Debleskro tsiro 17:12 - O Debleskro Lab 2024 (Sinte-Manouche)

¹² Oun kol deesh shinga, hoy dikal, hi deesh bare raya. Kolen hi kanna gomme kek penepaske pral i menshende. Vell i dives, kay vell len i zoor, te venn le bare raya pral i menshende khetne o firheha i tikno tsireske.

O Debleskro Drom 2021 (Sinte)

¹² Un kol deesh shinga, hoi dikal, hi deesh bare raja. Kolen hi kanna gomme kek penepaske pral i menshende. Well i diwes, kai well len i soor, te wenn le bare raja pral i menshende khetne o viecheha i tikno tsireske.

Debleskro tsiro 17:12 ပူးပေါင်းရင်းမြစ်များ

Daniel 7:20

Oun ninna kamom te djinell, hoy kol deesh shinga ap leskro shero kamenn te penell, oun ko vavar shing, hoy vin vas, oun glan koleste kol triin vavar shinga vin peran. Oun kava shing his bareder har kol vavar. Oun les his yaka oun i mouy, hoy baro koova rakras.

Daniel 7:24

Oun kol deesh shinga hi deesh bare raya, kay lenn koy rayengri zoor. Oun pal lende vell yek vavar ray. Oun yob hi vavarčandes har kolla glan leste. Oun yob vitsrell triin lendar pengre beshepangre tele.

Debleskro tsiro 10:11

Oun yon penan ap mande: “Tou hounte rakress pale pral kova, hoy vella pral i menshende oun lengre rayende, kay djivenna an boud themma, kay venna dran boud natsyone, oun rakrenna boud vavar rakepen.”

Debleskro tsiro 12:3

Oun i vavar baro koova sikras pes ap o bolepen: I baro lolo sap vas. Oun les hi efta shere oun deesh shinga. Oun ap hako shero hi shereskro sonakay.

Debleskro tsiro 13:1

Oun me dikom dran o baro pani i firhes pre te vell. Koles his deesh shinga oun efta shere. Oun ap haki shing hidjras lo i shereskro sonakay. Oun ap leskre shere his save laba činlo, hoy praasenn o Debles.

Debleskro tsiro 17:16

Oun kol deesh shinga, hoy dikal, khetne o firheha venn le rhoyedo ap koy djouvel, oun lenn lake lauter krik, hoy lat hi, yaake te hi li nango. Oun yon rhan lakro mass oun rhačrenn lat pre.

Debleskro tsiro 18:10

Dour glan o foro hi le tardo i daryatar, te vell koy bibarht ninna ap lende, oun yon penenna: “Dikenn! Havi bibarht! Havi bibarht! O baro foro Babilon, o zorelo foro! Leskri phagi vas an yek tikno tsiro pral leste.”

Debleskro tsiro 18:17

An yek tikno tsiro djas lengro tselo baro bravlepen paash oun nashedo!” Dour glan o foro his ninna kolla tardo, kay ap o baro pani hi: I pralstoune ap i shiffe, kolla, kay kol shiffe oulerenna, oun kolla, kay ap kol shiffe boudrenna, oun hakeno, koleskri boudi ap o baro pani hi.

Debleskro tsiro 18:19

Oun yon lan čik, oun čivan les ap pengre shere oun rovan, oun dan lengre vasta pral o shero khetne, dan gole, oun penan: “Havi bibarht! Havi bibarht! Dikenn, o baro foro! Leskro bravlepen kras lauter kolen bravelo, kay hi len shiffe ap o baro pani! Oun an yek tikno tsiro peras ko foro khetne.”