Debleskro tsiro 19:14 - O Debleskro Lab 2024 (Sinte-Manouche)

¹⁴ Oun i tsele bolepaskre kourepangre van leske palla ap parne graya. Len his koola dran parno djoudjo than.

O Debleskro Drom 2021 (Sinte)

¹⁴ Un i tsele bolepaskre kurepangre wan leske palla ap parne graja. Len his koola dran parno djudjo than.

Debleskro tsiro 19:14 ပူးပေါင်းရင်းမြစ်များ

Debleskri gili 68:17

T'mer berge, t'mer bergetikre sherya, hoske zilverenn t'mer ap koy berga, kolat o Devel peske vin rodas, te djivell yob kote? Ava, hako tsireske ačell o baro Devel koy.

Gosewe laba 31:22

Plarhte krell li peske, rido hi li an lačo layntikro than oun lolo bakrengro bal.

Jesaja 3:23

lengre blendarya oun lengre gada, lengre stadja oun lengre shereskre bare dikle.

Zakarie 14:5

Koy tala djal yaake dour har Azel. An koy tala mank o baro Debleskre berge nashenn t'mer t'menge yaake, har t'mare phoure nashan penge, har i berge trissan an ko tsiro, kay o Usiya o baro ray pral o them Youda his. Oun palle vell miro baro Devel. Oun leskre tsele bolepangre venn khetne leha.

Mateo 21:5

Penenn i menshenge an o foro Yerusalem: Dik, tiro baro ray vell pash toute. Yob hi lačo oun krell pes gar bares. Yob hi beshdo ap i esla, ap i terni esla.

Mateo 26:53

Me nay mangoms miro dadestar an o bolepen, te bičrell lo mange boudeder har efta-deesh-te-douy zerya (72.000) bolepangren, te venn le ap miri rig.

Mateo 28:3

Leskro mouy rhačas har i zoreli momeli. Oun leskro ripen his parno har i gib.

2. Tessalonikarja 1:7

T'mer, kay venn kanna palla lino, t'men dell lo i bari barht. Kova dell lo t'men mentsa khetne ap ko dives, kay vell maro ray Yezous pale dran o bolepen, oun lauter dikenn les. Leskre zorele bolepangre venn leha,

Judas 1:14

Glan i rah tsiro penas pral lende o Henok, kova his o eftato dad pal o Adam: Dikenn, o Devel, maro ray, vell dran o bolepen. Oun boud zerya bolepangre hi pash leste.

Debleskro tsiro 14:1

Oun me dikom ko terno bakres ap i berga Sion tardo. Oun leha his yek-sheel-te-star-deesh-te-star zerya (144.000) menshe. Kolen hi o Yezouseskro lab oun o lab leskro dadestar glan ap lengre shere činlo.

Debleskro tsiro 14:20

Vin glan o foro van kol drake an koy bari piri stakedo. Oun o rat nashas koy vin, yaake boud, te djas o rat o grayenge pash lengre mouya, oun nashas triin-sheel (300) kilometarya dour.

Debleskro tsiro 17:14

Oun yon kourenn pen ko terno bakreha. Oun o terno bakro hi zorleder har yon. Yob hi o ray pral i tsele rayende, oun o pralstouno pral i tsele pralstunende. Oun pash leste hi kolla, kolen yob gole das oun vin rodas, kolla, kay ap leste patsenna.”

Debleskro tsiro 19:11

Oun me dikom, har o bolepen pre hi. Oun kote his i parno gray. Oun kova, kay pre beshdo hi, kharella: Morsh labestar, kay rakrell o čačepen. Yob te dell i menshen i phagi oun kourell pes kolentsa, kay čilače hi, djal yob pal o čačepen.

Debleskro tsiro 19:8

Oun yoy las i shoukar ripen dran djoudjo parno than. Ko lačo parno ripen hi o čačo koova, hoy o Debleskre menshe kran.

Debleskro tsiro 3:4

Ninna te hi gar boud patsle an o foro Sardes, kay djan ap miro drom, hi save patsle mank t'mende, kay kran pengre koola gar čiklo. Kolla hi moldo, te venn le rido an parne koola, oun djivenn mantsa an o bolepen.

Debleskro tsiro 4:4

Oun troul o rayeskro beshepaskro his biish-te-star vavar rayengre beshepangre tardo. Oun ap kolende his biish-te-star čačepangre phoure beshdo. Kolen his parne ripya ap lende, oun i shereskro sonakay ap lengre shere.

Debleskro tsiro 7:9

Pal kova dikom me boud menshen, yaake boud, te nay penell kek, kitse yon hi. Kolla venna dran hako them, haki natsyona, haki harmenatsyona oun hako rakepen. Oun yon his khetne tardo glan o rayeskro beshepaskro oun glan ko terno bakro. Len his parne ripya ap lende oun bare patria an lengre vasta.