Debleskro tsiro 17:8 - O Debleskro Lab 2024 (Sinte-Manouche)

⁸ Ko firho his djido, oun djivell kanna bouder gar, oun vell dran o telstunepen pale pre. Oun palle djal lo hako tsireske nashedo. I tsele menshe krenn bare yaka, te dikenn le, te vell ko firho pale, hoy djido his, oun kanna bouder gar djivella. Yon hi kolla, kolengre laba gar dren činlo van an o djipaskro liil, har i phoub gomme gar koy his.

O Debleskro Drom 2021 (Sinte)

⁸ Ko viecho his djido, un djiwell kanna buder gar, un well dran o telstunepen pale pre. Un palle djal lo hako tsireske nashedo. I tsele menshe krenn bare jaka, te dikenn le, te well ko viecho pale, hoi djido his, un kanna buder gar djiwella. Jon hi kolla, kolengre laba gar dren tchinlo wan an o djipaskro liil, har i phub gomme gar koi his.

Debleskro tsiro 17:8 ပူးပေါင်းရင်းမြစ်များ

Debleskri gili 69:28

Čin haki doosh lendar an i liil; yaake te moukess len tou gar an tiro čačepen te vell.

Daniel 11:45

Oun yob čivell peskre kouč plarhtene khera pre mashkral o baro pani oun o Debleskri berga. Oun kote vell leske o merepen, oun kek vell ap leskri rig.

Daniel 7:11

Oun me dom yak ap ko tikno shing, hoy save bare laba kras. Oun dikom, kay ko firho moulo dino vas, oun leskro mass an i yag vitsedo vas.

Daniel 7:26

Pal kova vell o bolepaskro tsillo, oun o čačepen vell vi-rakedo. Oun ko rayestar vell peskri zoor krik lino, te hi lo bouder kek ray. Oun lestar ačell či bouder pral.

Daniel 7:3

Oun star bare firhe van dran o baro pani vin. Oun hakeno his vavarčandes har o vavar.

Daniel 7:7

Oun pal kova dikom an kava dikepen koy rati i starto firhes, hoy čilačeder oun divyeder his har kol vavar. Les his boud zoor oun sasterne danda, rhas troul peste oun dandras lauter paash. Oun kova, hoy pral ačas, stakras lo peskre pirentsa tel peste khetne. Oun yob his vavarčandes har kol vavar firhe, hoy glan leste his. Oun les his deesh shinga.

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Louka 10:20

Avenn gar barhtelo, te shounenn i benga ap t'mende! Avenn barhtelo, kay t'maro lab an o bolepen dren činlo hi!”

Louka 8:31

Oun yon mangan les, te bičrell lo len gar an i telstouni phoub.

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

Bičepangre 15:18

O Devel krell kova kanna, hoy yob glan i rah tsiro penas.”

Efesarja 1:4

Har o bolepen oun i phoub gar koy his, rodas lo men vin, te djas ap o Yezouseskro drom. Yob rodas men vin, te dell lo men i djoudjo dji, te hatsell lo kek doosh ap mende. Yaake boud kamas lo men,

Tito 1:2

Yon hounte djinenn, te lenn le o djipen, hoy gar pre-herella. Kova penas o Devel glan i rah tsiro. Oun yob rhorhella gar.

1. Petro 1:20

Har i phoub gar koy his, rodas o Devel les vin, te merell lo i menshenge. Oun an kava tsiro, kay djivah, vas lo t'menge ap i phoub.

Debleskro tsiro 11:7

Oun te rakran yon i tsele laba, hoy o Devel lenge penas, palle vell o firho dran o telstunepen pre. Oun ko firho hi zorleder har yon, oun marell len.

Debleskro tsiro 17:11

Ko firho, hoy djido his, oun kanna bouder gar djivella, yob hi o orhtato. Ninna hi lo yek kol eftendar, oun djal hako tsireske nashedo.

Debleskro tsiro 17:2

I bare raya ap kay phoub čivan pen lah khetne. Ko vi-ladjedo koova, hoy koy djouvel kras, hi har i mool, hoy piyan kolla, kay ap i phoub djivenna, oun latar mato van.”

Debleskro tsiro 20:10

Oun o beng, kay anas len ap peskro drom, vell an i bari yag vitsedo, hoy zoreles rhačella oun khandella. Kote hi ninna o firho, oun ko rhorheno rakepaskro. Kote vell len hako tsiro bare douka.

Debleskro tsiro 20:12

Oun me dikom i moulen: i bare har i tikne. Yon his tardo glan o Debleskro beshepaskro. Oun lila van pre kerdo, kay činlo hi, hoy i menshe kran. Pale vas ko djipaskro liil pre kerdo, kay kolla dren činlo hi, kay djivenna hako tsiro. Oun o čačepen vas vi-rakedo pral kol tsele moulende yaake, har an i lila dren činlo hi.

Debleskro tsiro 3:10

T'mer rikran ko lab, hoy t'menge penom, oun van gar khino an o patsepen ap mande. Doleske rikrau mire vasta pral t'mende an ko pharo tsiro, kay i bibarht vella pral i tsele menshende ap kay phoub, te vell diklo, hoy an lengre djia hi.

Debleskro tsiro 3:5

Kova, kay zoreles an o patsepen ačas, oun gar pre das, kova lella parne ripya. Oun leskro lab lau me gar vin dran o liil, kay i djide dren činlo hi. Ninna penau glan miro dadeste oun glan leskre bolepangre, kay yob hi miro.