Debleskro tsiro 18:4 - O Debleskro Lab 2024 (Sinte-Manouche)

⁴ Oun me shounom, har yek vavar dran o bolepen rakras oun penas: “Mire menshe! Djan dran ko foro vin, te lenn t'mer gar leskri doosh oun leskri bibarht ap t'mende!

O Debleskro Drom 2021 (Sinte)

⁴ Un me shunom, har jek wawar dran o bolepen rakras un penas: “Mire menshe! Djan dran ko foro win, te lenn tumer gar leskri doosh un leskri bibacht ap tumende!

Debleskro tsiro 18:4 ပူးပေါင်းရင်းမြစ်များ

1. Mose 19:14

Koy djas o Lot vin, oun penas ap kol morshende, kay romedinerenn leskre čen: “Stenn pre! Djan sik dran kava foro! O baro Devel kamell lauteren an kava foro temerl dell!” An lengre yaka his yob har yek, kay rakrell narvelo koova.

Debleskri gili 50:18

Hako kopo, kay dikeh tou i čorepaskres, kreh tou tout leskro maal, oun hal beshdo khetne kolentsa, kay djan i vavar romyentsa.

Jesaja 48:20

Djan vin dran Babilon! Sik, nashenn dran o them Kaldea! Denn vin gole i barhtyatar, oun penenn kava doureder, yaake te shounenn le kova ap i tseli phoub. Penenn: O baro Devel las peskro boudepaskres, o Yakobes, vin dran o pandepen!

Jesaja 52:11

Djan vin! Djan vin! Djan kotar vin, oun taprenn či an, hoy pale-čiddo hi! T'mer rashaya, kay hidjrenn o baro Debleskro koova, djan dran Babilonia vin, oun thovenn t'men yaake har glan činlo hi, te han djoudjo glan o Debleste!

Jeremia 50:8

Nashenn sik dran o foro Babilon, moukenn ko them! Oun krenn har i morsh bakre, kay nashenn glan kol vavar bakre!

Jeremia 51:45

T'mer Israelitarya, mire menshe, djan vin dran ko them! Hakeno t'mendar mou nashell peskro djipaske! Miri bari rholi vell pral o foro.

Jeremia 51:50

T'mer i menshendar Israel, kay van gar maredo, djan vin dran o foro Babilon! Oun rikrenn t'men gar pre! Ninna te han an i dour them, ma bistrenn o baro Debles, vitar gar o foro Yerusalem!

Jeremia 51:6

Nashenn sik dran o foro Babilon, nashenn t'maro djipaske! te djan gar halauter tele an koy doosh, hoy kava foro ap peste anas! Kova hi o baro Debleskro tsiro, kay dell lo i Babilonaryen ko čilačepen pale, hoy kolla kran.

Jeremia 51:9

[I vi-themarya, kay kote djivenn, penenn:] Mer kamam o foro Babilon sastes te krell, oun yob kamas gar sasto te vell. Palle moukenn les, har yob kamella! Mer djas halauter pale an mare themma! Leskri phagi hi yaake baro, te djal li bis an o bolepen.

Mateo 23:30

Oun t'mer penenna: Te djivams mer an ko tsiro, kay mare phoure djivan, palle marams mer kol Debleskre rakepangren gar.

2. Korintarja 6:17

Doleske penell o Devel: Djan kolendar krik, kay sharenn vavar koova! Ma avenn lentsa khetne! Lenn či an t'mare vasta, hoy hi pale-čiddo glan mire yaka! Palle lau t'men kamles pash mande pre.

1. Timoteo 5:22

Ma čip sik tire vasta ap yekeste pre! De yak, te vell i doosh i vavarestar gar ap toute! Rike tiro dji djoudjo!

2. Johanni 1:11

Koon les parkrella, koles hi ninna doosh ap leskro čilačo koova, hoy yob krella.