Debleskro tsiro 2:22 - O Debleskro Lab 2024 (Sinte-Manouche)

²² Doleske vitsrau lat ap o nasslengro čiben. Oun kolla, kay lah sovan, yon te moukenn kova gar, palle anau bare douka ap lende.

O Debleskro Drom 2021 (Sinte)

²² Doleske witsrau lat ap o nasslengro tchiben. Un kolla, kai lah sowan, jon te mukenn kowa gar, palle anau bare duka ap lende.

Debleskro tsiro 2:22 ပူးပေါင်းရင်းမြစ်များ

Jeremia 36:3

Te shounenn i menshe dran Youda, havi bibarht kamau pral lende te anell, nay vell, te moukenn le pengro čilačo drom oun venn pale pash mande, te nay lap lengri doosh oun lengro čilačepen lendar krik.

Ezekiel 23:29

Kolla djan čilačes touha trouyel, oun lenn touke halauter, hoy touke khetne anal, toutar krik. Yon moukenn tout nanges čiddo. Hakeno nay dikell, har nango hal, oun kay djival har i loubni, oun kral vi-ladjedo oun djoungelo koova.

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Zefanja 3:7

Me penom mange: Te dikenn mire menshe kova lauter, dikenn le pre ap mande, oun moukenn penge mandar čomone te penell! Palle vals lengro foro gar paash kerdo! Oun či vals pral lende, hoy me penom, kay kamau te krell. Kanna vas vavarčandes: Lauter čilačepen krenn le oun moukenn gar tele.

Louka 13:3

Na-a, penau me t'menge. T'mer te moukenn gar t'maro čilačo drom, oun djan ap o Debleskro drom, palle venna t'mer lauter ninna yaake maredo.

Louka 13:5

Na-a, penau me t'menge. Te moukenn t'mer gar t'maro čilačo drom, oun djan ap o Debleskro drom, palle venna t'mer lauter ninna yaake maredo.”

2. Korintarja 12:21

Me trashau te ladjap man t'menge glan o Debleste ap ko dives, kay vau pale pash t'mende, oun te vell mange ropaske pral boudende, kay kamenn pengro phouro djipen gar pre te dell, oun djivenn an djoungelo oun vi-ladjedo koova oun loubrenn pen trouyel yaake har kran le an ko tsiro, har yon gomme gar patslo his.

Debleskro tsiro 17:2

I bare raya ap kay phoub čivan pen lah khetne. Ko vi-ladjedo koova, hoy koy djouvel kras, hi har i mool, hoy piyan kolla, kay ap i phoub djivenna, oun latar mato van.”

Debleskro tsiro 18:3

I Babilon tserdas i menshen an hake themma an bipandlo oun vi-ladjedo koova. Kova his har mool, hoy i menshe piyan. Oun i bare raya ap kay phoub čivan pen lah khetne. Oun i bikepangre oun i parepangre van bravelo dran lakro bravlepen.”

Debleskro tsiro 18:9

Oun i bare raya ap kay phoub, kay čivan pen lentsa khetne oun van bravelo, kolla denna gole oun rovenna, har yon dikenn, te rhačrella ko foro.

Debleskro tsiro 2:5

Moukenn t'menge kova an o shero te djal, har dour t'mer mandar tele peran. Avenn pale o tselo djiyeha pash mande! Djivenn ko djipen, hoy djivan, har t'maro patsepen ap mande terno his. Te krenn kova gar, palle vau, oun lau t'mari momeli krik, oun čivrau lat ap i rig.