Debleskro tsiro 17:1 - O Debleskro Lab 2024 (Sinte-Manouche)

¹ Oun yek kol efta bolepangrendar, kay hi len kol efta čare an i vasta, kova vas pash mande, oun penas: “Ab kay! Me kamau tout i phagi te sikrell, hoy ko foro lella, hoy pash boud panya čiddo hi. Ko foro hi har i djouvel, kay kras vi-ladjedo koova.

O Debleskro Drom 2021 (Sinte)

¹ Un jek kol efta bolepangrendar, kai hi len kol efta tchare an i wasta, kowa was pash mande, un penas: “Ab kai! Me kamau tut i phagi te sikrell, hoi ko foro lella, hoi pash bud panja tchiddo hi. Ko foro hi har i djuwel, kai kras wi-ladjedo koowa.

Debleskro tsiro 17:1 ပူးပေါင်းရင်းမြစ်များ

Jesaja 1:21

Har nay vas kova? Kava foro, hoy rikras pes ap mande peskro tselo djiyeha, vas har i loubni! O foro his pherdo čačepen, oun i menshe djivan pal o Debleskre čačepaskre laba. Oun kanna djivenn kate lauter marepangre, kay vavaren moulo denn!

Jesaja 57:3

T'mer, kay mangenn rhorhene deblen an, han har dravepangre, har morsha, kay pash vavar djouvyende djan, oun har djouvya, kay loubya hi.

Jeremia 2:20

O baro Devel penell: Hako tsiro hadal tout pral mande, oun kamal mange gar palla te djal. Tou penal: Me kamau kek ray pral mande. Oun čival tout koy har i loubni ap i berga tel hako zenelo rouk.

Jeremia 51:13

Tou foro, kay hal kote, kay bare panya hi, tou, kay tout baro bravlepen hi, tiro tsiro hi trouyel, tiro djipaskro thab vell tele činlo.

Ezekiel 31:4

Les his boud pani. O pani tel i phoub kras, te vas lo baro. Ko panyestar tel i phoub djan lengste panya vin oun nashenn troul koy platsa, kay o cedertikro rouk tardo hi. Oun tikne panya nashenn doureder pash kol tsele vavar rouka an o veesh.

Louka 24:32

Oun yon penan mashkral pende: “Djas kova gar an maro dji, har yob ap o drom mentsa rakras, oun menge penas, hoy an o Debleskro lab pral leste činlo hi?”

Louka 9:30

Ap yek kopo rakran douy morsha leha. Kolla his o Mose oun o Eliya.

Debleskro tsiro 1:1

An kava liil hi kova činlo, hoy o Devel moukas o Yezous Kristes te dikell, te sikrell yob peskre boudepangren, hoy an i tikno tsiro hounte vella. Oun o Yezous Kristo bičras peskro bolepaskres pash mande, te sikrell lo mande kava lauter. Me, o Yohanni, hom leskro boudepaskro

Debleskro tsiro 15:1

Oun me dikom i vavar baro koova an o bolepen. Kova his baro oun dareno. Kote his efta bolepangre, kay anenn efta kope i bari phagi pral i phoub. Pal koy eftati phagi vell bouder kek phagi. Palle hi o Devel bouder gar rhoyedo.

Debleskro tsiro 16:19

Oun o baro foro phagas an triin kotya. Oun i forya an i vavar themma peran khetne. O Devel bistras ko baro foro Babilon gar, oun moukas i menshen kote peskri rholi te piyell har mool.

Debleskro tsiro 18:1

Pal kova dikom i vavar bolepaskres, kay dran o bolepen tele vella. Koles his i bari zoor. Oun i phoub vas pherdo leskro raylepen.

Debleskro tsiro 19:2

Lačo oun čačo hi lo. I phagi, hoy yob i menshen das, hi mishto oun čačo. Yob das i bari loubyat lakri phagi. Yoy tserdas i menshen ap i tseli phoub an vi-ladjedo koova oun maras o Debleskre boudepangren. O Devel das lat ko čilačepen pale, hoy yoy ap lende kras.”

Debleskro tsiro 19:9

Oun o bolepaskro penas ap mande: “Čin an ko liil: Barhtele hi kolla, kay kharedo van, te venn le ap o terno bakreskro biyab. Kal laba hi čačepah o Debleskre laba,” penas lo ap mande.

Debleskro tsiro 21:15

Oun ko bolepaskro, kay mantsa rakras, koles his i sonakaskro kasht an leskro vast, te ginell lo tele, har baro o foro hi, oun har baro lengre voudya hi, oun har baro koy massouri hi, hoy djal troul o foro.

Debleskro tsiro 21:9

Oun pash mande vas yek kol efta bolepangrendar, kay čoran kol efta čare vin, te vas efta kope i bari phagi pral i phoub. Pal kova vas kek vavar phagi pral i phoub. Ko bolepaskro vas pash mande, oun rakras mantsa, oun penas: “Ab kay! Me sikrau toute koy čat, kay rodas peske o terno bakro vin, te romedinerell lo lat.”

Debleskro tsiro 4:1

Pal kova dikom i voudar an o bolepen, hoy pre hi. Oun kova, kay ap mande rakras, oun leskri gole zorelo har i phourdepaskri his, kova penas ap mande: “Ab kate pre! Me sikrau tout, hoy pal kava vella.”