Debleskro tsiro 16:2 - O Debleskro Lab 2024 (Sinte-Manouche)

² Oun o glanstouno bolepaskro djas oun čoras peskro čaro vin pral i phoub. Koy vas i djoungelo oun čilačo nasslepen ap kol menshende, kay lan o firheskro lab ap pende, oun mangan o firhes an, hoy i menshendar kerdo vas.

O Debleskro Drom 2021 (Sinte)

² Un o glanstuno bolepaskro djas un tchoras peskro tcharo win pral i phub. Koi was i djungelo un tchilatcho nasslepen ap kol menshende, kai lan o viecheskro lab ap pende, un mangan o vieches an, hoi i menshendar kerdo was.

Debleskro tsiro 16:2 ပူးပေါင်းရင်းမြစ်များ

2. Familjakro liil 21:15

Ap toute vell boud nasslepen an tire bouke. Kova vell djoungleder oun djoungleder, bis tire bouke dran toute vin venna.

2. Familjakro liil 21:18

Pal kava tselo koova, čivas o baro Devel i nasslepen an leskre bouke. Kolestar nay vas lo gar sasto.

Debleskri gili 78:26

Yob bičras i baro dourho, hoy phourdas kotar, kay o kham pre djal. Oun peskri zoryah tradas lo i vavar dourho pash lende, hoy phourdas kotar, kay o kham pralstounes hi,

Jesaja 3:17

Doleske moukau me, o baro Devel, i čiklo doukepen ap lengre sherya te vell, oun moukau lenge i tsele balla tele te činell.

Jesaja 3:24

Oun palle vell, te hi djoungeli khand, kay shoukar soungepen his, oun kote, kay i shoukar pereskro pandepen his, hi kanna i dori. Oun kolat, kay shoukar bal his, kolat hi palle kek bal ap o shero, oun kolat, kay kouč koola his, koya rivell palle i gono troul peste. Oun kote, kay shoukapen his, hi kanna či har i ladj.

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

5. Mose 28:27

O baro Devel bičrell t'men savo nasslepen, hoy lo glan i rah tsiro i Egiptaryen das: I djoungelo nasslepen vell ap t'maro mass, doukepen phagell pre, oun t'maro mass rhačell oun rhandjrell. Oun kek drab hi koy, hoy nay krell t'men sasto.

5. Mose 28:35

O baro Devel krell, te phagell djoungelo doukepen pre ap t'mare herya. Ava, t'mare pirendar bis ap t'mare sherya han pherdo doukepen, oun nay venn gar sasto kolestar.

5. Mose 7:15

Oun o baro Devel lell hako nasslepen t'mendar, oun anell kek savo nasslepen ap t'mende, hoy ap i menshende an o them Egiptia van, oun hoy t'mer prindjrenn. Na-a gar ap t'mende čivell lo len, ap hakeneste, kay ap t'mende pre djal, čivell lo len.

Debleskro tsiro 13:12

Les hi i tseli zoor, hoy ninna ko firhes hi, hoy dran o baro pani vas. Oun ko douyto firho kras, te sharenn i tsele menshe ap i phoub ko firhes, hoy dran o baro pani vas, koles ko baro činepen his, oun pale sasto vas. Oun ko firho, hoy dran o baro pani vas, kova dikas lauter, hoy ko douyto firho kras,

Debleskro tsiro 14:16

Oun kova, kay ap i folka beshdo his, vitsras peskri bangi čouri pral i phoub. Oun o djob vas činlo oun khetne pandlo.

Debleskro tsiro 14:9

Oun i triinto vavar bolepaskro vas pal lende, oun das bari gole: “Kolla, kay mangenn o firhes an, oun ko firhes, hoy vas i menshendar kerdo, oun kolla, kay činan leskro sikepen glan ap pengro shero, ninna ap pengro vast.

Debleskro tsiro 16:1

Oun me shounom, har yek dran o Debleskro kheer bari gole das oun ap kol efta bolepangre penas: “Djan vin oun čorenn kol efta čare, kay pherdo Debleskri rholi hi, pral i phoub vin!”

Debleskro tsiro 16:11

Lengre douka dran o djoungelo nasslepen his yaake baro, kay praasan le o Debles an o bolepen. Oun yon moukan gar pengro čilačo koova, hoy yon kran.

Debleskro tsiro 8:7

Oun o glanstouno phourdas an peskri phourdepaskri. Koy das brishin, hoy his har barra, oun yag o rateha mashkral ap i phoub. Oun o triinto kotar i tseli phoubyatar rhačras, oun o triinto kotar i tsele roukendar rhačras, ninna o tselo zenlepen.

1. Samuel 5:6

Oun o baro Debleskro vast čivas pes phares ap i menshende an Ashdod oun anas bibarht ap lende. I djoungelo nasslepen vas ap kolende, kay djivan an Ashdod oun an i gaba trouyel.

1. Samuel 5:9

Oun har yon ko morhton kote anan, vas o baro Debleskro vast phares ap o foro, oun lauter, tikne oun bare lan ko djoungelo nasslepen. Oun i bari daar tapras len.