Debleskro tsiro 16:6 - O Debleskro Lab 2024 (Sinte-Manouche)

⁶ Yon maran tire menshen, ninna tire rakepangren, oun moukan lengro rat te nashell. Oun kanna hounte piyenn le o rat. Kova hi lengri phagi.”

O Debleskro Drom 2021 (Sinte)

⁶ Jon maran tire menshen, ninna tire rakepangren, un mukan lengro rat te nashell. Un kanna hunte pijenn le o rat. Kowa hi lengri phagi.”

Debleskro tsiro 16:6 ပူးပေါင်းရင်းမြစ်များ

2. Rajengro liil 24:4

oun maras boud saven, kay kek čilačepen kran, oun anas lengro rat pral peste. Oun o tselo foro Yerusalem his pherdo rat. Kava koova kamas o baro Devel gar te bistrell.

2. Mose 21:24

i yak i yakeske, i dand i dandeske, i vast i vasteske, i heri i heryake,

2. Mose 7:17

Doleske penell o baro Devel: Dikess oun hayvess, te hom me o baro Devel. Dik, me dau o kashteha, hoy an miro vast hi, ap o pani Nil. Oun ko pani vell rat.

Jesaja 49:26

Kolla, kay rhan tout, kolla hounte rhan pengro mass oun hounte piyenn pengro rat, oun venn kolestar yaake mato, har te piyans le goudli mool. Palle hayvenn i tsele menshe, te hom me o baro Devel, kova, kay lell tout vin dran o merepen, oun tserdell tout vin dran i čilače vasta, me o zorelo Devel o Yakobestar.

Jeremia 2:30

Koy tseli phagi, hoy dom t'men, his čičeske. T'mer moukan t'men gar te tserdell. Mire rakepangren, kay pash t'mende bičrom, maran t'mer. T'maro rharo rhas len har i rhoyedo levo.

Jeremia 26:11

Oun i rashaya oun i rhorhene rakepangre penan ap i pralstunende oun i vavar menshende, kay hi koy: “Kava morsh hounte merell; yob rakras djoungeles pral kava foro, har shounan t'mer t'mare kandentsa.”

Jeremia 26:16

Palle penan i pralstoune oun kol vavar menshe ap i rashayende oun kol rhorhene rakepangre: “Kava morsh hounte merell gar! Yob penas menge kol laba, hoy das les maro baro Devel.”

Ropaskre gilja 4:13

Kova vas pral o foro koy doshake, hoy o Debleskre rakepangre oun i rashaya ap pende anan. Yon moukan kote save menshen te marell, kay kek čilačepen kran.

Ezekiel 32:6

Oun me dau o themes tiro rat te piyell, hoy nashell bis pash i berge, oun i tikne panya venn pherdo lestar.

Mateo 7:2

Te hi t'men i baro dji i vavarenge, hi o Debles ninna i baro dji t'menge. Hi t'men kek baro dji lenge, hi o Debles vitar gar i baro dji t'menge.

Louka 12:48

Koon kova krella, hoy gar mishto hi, oun djinell kova gar, lell gar boud dava. Koon boud o Deblestar las, kolestar kamell yob, te krell lo peskri boudi mishto. Oun kones boud zoor oun gosvepen dino vas, kolestar kamell o Devel, te boudrell lo gomme feteder.”

Hebrearja 10:29

Te his kova yaake koleha, kay kras gar, hoy o Mose penas, kitse zorleder vell o Debleskri rholi pral koleste, kay o Debleskro čaves pestar stakrella, oun krella, har te vals o Yezous Kristeskro rat či moldo. Oun kava rat lals peskri doosh krik, oun krals les erligo glan o Debleste. O Debleskro Dourho his leske lačes, oun yob doukras les.

Debleskro tsiro 11:18

I tsele natsyone rhoyran pen pral toute. Doleske vas tiri rholi pral lende. Kanna hi o tsiro kay, te vell o čačepen vi-rakedo pral i moulende. Kanna vas ko tsiro, te dess tiro bravlepen kolende, kay touke boudran, kay an tiro lab rakran, lauterende, kay tire menshe hi, oun tout sharenna, oun toutar darenna, i tikne har i bare. I tsiro hi ninna kay, te maress kolen, kay i menshen ap i phoub maran.

Debleskro tsiro 13:10

Koon stildo hounte vell, kova vell stildo. Koon o rhareha maredo hounte vell, kova vell o rhareha maredo. Doleske hounte venn o Debleskre menshe zoreles tardo an o patsepen, te denn le gar pre.

Debleskro tsiro 13:15

Oun ko douyto firho las i zoor, te krell lo ko firhes djido, hoy i menshe penge kran, yaake te nay rakrell kova ninna, oun te nay krell yob, te venn lauter maredo, kay les gar an-mangenna.

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Debleskro tsiro 18:24

Ninna nashas an o foro o rat, hoy ratan kol Debleskre rakepangre oun o Debleskre menshe, kay kote maredo van, ava, o rat kolendar lauter, kay ap i phoub maredo van.”

Debleskro tsiro 19:2

Lačo oun čačo hi lo. I phagi, hoy yob i menshen das, hi mishto oun čačo. Yob das i bari loubyat lakri phagi. Yoy tserdas i menshen ap i tseli phoub an vi-ladjedo koova oun maras o Debleskre boudepangren. O Devel das lat ko čilačepen pale, hoy yoy ap lende kras.”