Debleskro tsiro 18:11 - O Debleskro Lab 2024 (Sinte-Manouche)

¹¹ Oun i bikepangre oun i parepangre ap kay phoub rovenna pral leste, oun denna pengre vasta khetne pral o shero. Kek kamell bouder lengro koova te ginell:

O Debleskro Drom 2021 (Sinte)

¹¹ Un i bikepangre un i parepangre ap kai phub rowenna pral leste, un denna pengre wasta khetne pral o shero. Kek kamell buder lengro koowa te ginell:

Debleskro tsiro 18:11 ပူးပေါင်းရင်းမြစ်များ

Gosewe laba 3:14

Te hi tout gosvepen, hi kova boudeder moldo, har te vell tout roup oun sonakay.

Jesaja 13:19

O Babilon his i shoukester foro mank i rayengre themma. Koleha sharenn pen i Kaldearya. O Devel krell kava foro paash, yaake har lo i forya Sodom oun Gomorra paash kras.

Jesaja 47:15

Yaake hi kol tsele dravepangre, kolentsa khetne boudral, kolla, kay paran touha foun ko tsiro, har terno hals. Kek lendar nay rikrell pes ap peskre herya, oun perell foun yek rig ap i vavar. Oun kek hi koy, kay lell tout vin dran i bibarht.

Ezekiel 27:9

Dran o foro Gebal van kol boudepangre, kay pengri boudi mishto hayvenn, oun kran, te djal kek pani an o shiffo dren. I tsele shiffe oun kolla, kay ap lende oulerenn, van pash toute, te parenn le pengro koova touha.

Zefanja 1:11

Rovenn, t'mer parepangre, kay djivenn an o telstouno kotar o forestar! Kol tsele bikepangre, kay kote pengre love krenn, hounte merenna.

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

Mateo 22:5

Oun kolla shounan gar ap lende oun djan penge. Ko yek djas ap peskro kotar phoub, ko vavar ap o mangepen.

Johanni 2:16

Ap kolende, kay bikrenn parne čirklen, penas yob: “Hidjenn len vin oun krenn dran miro dadeskro kheer kek bikepaskro kheer!”

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

Debleskro tsiro 18:15

Kol bikepangre oun parepangre, hoy kol forestar bravelo van, kolla hi dour lestar tardo i daryatar, te vell gar leskri bibarht ap lende. Oun yon rovenna oun denna lengre vasta pral o shero khetne,

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Debleskro tsiro 18:23

I tsele momlia djan vin. Oun kek krella pale i momeli an. Tou shouneh bouder kek pirno peskri pirnyah khelell oun givell. I bikepangren oun i parepangren an ko foro his boud penepaske ap kay phoub. Oun ko bengeskro koova, hoy kran le an o foro, anas i menshen an i tsele themma ap o bengeskro drom.

Debleskro tsiro 18:3

I Babilon tserdas i menshen an hake themma an bipandlo oun vi-ladjedo koova. Kova his har mool, hoy i menshe piyan. Oun i bare raya ap kay phoub čivan pen lah khetne. Oun i bikepangre oun i parepangre van bravelo dran lakro bravlepen.”

Debleskro tsiro 18:9

Oun i bare raya ap kay phoub, kay čivan pen lentsa khetne oun van bravelo, kolla denna gole oun rovenna, har yon dikenn, te rhačrella ko foro.