Debleskro tsiro 21:14 - O Debleskro Lab 2024 (Sinte-Manouche)

¹⁴ Oun koy massouri hi tardo ap deesh-te-douy zorele barra. Ap kolende hi i laba činlo kol deesh-te-douyendar, kay his o terno bakreskre bičepangre.

O Debleskro Drom 2021 (Sinte)

¹⁴ Un koi massuri hi tardo ap deesh-te-dui sorele barra. Ap kolende hi i laba tchinlo kol deesh-te-dujendar, kai his o terno bakreskre bitchepangre.

Debleskro tsiro 21:14 ပူးပေါင်းရင်းမြစ်များ

Jesaja 54:11

Yerusalem, tou bibarhtelo foro, pral koleste i baro phourdepen djas, Tout his kek, kay tire sva tele khossas! Dik, me čivau tout pale pre kouč barrentsa. Tire telstoune barra krau dran safire.

Mateo 16:18

Doleske penau touke: Tiro lab hi kanna Petro. Kova, hoy tou kate penal, hi har i zorelo bar, ap koleste čivau miro kheer. Oun miro kheer hi kolla, kay patsenn ap mande. Oun kek nashte lell len dran mire vasta vin, ninna kek merepen.

Bičepangre 1:26

Oun yon vitsran i kashta, oun yek kasht sikras ap o Matias. Oun yob vas o Yezouseskro bičepaskro yaake har i vavar deesh-te-yek Yezouseskre bičepangre.

Galatarja 2:9

Kol pralstoune mank i patslende his o Yakobo, oun o Kefas, oun o Yohanni. Har yon hayvan, kay o Devel mange lačo hi oun man koy boudi das, dan yon man oun o Barnabas o čačo vast, te dikenn halauter, kay ham mer phrala. Mer kram vin, te djas mer pash kolende, kay kek bibolde hi, oun yon te djan pash i biboldende.

Efesarja 2:20

I tsele Debleskre menshe hi har yek kheer, kerdo dran barra. T'mer han kol barra, hoy hi tardo ap i telstoune barra. I telstoune barra hi o Yezous Kristeskre bičepangre oun o Debleskre rakepangre. O Yezous Kristo hi ko zorelo bar, hoy rikrell o tselo kheer khetne. Oun o kheer vell baro oun bareder, oun vell i shoukar kheer, kay o Devel djivella.

Efesarja 3:5

An o phouro tsiro djinan i menshe kova gar. Kanna djinenn les o Debleskre bičepangre oun rakepangre. Lenge čivas les o Debleskro Dourho an o dji.

Efesarja 4:11

Yob hi kova, kay das i patslen pengri boudi. Koy hi kolla, kolen yob bičras, te penenn le i menshenge lestar. Vavar rakrenna, hoy yob lenge an o dji čivas, hoy kek vavar djinella. Vavar anenn kol menshen, kay gar patslo hi, pash o Yezous Kristeste. Pale vavar rikrenn i patslen khetne, oun sikrenn lende o Debleskro drom.

Hebrearja 11:10

O Abraham dikas ap ko tsiro, kay nay djivell lo an ko foro, hoy o Devel krella, oun hoy hako tsiro ačella.

Judas 1:17

T'mer, mire phrala oun phenya, ma bistrenn kol laba, hoy t'menge kolla penan, kolen maro ray, o Yezous Kristo, bičras, te penenn le i menshenge leskre laba.

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Debleskro tsiro 21:13

An i massouri hi ap haki rig triin bare voudya: Kote, kay o kham pre djala hi triin voudya, oun kote, kay hi o kham shila, hi triin voudya, oun kote, kay hi o kham tato hi, triin voudya, oun kote, kay o kham tele djala, triin voudya.