Debleskro tsiro 18:9 - O Debleskro Lab 2024 (Sinte-Manouche)

⁹ Oun i bare raya ap kay phoub, kay čivan pen lentsa khetne oun van bravelo, kolla denna gole oun rovenna, har yon dikenn, te rhačrella ko foro.

O Debleskro Drom 2021 (Sinte)

⁹ Un i bare raja ap kai phub, kai tchiwan pen lentsa khetne un wan brawelo, kolla denna gole un rowenna, har jon dikenn, te chatchrella ko foro.

Debleskro tsiro 18:9 ပူးပေါင်းရင်းမြစ်များ

1. Mose 19:28

Oun o Abraham dikas tele ap kol forya Sodom oun Gomorra oun pral ko tselo them pash o pani Yordan, oun dikas i bari yagakro dourho pre te djal har dran i baro bob.

Debleskri gili 58:10

Lenge djal har i soubyengre bourra: I baro dourho tserdell len dran i phoub vin. Yaake phourdell o Devel len krik an peskri bari rholi.

Jesaja 13:19

O Babilon his i shoukester foro mank i rayengre themma. Koleha sharenn pen i Kaldearya. O Devel krell kava foro paash, yaake har lo i forya Sodom oun Gomorra paash kras.

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Jeremia 50:40

Yaake har das o Devel i forya Sodom oun Gomorra khetne, ninna kol forya troul lende, yaake djal ninna o themeske Babilonia: Ko them vell yaake paash dino, kay nay djivell bouder kek mensho koy. Kova penell o baro Devel.

Jeremia 50:46

Te vell o foro Babilon dren lino, trissell i phoub koy golyatar. Oun koy ropaskri gole vell shounlo an i vavar themma.

Jeremia 51:8

Har i khoro tele perell oun an kotya phagell, yaake sik peras o foro Babilon oun khetne phagedo. Rovenn pral o foro Babilon! Anenn leske doukepaskro djet, Nay vell, te vell lo pale sasto!

Ezekiel 27:35

I daar taprell i tsele menshen, kay pash o baro pani djivenn, oun shounenn, hoy touha djas. Oun lengre rayenge ačenn i balla tardo i trashatar. Oun lengre mouya venn parno.

Daniel 4:14

I bolepangre, kay lauter an o yak lenn, rakran kova vin. Oun yon, kay venna o Deblestar, kamenn, te vell kova yaake, te dikenn i menshe, te hi o pralstouno Debles i zoor pral i rayengre themma, oun yob len koleste dell, koneste yob kamell. Koles, kay tikno hi mank i menshende, nay čivell yob pral lende.

5. Mose 29:23

Palle penenn i menshe dran i tsele vavar themma: “Hoske kras o baro Devel kava kau themeha? Hoske vas lo yaake rhoyedo?”

1. Timoteo 5:11

Kanna rakrau i terne djouvyendar kolengre romma bouder gar djivenna. Ma čin kolengre laba an ko liil! Yon nay kamans boudeder pale i romes te lell, har te venn le o Yezous Kristeske koy.

Debleskro tsiro 14:11

Oun i khand koy yagatar, hoy krell len save bare douka, djal pre hako tsiro. Kolla, kay mangan o firhes an oun ko kerdo firhes, oun lan leskro sikepen ap pende, kolen hi douka o dives oun i rati.

Debleskro tsiro 17:2

I bare raya ap kay phoub čivan pen lah khetne. Ko vi-ladjedo koova, hoy koy djouvel kras, hi har i mool, hoy piyan kolla, kay ap i phoub djivenna, oun latar mato van.”

Debleskro tsiro 18:18

Kolla lauter dikan koy yag, hoy ko fores pre rhačras, oun dan gole, oun penan: “Kek foro his yaake shoukar har kava!”

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Debleskro tsiro 18:3

I Babilon tserdas i menshen an hake themma an bipandlo oun vi-ladjedo koova. Kova his har mool, hoy i menshe piyan. Oun i bare raya ap kay phoub čivan pen lah khetne. Oun i bikepangre oun i parepangre van bravelo dran lakro bravlepen.”

Debleskro tsiro 18:7

Denn lat yaake boud douka oun bibarht har his lat i shoukar oun bravelo djipen ap kay phoub! Ninna kanna penell li an lakro dji: Me hom i bari rayetsa. Oun man hi lauter doha. Oun i bibarht vell gar ap mande.”

Debleskro tsiro 19:3

Oun yon penan o douyto kopo: “Halleluya!” Oun ko forestar djas i yagakri khand pre hako tsireske.

Debleskro tsiro 2:22

Doleske vitsrau lat ap o nasslengro čiben. Oun kolla, kay lah sovan, yon te moukenn kova gar, palle anau bare douka ap lende.