Debleskro tsiro 2:17 - O Debleskro Lab 2024 (Sinte-Manouche)

¹⁷ Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, koles dau ko maro dran o bolepen te rhal, hoy kharella Manna. Ninna dau les i parno bar. Ap koleste hi o nevo lab činlo, koles kek prindjrell, har kova, kay les lella.”

O Debleskro Drom 2021 (Sinte)

¹⁷ Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau ko maro dran o bolepen te chal, hoi kharella Manna. Ninna dau les i parno bar. Ap koleste hi o newo lab tchinlo, koles kek prindjrell, har kowa, kai les lella.”

Debleskro tsiro 2:17 ပူးပေါင်းရင်းမြစ်များ

Debleskri gili 25:14

O baro Devel hi o maal kolenge, kay djivenn leha, oun lende sikrell lo, te hi lo lengro Devel oun yon peskre menshe.

Debleskri gili 36:8

Har raylo hi tiro lačepen, miro Devel! I menshe venn pash toute, te rikress tire vasta pral lende, har i čirklo rikrell peskre moussya pral peskre terne.

2. Mose 16:33

Oun o Mose penas ap o Aroneste: “Le i khoro oun čip yaake boud Manna dren, har yek morsh ap yek dives rhal. Oun čip ko khoro glan o baro Debleste tardo, te dikenn les t'mare čave, kay pal t'mende venna.”

Gosewe laba 14:10

Ko mensho, koleskro dji rovell, hi kokres. Oun ninna te stell leskro dji i barhtyatar, nay hayvell kek vavar čačepah leskri barht.

Gosewe laba 3:32

O baro Devel dikell rhoyedes ap kolende, kay bange dromma djan. I maal hi lo kolenge, kay ap o čačo drom djan.

Jesaja 56:4

Leske penell o baro Devel: Te rikreh tou o Debleskro dives dren, oun kameh kova te krell, hoy mange mishto hi, oun rikreh tout ap kol laba, hoy mire menshendar vin krom,

Jesaja 56:5

palle dau tout i bar an miro kheer, kay tiro lab dren činlo hi. Kova hi feteder har čave oun ča. Kava lab, hoy tout dau, vell an kek tsiro bistedo.

Jesaja 62:2

Palle dikenn i menshe an vavar themma tiro čačepen, oun i tsele bare raya dikenn tiro raylepen. Oun tou veh pash i nevo lab kharedo, kova, hoy o baro Devel tout dell.

Jesaja 65:13

Doleske penell o baro Devel, maro ray: An ko tsiro, kay t'mer bokenn, hi mire boudepangren rhapaske. An ko tsiro, kay t'mer troushenn, hi mire boudepangren doha te piyell. An ko tsiro, kay han an i ladj, hi mire boudepangre an i barht.

Jesaja 65:15

Pash mire vi-rodede menshe hi t'mare laba save laba, kolentsa yon i bibarht pral yekeste vin rakrenn, oun penenn: “O baro Devel maro ray, mou dell tout moulo har kales oun koles.” Lengre boudepangren dell yob i nevo lab.

Mateo 13:11

Penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. I vavar menshe hayvenn kova gar.

Markus 7:16

Shounenn mishto, hoy me t'menge penau!”

Johanni 4:32

Penas o Yezous ap lende: “Man hi i rhapen, kova prindjrenn t'mer gar.”

1. Korintarja 2:14

I mensho, koles o Debleskro Dourho gar hi, hayvell gar, hoy o Debleskro Dourho penella. O Debleskro koova hi leske dinlepen. Ko mensho nay dikell gar, har o Devel kova dikella.

Kolossarja 3:3

T'mer meran. Oun t'maro nevo djipen hi kanna o Yezous Kristeha pash o Debleste an o bolepen, ninna te dikenn kova kanna gomme gar.

Debleskro tsiro 14:3

Oun yon givenn i nevi gili glan o rayeskro beshepaskro, oun glan kol star zorele bolepangre oun glan kol čačepangre phourende. Oun kek nay givas koy gili, har kokres kol yek-sheel-te-star-deesh-te-star zerya (144.000) menshe. O terno bakro playsras lenge peskro rateha, te lell lo len i phoubyatar vin, oun te anell lo len khetne o Debleske.

Debleskro tsiro 19:16

Ap leskro ripen oun ap leskri pralstouni heri hi i lab činlo, hoy kharella: o ray pral i rayende oun o pralstouno pral i pralstunende.

Debleskro tsiro 2:11

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, kova merell gar o douyto kopo.”

Debleskro tsiro 2:7

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, koles dau te rhal ko roukestar, hoy o djipen della, kova, hoy tardo hi an o Debleskri shoukar baar.”

Debleskro tsiro 3:22

Shounenn halauter mishto, hoy o Debleskro Dourho penella ap i patslende!”

Debleskro tsiro 3:6

Shounenn halauter mishto, hoy o Debleskro Dourho penella ap i patslende!”