Debleskro tsiro 14:2 - O Debleskro Lab 2024 (Sinte-Manouche)

² Oun me shounom i gole dran o bolepen. Kay gole his yaake zorelo har boud panya gole denna, oun har koy gole, hoy o bolepen krella, te dell baro brishin, oun te dell yag karye tele ap i phoub. Kay gole his ninna yaake har o bashepen, hoy kol bashepangre krenna, hoy harfe kharenna.

O Debleskro Drom 2021 (Sinte)

² Un me shunom i gole dran o bolepen. Kai gole his jaake sorelo har bud panja gole denna, un har koi gole, hoi o bolepen krella, te dell baro brishin, un te dell jag karje tele ap i phub. Kai gole his ninna jaake har o bashepen, hoi kol bashepangre krenna, hoi harfe kharenna.

Debleskro tsiro 14:2 ပူးပေါင်းရင်းမြစ်များ

2. Samuel 6:5

Oun o David oun i tsele menshe an Israel khelan barhteles glan o baro Debleste, givan gilya, oun kran bashepen ap doryengre bashepangre, ap tikne pauke oun ap vavar bashepangre.

2. Familjakro liil 20:28

Oun yon van an o foro Yerusalem dren, oun bashran ap i cimbale, harfe oun phourdepangre. Yaake van le glan o baro Debleskro kheer.

Debleskri gili 147:7

Givenn i gili o baro Debleske! Parkrenn t'men pash leste! Bashrenn maro Debleske ap i harfa!

Debleskri gili 149:3

Sharenn leskro lab an t'maro khelepen! Bashrenn leske ap i pauka oun i harfa!

Debleskri gili 33:2

Parkrenn t'men pash o baro Debleste, oun bashrenn leske ap doryengre bashepangre! Givenn leske gilya, oun bashrenn leske ap i bashepaskri i deesh doryentsa!

Debleskri gili 43:4

Kote kamau me glan tiri Debleskri rhačepaskri te vell, glan toute, miro Debleste, kay kreh, te givap i barhtyatar. Miro bashepah ap i doryengri bashepaskri kamau man te parkrap pash toute, miro Devel.

Debleskri gili 57:8

Zorelo vas miro dji, miro Devel, zorelo vas miro dji. Me kamau touke te givell oun te bashrell.

Debleskri gili 92:3

te rakrau pral tiro lačepen taysarlakro, oun pral tiro čačepen an i rat,

Debleskri gili 93:4

Ninna te hi o baro pani divyo oun leskri gole zorelo, bareder hi o baro Devel an o bolepen.

Debleskri gili 98:5

Bashrenn leske ap i harfa! Sharenn les o bashepah ap i doryengre bashepangre!

2. Mose 19:16

Ap o triinto dives taysarlake das o bolepen bari gole, oun yag das tele karye, oun i pessi folka his pral i tseli berga, oun i phourdepaskri das bari gole. Oun i tsele Israelitarya lan i bari traash, te trissan lengre kokale.

2. Mose 20:18

Oun i tsele Israelitarya shounan, har o bolepen gole das, oun dikan, har yag dran o bolepen tele karye das. Ninna shounan le, har yek ap i phourdepaskri phourdas, oun dikan i yagakro dourho. Oun har yon kava shounan oun dikan, nashan le penge oun ačan i kotar doureder tardo oun trissan i daryatar.

Jesaja 17:13

Ava, har bare divye panya venn le sik. Koy čingrell o Devel ap lende, oun yon nashenn penge, oun venn tradedo har o phouss, hoy phourdell i zorelo dourho pral o them, oun har patria, hoy phourdell lo trouyel.

Ezekiel 43:2

Oun kote dikom, har vas o raylepen o Israeleskro Deblestar foun kotar, kay o kham pre djal. Khetne ko raylepen vas i gole, har i gole, hoy bare panya denn. Oun dran o raylepen vas i momeli ap o tselo them.

Zakarie 9:14

O baro Devel moukell pes te dikell pral peskre menshende, [te rikrell lo peskre vasta pral lende]. Leskro faylo djal sik har o bolepaskri yag. O baro Devel, maro ray, moukell an i bari phourdepaskri te phourdell. Yob djal an o zorelo dourho, hoy vell kotar, kay o kham pralstounes tardo hi.

1. Korintarja 13:1

Ninna te rakroms me nay an hako rakepen, hoy i menshe oun i bolepangre rakrenna, oun te vals man gar o Debleskro kamlepen an miro dji, palle voms me har i bashepaskro, kay bashrell gar mishto. Leskro bashepen molella či.

Debleskro tsiro 1:10

Ap o Debleskro dives vas o Debleskro Dourho zoreles pral mande. Oun me shounom pal mande i zorelo rakepen. Kova his har i gole, hoy dell i phourdepaskri.

Debleskro tsiro 1:15

Oun leskre herya his har dran sonakay, hoy an o bob rhačedo oun thodo vella. Oun leskro rakepen his har i gole i baro panyestar, hoy dour tele perella.

Debleskro tsiro 11:12

Oun kol douy shounan i zorelo rakepen dran o bolepen, hoy ap lende penas: “Avenn kate pre!” Oun yon djan an o bolepen pre. Oun lauter kolla, hoy rhoyedo ap lende his, dikan kova.

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”

Debleskro tsiro 15:2

Oun me dikom čomone har i baro pani. Kova his djoudjo har i vali. Oun yag his koy dren. Oun pash o baro pani dikom me kolen, kay zorleder his har ko firho oun har ko firho, hoy i menshendar kerdo vas. Yon moukan vitar gar, te vas o firheskro lab ap lende činlo. Oun len his bashepangre, hoy kharenna harfe. Kolen das lende o Devel an lengre vasta.

Debleskro tsiro 18:22

Kek bashepen oun kek gipen shounenn le bouder kote. Kek boudepaskro boudrella bouder koy. Kek djob hi bouder koy, te vell dran leste yarro kerdo.

Debleskro tsiro 5:8

Oun har las yob o liil, peran kol star zorele bolepangre oun kol biish-te-star čačepangre phoure glan o terno bakro tele. Oun hakenes lendar his i bashepaskri. Oun yon bashran i shoukar bashepen. Len his ninna sonakangre čare pherdo goudlo kasht, hoy o Debleske rhačedo vella, oun mishto soungella. Ko goudlo kasht hi o mangepen, hoy o Debleskre menshe pengro Deblestar mangan.

Debleskro tsiro 6:1

Oun me dikom, har ko terno bakro yek kol efta doryendar pre pandas, hoy ko liil khetne rikrenna. Oun me shounom, har yek kol star zorele bolepangrendar zoreles penas: “Ab!”

Debleskro tsiro 8:7

Oun o glanstouno phourdas an peskri phourdepaskri. Koy das brishin, hoy his har barra, oun yag o rateha mashkral ap i phoub. Oun o triinto kotar i tseli phoubyatar rhačras, oun o triinto kotar i tsele roukendar rhačras, ninna o tselo zenlepen.