Debleskro tsiro 21:22 - O Debleskro Lab 2024 (Sinte-Manouche)

²² Oun me dikom kek Debleskro kheer an ko foro, kay mangenn le o Debles an. O baro Devel kokres, kay hi o ray pral halauter, hi mashkral lende, yob oun o terno bakro.

O Debleskro Drom 2021 (Sinte)

²² Un me dikom kek Debleskro kheer an ko foro, kai mangenn le o Debles an. O baro Dewel kokres, kai hi o rai pral halauter, hi mashkral lende, job un o terno bakro.

Debleskro tsiro 21:22 ပူးပေါင်းရင်းမြစ်များ

1. Rajengro liil 8:27

Nay vell čačo, kay o Devel kamell te djivell ap i phoub? O tselo bolepen hi gar bares doha leske. Har nay krals kova kava kheer, hoy me moukom te krell?

2. Familjakro liil 2:6

Doleske mangau tout, biče mange i morshes i lačo vasteha, kay hayvell shoukar koova te krell dran o sonakay, roup, lolo saster oun vavar saster, lole thaba, blauete thaba oun thaba, hoy hi lolo har yag. Ninna hounte hayvell lo te dell shoukar koova vin čourye dran kasht oun vavar koova. Kova te krell lo khetne kol morshentsa, kay hayvenn pen mishto ap koy boudi, oun kay pash mande hi an o them Youda oun an o foro Yerusalem, kolen miro dad, o David, mange das, te krenn le koy boudi.

2. Familjakro liil 6:18

Nay vell čačo, kay o Devel kamell te djivell pash i menshende ap i phoub? O tselo bolepen hi gar bares doha, te rikrell lo tout. Har nay krals kova kava kheer, hoy me moukom te krell?

Jesaja 66:1

O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?

Mateo 24:2

Koy penas lo ap lende: “Kova, hoy t'mer kote lauter dikenna, kova lauter djal paash. Kate ačell kek bar ap i vavareste.”

Johanni 10:30

Me oun o dad ham yek.”

Johanni 13:32

Te vas o Debleskro raylepen oun leskri zoor ap leste diklo, dell o Devel leste peskro raylepen. Oun ko tsiro hi kanna kay.

Johanni 4:21

Penas o Yezous: “Romniya, pats man, ko tsiro vella, kay mangenn t'mer o Debles gar ap kay berga an, vitar gar an o foro Yerusalem.

Johanni 4:23

Ko tsiro vella, oun hi kanna kay, koy della menshe, kay mangenn o dades an o čačepen an. Kal menshen hounte vell o Debleskro Dourho. O dad rodell kolen, kay mangenn les yaake an.

Kolossarja 1:19

O Debles his an peskro dji, te djivell lo an peskro čaveste, te vell o čavo yaake har o dad.

Kolossarja 2:9

O Yezous Kristo hi o ray pral i tsele rayende oun lauterende, kay hi len penepaske mashkral o bolepen oun i phoub. Les hi o tselo Debleskro djipen an peste. Oun ko djipen dell lo kolende, kay leskro hi.

Debleskro tsiro 1:8

O baro Devel penella: “Mandar vas lauter. Oun lauter vella pale glan mande. Man hi i tseli zoor, oun djivau hako tsireske: kanna oun an ko tsiro, hoy his oun hoy vella.”

Debleskro tsiro 11:17

oun penan: Mer parkrah men pash toute, maro ray. Tou hal o zorelo Devel. Tou djiveh kanna har djival an o phouro tsiro. Tou sikral tiri bari zoor, oun val o ray pral halauter.

Debleskro tsiro 14:4

Kolengro djipen hi djoudjo. An kek tsireske van le khetne i djouvyah. Oun yon djan o terno bakreske palla, kay yob ninna djala. Dran i menshende ap kay phoub las yob len khetne peske oun o Debleske.

Debleskro tsiro 15:3

Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!

Debleskro tsiro 16:14

Kolla triin benga krenn baro oun zorelo koova, oun djan pash i rayende pral i tsele themma, te anenn yon pengre lourden khetne, te djan le an o kourepen ap o Debleskro baro dives.

Debleskro tsiro 16:7

Oun me shounom, har yek pash o Debleskri rhačepaskri penas: “Ava, ray, maro zorelo Devel, mishto kral, kay tou dal len savi phagi.”

Debleskro tsiro 19:15

Oun dran leskro mouy vell i rharo vin, hoy lačes činella. Koleha kourell lo pes i menshentsa an i tsele themma, oun vell zorleder har yon. Yob anell len i sasterno vasteha. Yaake har yek i drake paash stakrella, te vell i mool vin, yaake stakrell lo kolen paash, kay gar ap leste shounenna, oun anell i rholi o zorelo Deblestar ap lende.

Debleskro tsiro 4:8

Oun hakenes lendar his shob čirklengre moussya. Kolla his dren oun vin pherde yaka. Oun yon givenn o tselo dives oun i tseli rat: Lačo - oun čačo - har kek vavar - hi o Devel, ko ray pral halauter. Hako tsiro djivell lo, kanna, oun an ko tsiro, hoy his, oun hoy vella.

Debleskro tsiro 5:6

Oun me dikom i terno bakres pash o rayeskro beshepaskro, hoy vi-dikas, har vals lo maredo. Kova hi tardo mashkral kol star zorele bolepangre oun kol čačepangre phourende. Les hi efta shinga oun efta yaka. Kol efta yaka hi o Debleskro Dourho, hoy pral i tseli phoub vin bičedo vas.

Debleskro tsiro 7:15

Doleske hi le tardo glan o Debleskro beshepaskro oun hi leskre rashaya an leskro kheer, oun hi leske koy o tselo dives oun i tseli rat. Oun kova, kay ap o Debleskro beshepaskro beshdo hi, djivell pash lende, oun dell yak ap lende.

Debleskro tsiro 7:17

O terno bakro, hoy mashkral o Debleskro beshepaskro hi, kova dell yak ap lende, har i bakrengro ray ap peskre bakre yak della, oun anell len pash o pani, hoy o djipen della. Oun o Devel khossell hake sva ap lengre yaka tele.