Debleskro tsiro 20:9 - O Debleskro Lab 2024 (Sinte-Manouche)

⁹ Oun yon djan pral i tseli phoub, oun ačenn troul ko foro tardo, kay o Debleskre menshe djivenna. Kova hi ko foro, koles o Devel kamella o tselo djiyestar. Oun palle vell i yag dran o bolepen oun rhačrell kol tsele kourepangren pre.

O Debleskro Drom 2021 (Sinte)

⁹ Un jon djan pral i tseli phub, un atchenn trul ko foro tardo, kai o Debleskre menshe djiwenna. Kowa hi ko foro, koles o Dewel kamella o tselo djijestar. Un palle well i jag dran o bolepen un chatchrell kol tsele kurepangren pre.

Debleskro tsiro 20:9 ပူးပေါင်းရင်းမြစ်များ

1. Mose 19:24

Koy moukas o baro Devel yag oun yagakri khand pral i forya Sodom oun Gomorra te perell dran o bolepen.

2. Rajengro liil 6:15

Ko boudepaskro ko Debleskro morshestar stas sik taysarlakro pre, djas vin glan o voudar oun dikas kol tsele lourden pengre grayentsa oun kourepangre vourdyentsa tardo troul o tselo foro. Koy penas o boudepaskro ap o Elisa: “Havi bibarht, miro ray! Hoy krah mer kanna?”

Hiob 38:18

Djineh tou, har dour oun bourhlo i phoub hi? Pen les mange, te djineh kova lauter!

Debleskri gili 106:18

Oun i yag rhačras mank lende oun rhačras kolen, kay kava čilačo koova kran.

Debleskri gili 87:2

O djiyestar kamell lo o foro Sion peskre shoukar voudyentsa. Boudeder kamell lo ko foro har i tsele khera, kay djivenn o Yakobeskre čave.

Debleskri gili 97:3

Glan leste djal i yag, oun rhačrell halauteren, kay ap leste djan.

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Jesaja 37:36

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

Ezekiel 38:16

Oun tou djah ap mire menshen Israel pre, oun tire lourde čakrenn o them har i folka. An o palstouno tsiro vell kova yaake, te moukau tout pral miro them te vell, te nay dikenn i menshe an vavar themma, koon me hom. Te dikenn le hoy krau touha, Gog, hayvenn le, te hom me o Devel.

Ezekiel 38:22

Oun me dau les peskri phagi: I pharo nasslepen oun marepen vell ap leste. Oun zorelo brishin, brishineskre barra, oun yag oun shvefla moukau ap lende tele te vell, ap leste oun ap leskre lourdende, oun ap kol boud lourdende dran vavar themma, kay leha djan.

Ezekiel 38:9

Oun tou djah pre an o them, oun veh pral lende har i zorelo phourdepen, oun har i folka, hoy o tselo them tele čakrell, tou oun tire tsele lourde oun kol boud lourde dran vavar themma, kay touha djan.

Ezekiel 39:6

Oun me bičrau yag ap i forya an o them Magog, oun ap kolende, kay djivenn pash o baro pani, oun kolen kek daar hi vavarendar. Palle dikenn oun hayvenn le, te hom me o baro Devel.

Micha 2:13

Lengro pralstouno krell lenge o drom pre oun djal glan lende. Yaake phagenn le o foreskre voudya pre oun djan vin. Oun lengro baro ray djal glan lende. Kova hi o baro Devel, kay hi lengro pralstouno.

Habakuk 1:6

Me krau te venn i Babilonarya zoreles, kol čilače oun sik kourepangre. Pral i tseli phoub venn le, de lenn le penge vavar themma dren hoy gar lengro his.

4. Mose 11:1

Oun kol menshe penan glan o baro Debleskre kanda, kay lenge djoungeles djala. Oun har o baro Devel kova shounas, vas yob rhoyedo oun bičras i yag, hoy rhačras vin ap i platsa, kay lengre plarhtene khera his.

4. Mose 16:35

Oun o baro Devel bičras yag, kay rhas kol 250 (douy-sheel-te-paash-sheel) morshen pre, kay anan ko soungepaskro koova o Debleske.

Louka 17:29

Ap ko dives, kay o Lot dran o foro Sodom djas, vas yag dran o bolepen, oun lauter van rhačedo.

Louka 19:43

Ko bibarhtelo dives vella, kay lourde venna dran i vavar themma. Yon čivenn bare barra troul t'maro foro, te venn t'mer bouder gar vin.

Louka 21:20

“Te dikenn t'mer, kay boud lourde troul o foro Yerusalem tardo hi, palle djinenn t'mer, kay yon ko foro paash krenna.

Louka 9:54

Har leskre mala, o Yakobo oun o Yohanni, kova dikan, penan yon ap leste: “Ray, te kameh tou, moukah mer yag dran o bolepen tele te perell, hoy rhačrell len.”

5. Mose 23:14

Oun hakeno, kay djal kote, lell i kasht peha, hadell i tikni rheb vin, beshell pes, oun čakrell palle kova, hoy lestar vin djas.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Hebrearja 13:13

Doleske djas pash leste vin glan o foro, te las o praasepen ap mende yaake, har yob o praasepen ap peste las!

Debleskro tsiro 11:5

Oun te kamell yek te doukrell lo len, palle djal i yag dran lengro mouy vin, oun rhačrell les pre. Yaake merenn lauter kolla, kay kamenn len čilačepen te krell.

Debleskro tsiro 13:13

oun das koles i zoor, te krell yob baro koova, yaake baro, te moukas lo ninna i yag dran o bolepen glan i menshende tele te perell. Oun kova kras lo, te anell lo i menshen ap i phoub ap o bengeskro drom. Yob penas lenge, te krenn le penge i firhes, hoy vi-dikella har ko firho, kay les his o činepen o rharestar, oun dran kova meras, oun pale djido vas.