Debleskro tsiro 20:2 - O Debleskro Lab 2024 (Sinte-Manouche)

^2-3 Oun yob tapras ko baro lolo sap, kova hi ko phouro sap, hoy kharella ninna Beng oun Satan, oun pandas les, oun vitsras les an o telstunepen, te ačell lo kote yek zero (1.000) bersh pandlo. Oun o bolepaskro pandas i voudar tele, hoy anell an o telstunepen, yaake te krell kek o telstunepen pale pre. Oun an ko zero bersh nay anell o beng i menshen bouder gar o Debleskro dromestar tele. Pal ko tsiro hounte vell lo i tikno tsiro vin mouklo.

O Debleskro Drom 2021 (Sinte)

^2-3 Un job tapras ko baro lolo sap, kowa hi ko phuro sap, hoi kharella ninna Beng un Satan, un pandas les, un witsras les an o telstunepen, te atchell lo kote jek sero (1.000) bersh pandlo. Un o bolepaskro pandas i wudar tele, hoi anell an o telstunepen, jaake te krell kek o telstunepen pale pre. Un an ko sero bersh nai anell o beng i menshen buder gar o Debleskro dromestar tele. Pal ko tsiro hunte well lo i tikno tsiro win muklo.

Debleskro tsiro 20:2 ပူးပေါင်းရင်းမြစ်များ

1. Mose 3:1

O sap his gosveder har i tsele vavar firhe, hoy kras o baro Devel, maro ray. Oun o sap penas ap i romyate: “Penas o Devel čačepah, te hounte rhan gar i roukendar an i baar?”

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

Hiob 1:7

Oun o baro Devel poučas o benges: “Kay veh tou?” Oun o beng penas ap o baro Debleste: “Vau i phoubyatar. Kote djom trouyel.”

Jesaja 24:22

Yon lauter venn khetne lino oun an i grouba vitsedo, oun an o stilepen dren pandlo, oun pal boud divessa vell palle pral lende i phagi vin rakedo.

Jesaja 27:1

Ap ko dives lell o baro Devel peskro baro zorelo rharo, hoy yaake mishto činell, oun dell o sapes moulo, hoy kharell Leviatan, ava, ko baro panyeskro sap, hoy ap o naashepen hi oun moukell pes gar te taprell.

Ezekiel 47:5

Oun yob ginas gomme 500 metarya tele, oun ko pani djas yaake dour tele, te nay djom gar dren. Ko pani his yaake dour tele, te hounte shvimrals yek vergel.

Mateo 19:29

Oun hakeno, kay moukas peskro kheer, peskre phralen, peskre phenyen, peskro dades, peskri dat, peskre čaven oun peskro kotar them, te djal lo mantsa, kova lell sheel kope pale, hoy yob moukas. Oun o Devel dell les o djipen, hoy gar pre-herella.

Mateo 8:29

Oun yon dan gole: “Hoy kameh tou mendar, Debleskro čavo? Val tou pash mende, te doukress men tou glan o tsiro, kay rakrell o Devel i phagi pral mende vin?”

Markus 4:15

Ko drom hi har o dji kol menshendar, kay shounenn ko lab. Palle vell sik o beng, oun lell ko lab lendar krik, kay lenge penlo vas.

Markus 5:7

Oun o Yezous penas ap o bengeste: “Tou beng, dja vin dran kava morsheste!” Koy das yob bari gole: “Yezous, tou čavo o baro Deblestar, hoy kameh tou mandar? Me mangau tout pash o Debleste: Ma douke man gar!”

Johanni 12:31

Kanna vell i phagi pral i tseli phoub vi-rakedo. Kanna vitsrell o Devel koles vin, kay hi o ray pral kay phoub.

Johanni 16:11

Kay o Debleskri rholi pral kay phoub vella, dikenn le ap kova, kay i phagi pral o rayeste pral kay phoub vi-rakedo hi.

Remarja 16:20

O Devel, kay dell t'men peskri barht an o dji, krell o bengeskri zoor paash. Oun ko tsiro vell sik. O lačepen maro rayestar, o Yezous Kristestar, djal t'mentsa!

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.

2. Petro 2:4

O Debleskri rholi vas ninna pral kol bolepangre, kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.

Judas 1:6

Ma bistrenn vitar gar kol bolepangren, kay dan gar garda ap koy boudi, hoy o Devel len das, oun moukan pengro kheer an o bolepen. Kolen pandas lo i shellentsa, hoy kek tsireske bouder pre kerdo venn. Oun yob rikrell len stildo an i kali rat, bis te vell ko baro dives, kay i phagi pral lende vi-rakedo vella.

Debleskro tsiro 12:13

Oun har ko baro lolo sap dikas, te vas lo ap i phoub vitsedo, las lo koy djouvyat palla, kay ko čaves las.

Debleskro tsiro 12:15

Oun ko sap kras peskro mouy pre, oun čoungras boud zorelo pani pal koy djouvyate vin, te tassell li an ko pani.

Debleskro tsiro 12:17

Oun ko baro lolo sap vas rhoyedo ap koy djouvyate, oun djas koy, te marell lo lakre čaven. Kolla hi kol menshe, kay shounenn ap o Debleskro lab, oun djan ap o Yezouseskro drom.

Debleskro tsiro 12:3

Oun i vavar baro koova sikras pes ap o bolepen: I baro lolo sap vas. Oun les hi efta shere oun deesh shinga. Oun ap hako shero hi shereskro sonakay.

Debleskro tsiro 12:4

Oun leskri pori tserdell o triinto kotar kol bolepangre momelendar krik, oun vitsras len tele ap i phoub. Oun ko baro lolo sap hi glan koy djouvyate tardo, kay an o tsiro vas, te vell o ternepen. Oun yaake sik, har ko ternepen vals, kamas les lo pre te rhal.

Debleskro tsiro 12:9

Oun o baro lolo sap vas vin vitsedo. Yob hi ko phouro sap, hoy kharella ninna Beng oun Satan, ko rhorheno, kay tserdell i menshen ap i tseli phoub ap peskro drom. Yob vas tele vitsedo ap i phoub, oun leskre kourepangre leha.

Debleskro tsiro 13:2

Oun ko firho, hoy me dikom, his har i bari divyi margodja. Leskre herya his baro oun zorelo. Oun an leskro mouy his bare danda. Oun ko baro lolo sap das les peskri zoor oun peskro beshepaskro, te vas ko firho i baro ray, koles boud penepaske hi.

Debleskro tsiro 13:4

I menshe djinan, kova his o baro lolo sap, hoy das o firheste peskri zoor. Doleske sharan le o lolo sapes. Oun yon sharan ninna o firhes, oun penan: “Kek hi zorleder har o firho! Kek nay kourell pes leha oun vell zorleder!”

Debleskro tsiro 20:10

Oun o beng, kay anas len ap peskro drom, vell an i bari yag vitsedo, hoy zoreles rhačella oun khandella. Kote hi ninna o firho, oun ko rhorheno rakepaskro. Kote vell len hako tsiro bare douka.

Debleskro tsiro 20:7

Pal kol zero bersh vell o beng dran peskro stilepen vin mouklo.

Debleskro tsiro 9:11

Oun len hi i ray pral pende. Kova hi o bolepaskro pral o telstunepen. Kova kharell ap hebretikes Abadon. Oun ap grichtikes kharell lo Apolyon.