Debleskro tsiro 18:10 - O Debleskro Lab 2024 (Sinte-Manouche)

¹⁰ Dour glan o foro hi le tardo i daryatar, te vell koy bibarht ninna ap lende, oun yon penenna: “Dikenn! Havi bibarht! Havi bibarht! O baro foro Babilon, o zorelo foro! Leskri phagi vas an yek tikno tsiro pral leste.”

O Debleskro Drom 2021 (Sinte)

¹⁰ Dur glan o foro hi le tardo i darjatar, te well koi bibacht ninna ap lende, un jon penenna: “Dikenn! Hawi bibacht! Hawi bibacht! O baro foro Babilon, o sorelo foro! Leskri phagi was an jek tikno tsiro pral leste.”

Debleskro tsiro 18:10 ပူးပေါင်းရင်းမြစ်များ

Jesaja 21:9

Kanna dikom i morshes ap i vourdin douy grayentsa. Oun ko morsh das gole: O foro Babilon peras, peras. Oun i tsele rhorhene debla hi paash dino ap i phoub.

Jesaja 47:9

Vell i dives, kay vell kova lauter pral toute: Tou nashreh tiro romes, oun tire čave hi moulo. Kova vell sik oun zoreles ap yek dives pral toute, ninna te djineh boud dravepangre laba pre te penell, hoy te rikrenn i bibarht dour toutar, oun kral boud bengeskro koova.

Jeremia 30:7

Ava, havo djoungelo dives vella, i dives, hoy hi har kek vavar! Ko tsiro hi pherdi daar o Yakobeskre čavenge; yon nay djinenn, te venn le vin lino dran kova lauter.

Ezekiel 32:9

Kova, hoy touha djas, har tou tele djal, shounenn le an boud themma, ninna an saven, kolen tou gar prindjreh. Oun i menshe an boud themma lenn bari daar.

Joel 1:15

Havo bibarhtelo tsiro! O dives, kay o baro Debleskri rholi vell, hi bouder gar dour. Ap ko dives anell o zorelo Devel bari bibarht pral mende.

Amos 5:16

Oun pral t'mari doosh penell o baro Devel, ko ray pral o bolepen oun i phoub: Ap i tsele platse venn ropaskre gilya shounlo, oun ap i tsele dromma denn le gole: Havi grerha, havi grerha! Ninna i harhe venn dren gole dino, te rovenn le pral kolende, kay meran. Oun lauter, kay ropaskre gilya hayvenn, venn kharedo, te givenn le ropaskre gilya!

4. Mose 16:34

Har i vavar Israelitarya, kay troul lende his, shounan, har yon gole dan, nashan le penge. Yon trashan, te rhal len i phoub ninna pre.

Debleskro tsiro 11:8

Oun kal moule morsha hi ap o drom čiddo an ko baro foro, kay ninna lengro ray ap o troushel maredo vas. Kava foro hi har o foro Sodom oun har o them Egiptia.

Debleskro tsiro 14:8

Oun i douyto vavar bolepaskro vas pal leste, oun penas: “O baro foro peras khetne. O baro foro Babilon peras khetne, ko foro, hoy anas i menshen an i tsele themma ap peskro drom, te kran le vi-ladjedo koova. Kova his yaake har te das lo len mool te piyell. Doleske vas o Debleskri rholi pral o foro.”

Debleskro tsiro 16:19

Oun o baro foro phagas an triin kotya. Oun i forya an i vavar themma peran khetne. O Devel bistras ko baro foro Babilon gar, oun moukas i menshen kote peskri rholi te piyell har mool.

Debleskro tsiro 17:12

Oun kol deesh shinga, hoy dikal, hi deesh bare raya. Kolen hi kanna gomme kek penepaske pral i menshende. Vell i dives, kay vell len i zoor, te venn le bare raya pral i menshende khetne o firheha i tikno tsireske.

Debleskro tsiro 18:18

Kolla lauter dikan koy yag, hoy ko fores pre rhačras, oun dan gole, oun penan: “Kek foro his yaake shoukar har kava!”

Debleskro tsiro 18:19

Oun yon lan čik, oun čivan les ap pengre shere oun rovan, oun dan lengre vasta pral o shero khetne, dan gole, oun penan: “Havi bibarht! Havi bibarht! Dikenn, o baro foro! Leskro bravlepen kras lauter kolen bravelo, kay hi len shiffe ap o baro pani! Oun an yek tikno tsiro peras ko foro khetne.”

Debleskro tsiro 18:21

Oun i zorelo bolepaskro hadas i baro bar pre, oun vitsras les an o baro pani, oun penas: “Yaake djal o baro foro Babilon i zoryah tele. Oun či bouder ačell lestar.

Debleskro tsiro 18:8

Doleske vell i tseli bari bibarht ap yek kopo pral ko foro: merepen, ropen, oun bok. Oun i yag rhačrella ko foro pre. Zorelo hi o Devel, maro ray, kay rakrell pral i menshen an o foro o čačepen vin, oun dell len i čači phagi.