Debleskro tsiro 21:1 - O Debleskro Lab 2024 (Sinte-Manouche)

¹ Oun me dikom i nevo bolepen oun i nevi phoub. O phouro bolepen oun i phouri phoub his bouder gar koy. Oun o baro pani his bouder gar koy.

O Debleskro Drom 2021 (Sinte)

¹ Un me dikom i newo bolepen un i newi phub. O phuro bolepen un i phuri phub his buder gar koi. Un o baro pani his buder gar koi.

Debleskro tsiro 21:1 ပူးပေါင်းရင်းမြစ်များ

Jesaja 27:1

Ap ko dives lell o baro Devel peskro baro zorelo rharo, hoy yaake mishto činell, oun dell o sapes moulo, hoy kharell Leviatan, ava, ko baro panyeskro sap, hoy ap o naashepen hi oun moukell pes gar te taprell.

Jesaja 51:11

Kolen o baro Devel dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Jesaja 57:20

I čilače hi har i divyo baro pani, hoy rikrell pes nay gar pale, oun vell pale te pale oun hadell khandli phoub oun čik pre.

Jesaja 66:22

T'mare čave oun t'maro lab ačenn glan mande, yaake rah har o nevo bolepen oun i nevi phoub, hoy me krau, glan mande ačenna, penell o baro Devel.

Daniel 7:3

Oun star bare firhe van dran o baro pani vin. Oun hakeno his vavarčandes har o vavar.

Remarja 8:21

kay hounte merenn le bouder gar oun venn yaake nevo oun raylo har o Debleskre čave nevo oun raylo venna.

2. Petro 3:10

Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

2. Petro 3:13

Mende das o Devel peskro lab, te krell lo i nevo bolepen oun i nevi phoub. Kote della bouder kek čilačepen. Ap kova dikah mer.

Debleskro tsiro 13:1

Oun me dikom dran o baro pani i firhes pre te vell. Koles his deesh shinga oun efta shere. Oun ap haki shing hidjras lo i shereskro sonakay. Oun ap leskre shere his save laba činlo, hoy praasenn o Debles.

Debleskro tsiro 20:11

Oun me dikom i baro parno beshepaskro oun koles, kay pre beshdo hi. I daryatar nashas i phoub oun o bolepen glan leste krik. Oun kek dikas len bouder pale.

Debleskro tsiro 21:5

Oun kova, kay ap o Debleskro beshepaskro beshdo hi, penas: “Dikenn, me krau lauter neves.” Oun ap mande penas lo: “Čin kal laba an i liil! Kal laba hi čačo. Oun yaake vell lauter.”

Debleskro tsiro 6:14

Oun o bolepen tserdas pes khetne, har i liil, hoy khetne lino vella. Oun kek berga ačas, kay his li tardo, vitar gar kek them, hoy an i pani čiddo hi.