Debleskro tsiro 19:18 - O Debleskro Lab 2024 (Sinte-Manouche)

¹⁸ oun rhan o mass kolendar lauterendar, kay venn maredo: i bare raya, i pralstoune, i lourde, i graya oun kolla, kay pre beshdo hi, i raya oun pengre boudepangre, i bare oun i tikne.”

O Debleskro Drom 2021 (Sinte)

¹⁸ un chan o mass kolendar lauterendar, kai wenn maredo: i bare raja, i pralstune, i lurde, i graja un kolla, kai pre beshdo hi, i raja un pengre budepangre, i bare un i tikne.”

Debleskro tsiro 19:18 ပူးပေါင်းရင်းမြစ်များ

Jeremia 16:4

Lendar hounte merenn ap pharo nasslepen, oun kek rovell pral lende oun paskrell len. Yon ačenn čiddo ap i harhetikri phoub har firhengro foul. Vavar merenn an o kourepen. Oun ninna vavar merenn i bokatar. Oun i čirkle oun i divye firhe rhan len pre.

Jeremia 19:7

Hoy kol menshe an o them Youda oun an Yerusalem penge glan lenn, moukau me gar te vell. Me moukau kolen pral lende te vell, kay kamenn len te marell, oun krau, te venn le moulo dino o rhareha. Oun kol moulen dau i čirklende oun i divye firhende rhapaske.

Jeremia 34:20

Oun me dau len an i vasta kolendar, kay kamenn len te marell, oun lenge ap o djipen djan. Oun lengro moulo mass vell o rhapen i čirklenge oun i divye firhenge.

Jeremia 7:33

Čirkle oun divye firhe rhan kol moule menshen pre, oun kek tradell len krik.

Ezekiel 29:5

Me vitsrau tout an o moulo them, tout oun i tsele mače dran tire bare lengste panya. Ap i phoub vitsrau tout. Kote ačeh čiddo. Oun kek vell, kay hadell tout pre oun paskrell tout. Me dau tout i divye firhenge oun i čirklenge rhapaske.

Ezekiel 39:17

O baro Devel, maro ray penas ap mande: Tou, mensho, pen ap i tsele čirkle oun ap i tsele divye firhe: Avenn khetne, avenn kay, avenn khetne haki rigyatar, pash ko baro rhapen, hoy krau t'menge. Kova vell i baro rhapen ap i berge Israel. Avenn, rhan mass oun piyenn rat!

Mateo 24:28

Kote, kay i moulo mass čiddo hi, kote venn i bare divye čirkle khetne te rhan le.

Louka 17:37

Leskre mala poučan lestar: “Ray, kay vell kova?” Penas lo: “Kote, kay i moulo mass čiddo hi, kote venn i bare divye čirkle khetne te rhan le.”

5. Mose 28:26

Oun te han moulo koy čiddo, palle venn i čirkle oun i divye firhe, te rhan le t'maro mass. Oun kek tradell len krik.

Debleskro tsiro 11:18

I tsele natsyone rhoyran pen pral toute. Doleske vas tiri rholi pral lende. Kanna hi o tsiro kay, te vell o čačepen vi-rakedo pral i moulende. Kanna vas ko tsiro, te dess tiro bravlepen kolende, kay touke boudran, kay an tiro lab rakran, lauterende, kay tire menshe hi, oun tout sharenna, oun toutar darenna, i tikne har i bare. I tsiro hi ninna kay, te maress kolen, kay i menshen ap i phoub maran.

Debleskro tsiro 13:16

Oun i tsele menshe hi an o vast ko firhestar: I bare har i tikne, i bravele har i čorvele, i raya oun i boudepangre. Kolla lauter hounte krenn i sikepen ap pende. Hi save, kay hounte činenn les ap pengro čačo vast. Vavar hounte činenn les glan ap pengro shero.

Debleskro tsiro 17:16

Oun kol deesh shinga, hoy dikal, khetne o firheha venn le rhoyedo ap koy djouvel, oun lenn lake lauter krik, hoy lat hi, yaake te hi li nango. Oun yon rhan lakro mass oun rhačrenn lat pre.

Debleskro tsiro 19:5

Oun i rakepen vas kotar, kay o Debleskro beshepaskro hi, oun kova penas: “Sharenn maro Debles, t'mer lauter, hoy leske boudrenna, oun lestar darenna, tikne har bare!”

Debleskro tsiro 6:15

Oun i tsele menshe khatran pen: i raya pral i themma ap i phoub, i bare oun i bravele, i lourdengre pralstoune oun vavar pralstoune, ninna i boudepangre oun lengre raya. Yon khatran pen an i phoub, oun mashkral i bare barra,

1. Samuel 17:44

oun penas ap o David: “Ab kay pash mande, te dap tiro mass te rhal i čirklende oun i divye firhende!”

1. Samuel 17:46

Kava dives dell o baro Devel tout an miro vast. Oun me dau tout moulo, oun dau tiro shero toutar tele. Oun kava dives dau i tsele moule lourden t'mendar Filistarya i čirklende tel o bolepen te rhal oun i divye firhende ap kay phoub. Palle dikenn oun hayvenn le an i tsele themma, te hi i Israelitaryen i Devel.