star zorele bolepangre oun kol čačepangre phourende. Les hi efta shinga oun efta yaka. Kol efta yaka hi o Debleskro Dourho, hoy pral i tseli phoub vin bičedo vas.

Debleskro tsiro 6:1

Oun me dikom, har ko terno bakro yek kol efta doryendar pre pandas, hoy ko liil khetne rikrenna. Oun me shounom, har yek kol star zorele bolepangrendar zoreles penas: “Ab!”

Debleskro tsiro 6:6

Oun me shounom i rakepen, hoy vas mashkral kote vin, kay kol star zorele bolepangre tardo hi, oun penas: “Yek dives hounte boudrenn le, te ginenn le yek čaro gib. Oun yek dives hounte boudrenn le, te ginenn le triin čare djob. O djet oun i mool ačenna, har yon hi. Kolenge hounte playsrenn le gar boudeder.”

Debleskro tsiro 7:11

Oun i tsele bolepangre his tardo troul o rayeskro beshepaskro oun troul i čačepangre phourende oun troul i star zorele bolepangre. Oun yon vitsran pen glan o rayeskro beshepaskro tele o mouyeha ap i phoub, oun sharan o Debles.

Debleskro tsiro 7:15

Doleske hi le tardo glan o Debleskro beshepaskro oun hi leskre rashaya an leskro kheer, oun hi leske koy o tselo dives oun i tseli rat. Oun kova, kay ap o Debleskro beshepaskro beshdo hi, djivell pash lende, oun dell yak ap lende.