Debleskro tsiro 16:17 - O Debleskro Lab 2024 (Sinte-Manouche)

¹⁷ Oun o eftato bolepaskro čoras peskro čaro vin an o dourho, hoy djal pral i phoub. Oun dran o Debleskro kheer vas i rakepen kote vin, kay o rayeskro beshepaskro hi, oun penas zoreles: “Kanna hi lauter kerdo.”

O Debleskro Drom 2021 (Sinte)

¹⁷ Un o eftato bolepaskro tchoras peskro tcharo win an o ducho, hoi djal pral i phub. Un dran o Debleskro kheer was i rakepen kote win, kai o rajeskro beshepaskro hi, un penas soreles: “Kanna hi lauter kerdo.”

Debleskro tsiro 16:17 ပူးပေါင်းရင်းမြစ်များ

Johanni 19:30

Har piyas o Yezous koy shoutli mool, penas lo: “Me krom lauter, hoy hounte krom.” Oun yob čivas peskro shero glan tele, oun meras.

Efesarja 2:2

T'mer djan ap o čilačo drom, yaake har i vavar menshe, oun shounan ap o bengeste. Kova hi o ray pral i čilače zorya mashkral o bolepen oun i phoub. Oun yob boudrell an i djia kolendar, kay shounenn gar ap o Debleste.

Efesarja 6:12

Mer kourah men gar i menshentsa. Na-a, čilače zorya hi mashkral o bolepen oun i phoub, kay venna o bengestar. Kolen hi penepaske an kava čilačo tsiro. Kolentsa kourah men.

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

Debleskro tsiro 14:15

Oun i vavar bolepaskro vas vin dran o Debleskro baro kheer, oun das ap koleste bari gole, hoy ap i folka beshdo hi, oun penas ap leste: I phoub oun i menshe koy pre hi har i harhetikri phoub, kay o djob baro vas. Le tiri bangi čouri, oun čin ko djob tele oun pande les khetne! I tsiro hi kanna kay, te čineh les tele.

Debleskro tsiro 14:17

Oun i vavar bolepaskro vas vin dran o Debleskro kheer an o bolepen. Oun les his ninna i čouri, hoy mishto činella.

Debleskro tsiro 16:1

Oun me shounom, har yek dran o Debleskro kheer bari gole das oun ap kol efta bolepangre penas: “Djan vin oun čorenn kol efta čare, kay pherdo Debleskri rholi hi, pral i phoub vin!”

Debleskro tsiro 21:6

Oun yob penas pale: Halauter vas yaake, har penom. Mandar vas halauter. Oun lauter vella pale glan mande. Me hom o glanstouno oun o palstouno. Kones troush hi, kova lell mandar o djido pani čičeske.