Debleskro tsiro 4:7 - O Debleskro Lab 2024 (Sinte-Manouche)

⁷ Oun ko glanstouno zorelo bolepaskro his har i bari margodja. Oun ko douyto zorelo bolepaskro his har i terni morshkani groumni. Oun ko triinto zorelo bolepaskres his i mouy har i menshes hi. Oun ko starto zorelo bolepaskro his har i baro čirklo an o bolepen.

O Debleskro Drom 2021 (Sinte)

⁷ Un ko glanstuno sorelo bolepaskro his har i bari margodja. Un ko duito sorelo bolepaskro his har i terni murshkani grumni. Un ko triinto sorelo bolepaskres his i mui har i menshes hi. Un ko starto sorelo bolepaskro his har i baro tchirklo an o bolepen.

Debleskro tsiro 4:7 ပူးပေါင်းရင်းမြစ်များ

1. Mose 49:9

Miro čavo, tou hal zorelo har i terno levo, kay hi čalo o firhestar, hoy maras lo, oun djal pale, kay lo khere hi, beshell pes oun čivell pes tele. Oun hakenes hi daar, te taprell lo les an.

2. Samuel 1:23

O Saul oun o Yonatan, an lengro djipen kamam len oun lengro baro dji. An lengro merepen hi le khetne. Yon his sikeder har i čirklo oun zorleder har i levo.

Gosewe laba 28:2

Te hi boud čilačepen an o them, venn ninna boud raya pre. Te vell savo morsh o ray, kay djinell boud oun hayvell lauter mishto, palle hi o čačepen i rah tsiro an o them.

Jesaja 40:31

Kolla, kay ap o baro Debleste dikenn, lenn nevi zoor. Yon hadenn pen har bare čirkle hadenn pen pengre moussyentsa. Yon nashenn oun lengri zoor djal gar krik. Yon djan trouyel oun venn gar khino.

Ezekiel 1:10

Pash hakeneste kol starendar dikas o shero ap i glanstouni rig vin har i mensheskro shero, ap i čači rig har i leveskro shero, ap i servi rig har i gouroumeskro shero, oun ap i palstouni rig har o shero foun i adlari.

Ezekiel 1:8

Ap lengre star rigya his len menshengre vasta tel lengre čirklengre moussya, tel haki čirklengri moussi yek vast. Hakenes kol starendar his yaka oun i mouy ap hake star rigya leskro sherestar. Oun hakenes his star čirklengre moussya.

Ezekiel 10:14

Oun hakenes kol bolepangrendar his i shero, kay his ap hake star rigya yaka oun i mouy. Ap i glanstouni rig dikas lo vin har i bolepaskro, ap i douyti rig har i mensho, ap i triinti rig har i levo, ap i starti rig har i adlari.

Ezekiel 10:21

Hakenes lendar his yaka oun i mouy ap hake star rigya leskro sherestar. Oun hakenes his star čirklengre moussya, oun tel kol čirklengre moussya har vals len menshengre vasta.

Daniel 7:4

O ersto his har i levo, oun les his čirklengre moussya har i adlari. Oun me dikom, har i bare čirklengre moussya lestar krik lino van. Oun ko firho vas pre hadedo i phoubyatar, oun pre-čiddo ap peskre pire har i mensho. Oun les vas o dji i menshestar dino.

Obadja 1:4

Te krals tou ninna tiro kheer dour pral ap i berga har i adlari, yaake te dikell kova vin, har te vals tiro kheer mashkral i bolepangre momlia, djiness, me vitsrau tout tele, penell o baro Devel.

4. Mose 23:24

Kay natsyona hi har i terni bari margodja, oun vell zorelo har i bari margodja, hoy čivell pes gar tele, bis te rhas li pre, hoy yoy maras, oun piyas ko rat kolendar, hoy yoy moulo das.

4. Mose 24:9

O Israel čivas pes tele har i bari margodja, ava, har i terni bari margodja. Kek kamell lat pre djangrell. Barht oun zoor vell koles, kay rakrell i barht pral toute vin, Israel! Oun bibarht vell ap koleste, kay rakrell i bibarht vin pral toute.

1. Korintarja 14:20

Mire phrala, ma avenn har tikne čave, kay gomme gar boud djinenna. Avenn gosevo har i phoure! Pash čilačo koova, avenn har tikne čave, hoy o čilačepen gar hayvenna!

5. Mose 28:49

Menshen dran i dour them, foun i vavar rig i phoubyatar, anell lo pral t'mende. Sik har i baro čirklo venn le pral t'mende. Lengro rakepen hayvenn t'mer gar.

Debleskro tsiro 4:6

Glan o rayeskro beshepaskro his čomone har i baro pani dran vali. Kova his yaake djoudjo, te dikenn le nay dren, har dikenn le an i vali. Troul o rayeskro beshepaskro his star zorele bolepangre, yek ap haki rig. Kolla his pherde yaka glan oun palla.

Debleskro tsiro 6:3

Oun o bakro pandas o douyti dori pre, hoy ko liil khetne rikras. Oun me shounom, har ko douyto zorelo bolepaskro penas: “Ab!”

Debleskro tsiro 6:5

Oun o terno bakro pandas i triinti dori pre, hoy ko liil khetne rikras. Oun me shounom, har o triinto zorelo bolepaskro penas: “Ab!” Oun me dikom i kalo grayes. Oun kova, kay pre beshdo his, koles his yek koova an peskro vast, hoy sikrella, har pharo čomone hi.

Debleskro tsiro 6:7

Oun o terno bakro pandas i starti dori pre, hoy ko liil khetne rikras. Oun me shounom, har o starto zorelo bolepaskro penas: “Ab!”