Debleskro tsiro 18:23 - O Debleskro Lab 2024 (Sinte-Manouche)

²³ I tsele momlia djan vin. Oun kek krella pale i momeli an. Tou shouneh bouder kek pirno peskri pirnyah khelell oun givell. I bikepangren oun i parepangren an ko foro his boud penepaske ap kay phoub. Oun ko bengeskro koova, hoy kran le an o foro, anas i menshen an i tsele themma ap o bengeskro drom.

O Debleskro Drom 2021 (Sinte)

²³ I tsele momlia djan win. Un kek krella pale i momeli an. Tu shuneh buder kek pirno peskri pirnjah khelell un giwell. I bikepangren un i parepangren an ko foro his bud penepaske ap kai phub. Un ko bengeskro koowa, hoi kran le an o foro, anas i menshen an i tsele themma ap o bengeskro drom.

Debleskro tsiro 18:23 ပူးပေါင်းရင်းမြစ်များ

2. Rajengro liil 9:22

Har o Yoram o Yehou dikas, poučas yob: “Avenn t'mer an o lačepen?” Koy penas lo: “Hoy – an o lačepen? Har nay vah an o lačepen yaake rah har tiri day, i Isebel, sharell moule deblen oun krell bengeskro koova?”

Hiob 21:17

Gar boud kope meras i čilačo, glan te vas lo phouro. Gar boud kope vas i bibarht pral leste. Gar boud kope anas o Devel i phagi pral leste an peskri rholi,

Gosewe laba 24:20

Kolenge, kay čilačo hi, vell kek lačo tsiro. Lengro djipen hi har i momeli, hoy djal vin.

Jesaja 23:8

Koon penas, te vell kova pral o foro Tirus? Ko foro, hoy yaake zorelo his, te čivas lo raya dren pral vavar themma. Leskre parepangre his har rayengre čave, oun leskre bikepangre his mank i pralstunende ap i tseli phoub.

Jesaja 47:9

Vell i dives, kay vell kova lauter pral toute: Tou nashreh tiro romes, oun tire čave hi moulo. Kova vell sik oun zoreles ap yek dives pral toute, ninna te djineh boud dravepangre laba pre te penell, hoy te rikrenn i bibarht dour toutar, oun kral boud bengeskro koova.

Jeremia 16:9

O baro Devel, ko ray pral o bolepen oun i phoub, kay ninna o Israeleskro Devel hi, penell: Me moukau o tsiro te vell, kay khelell oun givell kek bouder i barhtyatar an o them Youda. I barhteli gole o pirnestar oun leskri pirnyatar shounenn bouder gar. Kova vell glan t'mare yaka oun yaake rah har djivenna.

Jeremia 25:10

Me krau, te dell bouder kek barhtelo gipen. Oun koy barhteli gole o pirnestar oun i pirnyatar shounenn bouder gar. Vitar gar shounenn t'mer, har i djouvya djob tiknes krenna mank douy barra. Oun kek momeli rhačell an t'mare khera.

Jeremia 7:34

Oun o them Youda vell i moulo them. An lengre forya oun ap kol dromma an Yerusalem givell oun sal kek bouder i barhtyatar. Oun koy barhteli gole o pirnestar oun i pirnyatar shounah mer bouder gar.”

Nahum 3:4

Kova hi i phagi o foreske Ninive. O foro his har i shoukar djouvel, kolat boud morsha hi, oun o bengeskro koveha trouyel djal, oun yaake i menshen an vavar themma ap peste pandas.

Bičepangre 8:11

Peskro dourkepah tserdas lo len lauter ap peste. Doleske rikran yon boud lestar.

Debleskro tsiro 12:9

Oun o baro lolo sap vas vin vitsedo. Yob hi ko phouro sap, hoy kharella ninna Beng oun Satan, ko rhorheno, kay tserdell i menshen ap i tseli phoub ap peskro drom. Yob vas tele vitsedo ap i phoub, oun leskre kourepangre leha.

Debleskro tsiro 17:2

I bare raya ap kay phoub čivan pen lah khetne. Ko vi-ladjedo koova, hoy koy djouvel kras, hi har i mool, hoy piyan kolla, kay ap i phoub djivenna, oun latar mato van.”

Debleskro tsiro 17:5

Oun ap lakro shero his i lab činlo, hoy i menshe gar hayvan: “Koy bari Babilon, kolatar vella hako djounglepen oun vi-ladjedo koova ap i phoub.”

Debleskro tsiro 18:22

Kek bashepen oun kek gipen shounenn le bouder kote. Kek boudepaskro boudrella bouder koy. Kek djob hi bouder koy, te vell dran leste yarro kerdo.

Debleskro tsiro 18:3

I Babilon tserdas i menshen an hake themma an bipandlo oun vi-ladjedo koova. Kova his har mool, hoy i menshe piyan. Oun i bare raya ap kay phoub čivan pen lah khetne. Oun i bikepangre oun i parepangre van bravelo dran lakro bravlepen.”

Debleskro tsiro 18:9

Oun i bare raya ap kay phoub, kay čivan pen lentsa khetne oun van bravelo, kolla denna gole oun rovenna, har yon dikenn, te rhačrella ko foro.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

Debleskro tsiro 22:15

Vin hi kolla, kay moukan o Debleskro drom, kolla, kay kran bengeskro koova, kolla, kay loubran trouyel, kolla, kay maran vavaren, kolla, kay mangan vavar koova an har o Debles, oun hakeno, kay kamell oun krell o rhorhepen.

Debleskro tsiro 22:5

An ko foro vell bouder gar rati. Len hounte vell kek momeli, vitar gar o kham, te dikenn le. O baro Devel hi lengri momeli. Oun yon hi bare raya hako tsireske.

Debleskro tsiro 6:15

Oun i tsele menshe khatran pen: i raya pral i themma ap i phoub, i bare oun i bravele, i lourdengre pralstoune oun vavar pralstoune, ninna i boudepangre oun lengre raya. Yon khatran pen an i phoub, oun mashkral i bare barra,

Debleskro tsiro 9:21

Oun yon moukan gar pengro bengeskro koova oun pengro vi-ladjedo koova, oun moukan gar tele te marell oun te čorell.