Debleskro tsiro 17:14 - O Debleskro Lab 2024 (Sinte-Manouche)

¹⁴ Oun yon kourenn pen ko terno bakreha. Oun o terno bakro hi zorleder har yon. Yob hi o ray pral i tsele rayende, oun o pralstouno pral i tsele pralstunende. Oun pash leste hi kolla, kolen yob gole das oun vin rodas, kolla, kay ap leste patsenna.”

O Debleskro Drom 2021 (Sinte)

¹⁴ Un jon kurenn pen ko terno bakreha. Un o terno bakro hi sorleder har jon. Job hi o rai pral i tsele rajende, un o pralstuno pral i tsele pralstunende. Un pash leste hi kolla, kolen job gole das un win rodas, kolla, kai ap leste patsenna.”

Debleskro tsiro 17:14 ပူးပေါင်းရင်းမြစ်များ

Debleskri gili 110:5

O baro Devel hi ap tiri čači rig tardo, oun dell bare rayen khetne ap ko dives, kay leskri rholi vella,

Jeremia 1:15

Shoun mishto: Me dau gole i tsele menshen an kol themma, hoy an o norden čiddo hi, te venn yon, penell o baro Devel. Lengre raya čivenn pengre beshepangre glan kol voudya o forestar Yerusalem, oun troul leskre massurya oun troul kol tsele forya an o them Youda.

Jeremia 1:19

Ninna te čingrenn le touha, nay krenn le touke či. Me hom pash toute, te lap tout dran lengre vasta vin. Kova penau me, o baro Devel.

Jeremia 50:44

Har i levo vin vell dran i bourra pash o pani Yordan, vau me oun tradau i Babilonaryen sik dran lengro them, oun čivau koles pral o them, kones me vin rodom. Kek hi har me! Kek hounte penell mange, hoy te krap! oun kek ray hi zorleder har me!

Daniel 2:44

Oun an ko tsiro, kay kol bare raya djivenna, krell o bolepaskro Devel yek them, hoy an kek tsiro paash kerdo nay vell. Kava them vell an kek tsiro vavar menshendar dren lino. Leskro baro ray krell kol vavar rayengre themma paash, oun leskri zoor ačell hako tsireske.

Daniel 2:47

Oun o baro ray penas ap o Daniel: “Čačepah t'maro Devel hi o Devel pral i tsele debla, oun o ray pral i tsele bare raya ap kay phoub. Yob sikrell kova, hoy khatedo his oun kek djinas. Yaake nay penal tou menge, hoy koy souni kamas te penell.”

Daniel 7:21

Oun me dikom, har djas ko shing an o marepen oun kouras pes i Debleskre menshentsa, oun his zorleder har yon, oun das len,

Zakarie 2:8

Oun o ersto penas ap o vavareste: “Naash oun pen ko terno morsheske i doryah: An o foro Yerusalem venn yaake boud menshe oun firhe, te nay venn kek massurya troul leste.

Mateo 22:14

Palle penas o Yezous ap kolende, kay troul leste tardo hi: “Boud menshen dell o Devel gole. Kolla kokres, kay pash leste venna, moukell lo dren te djal.”

Mateo 25:40

Oun o baro ray penell lenge: Čačepah, me penau t'menge: Ko lačepen, hoy t'mer yekeske mire čorvele phralendar kran, ko lačepen kran t'mer mange.

Mateo 28:18

Oun o Yezous djas pash lende oun penas ap lende: “O baro Devel das man i zoor pral o bolepen oun pral i phoub.

Johanni 15:16

T'mer rodan man gar vin. Me rodom t'men vin, te djivenn yaake, te vell dran t'maro djipen lačo koova, hoy ačella. Oun o dad dell t'men halauter, hoy mangenn lestar an miro lab.”

Remarja 1:6

Mank kol menshende han t'mer ninna an o foro Rom. O Yezous Kristo das t'men gole, te venn pash leste.

Remarja 8:30

Kolen yob vin rodas, kolen das lo ninna gole, te djivenn le leha khetne. Oun kolen, kay yob gole das, kolen čivas lo an o čačepen. Oun kolen, kay yob an o čačepen čivas, kolen kras lo ninna erligo, te djivenn le leha khetne an leskro raylepen.

Remarja 8:37

O Yezous Kristo, kay kamell men o tselo djiyestar, yob krell men zoreles an lauter kova hoy ap mende vella.

1. Korintarja 15:24

Pal kova herell kava tsiro pre. Hako ray, hako pralstouno oun hakeno, koles hi penepaske, koleske lell o Yezous Kristo i zoor krik oun dell lauter o Debleste, peskro dadeste, te vell o Devel kokres o ray pral halauter.

5. Mose 10:17

T'maro baro Devel hi o Devel pral hako devel oun o ray pral hako ray. Yob hi o baro oun o zorelo, kolestar halauter darenn. Yob dikell gar koy pre, koon yek hi. Oun yob lell či an, hoy kamell yek les te dell, te rissrell lo o čačepen trouyel.

1. Timoteo 6:15

Yob vella ap o čačo tsiro. Ko tsiro djinell o Devel. Koles sharah mer! Yob kokres hi o baro ray, oun bareder oun zorleder har lauter. Yob hi ko baro ray pral i tsele rayende.

2. Timoteo 2:4

Kova, kay an o kourepen djala, krell kek vavar boudi. Yob kamell, te dikell peskro pralstouno lačes ap leste.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.

Debleskro tsiro 11:7

Oun te rakran yon i tsele laba, hoy o Devel lenge penas, palle vell o firho dran o telstunepen pre. Oun ko firho hi zorleder har yon, oun marell len.

Debleskro tsiro 16:14

Kolla triin benga krenn baro oun zorelo koova, oun djan pash i rayende pral i tsele themma, te anenn yon pengre lourden khetne, te djan le an o kourepen ap o Debleskro baro dives.

Debleskro tsiro 2:10

Ma darenn kol douka, hoy ap t'mende venna! O beng moukell menshen t'mendar an o stilepen te vitsrell, te vell diklo, har zorelo t'maro patsepen ap mande hi. Oun t'mer venn deesh divessa palla lino. Ačenn zoreles an t'maro patsepen ap mande, ninna te marenn le t'men! Palle dau t'men o djipen, hoy ačella. Yaake baro hi t'maro playsepen!

Debleskro tsiro 2:13

Me djinau, t'mer djivenn kote, kay o beng o ray pral i menshende hi. T'mer rikrenn zoreles ap mande, oun moukan o patsepen gar, ninna an kol divessa, har vas o Antipas maredo, har yob i menshenge mandar penas an t'maro foro, kay o beng djivella.

Debleskro tsiro 3:21

Kova, kay zoreles an o patsepen ačas, oun gar pre das, kova nay beshell pes mantsa ap miro rayeskro beshepaskro, yaake har me ninna zoreles tardo homs, oun me beshom man miro dadeha ap leskro rayeskro beshepaskro.