Debleskro tsiro 14:15 - O Debleskro Lab 2024 (Sinte-Manouche)

¹⁵ Oun i vavar bolepaskro vas vin dran o Debleskro baro kheer, oun das ap koleste bari gole, hoy ap i folka beshdo hi, oun penas ap leste: I phoub oun i menshe koy pre hi har i harhetikri phoub, kay o djob baro vas. Le tiri bangi čouri, oun čin ko djob tele oun pande les khetne! I tsiro hi kanna kay, te čineh les tele.

O Debleskro Drom 2021 (Sinte)

¹⁵ Un i wawar bolepaskro was win dran o Debleskro baro kheer, un das ap koleste bari gole, hoi ap i wolka beshdo hi, un penas ap leste: I phub un i menshe koi pre hi har i hachetikri phub, kai o djob baro was. Le tiri bangi tchuri, un tchin ko djob tele un pande les khetne! I tsiro hi kanna kai, te tchineh les tele.

Debleskro tsiro 14:15 ပူးပေါင်းရင်းမြစ်များ

1. Mose 15:6

Oun o Abram patsas o baro Debles. Oun doleske kras o Devel les čačo glan peskre yaka.

Jesaja 62:1

Te dikau tout, Yerusalem, nay rikrau gar miro mouy, dran o kamlepen ap toute dau gar pre, bis te lell o foro peskro čačepen, oun leskri barht pre djal har o kham oun diklo vell har i yag an i rati.

Jeremia 51:33

Kava penell o baro Devel, ko ray pral o bolepen oun i phoub, kay o Israeleskro Devel hi: O foro Babilon hi har i djobeskri platsa, hoy vell i pirentsa zoreles stakedo, te denn le nay kote o djob vin. Sik vell o tsiro o foreske, kay vell lo khetne stakedo.

Mateo 13:30

Moukenn kova lauter khetne baro te vell, bis te anah mer o djob an o djobeskro kheer! Oun ap ko tsiro penau me ap kolende, kay ko djob činenna: Anenn o djoungelo zenlepen khetne, oun pandenn les khetne, te rhačrenn les! Oun palle anenn o djob khetne, oun anenn les an o djobeskro kheer!

Mateo 13:39

Oun kova, kay hi rhoyedo ap o Debleste oun vitsrell o djoungelo zenlepen ap i phoub, kova hi o beng. Oun ko tsiro, kay anenn le o djob an o djobeskro kheer, kova hi ko tsiro, kay o Devel o čačepen pral i tsele menshende vi-rakrella. Oun kol činepangre, kay činenn o djob tele, kolla hi bolepangre.

Mateo 23:32

Ava, krenn kova doureder yaake, har t'mare phoure kran!

Markus 4:29

Ap ko tsiro kay hi ko djob pesso, bičrell o harho peskre boudepangren, te činenn le o djob tele. O tsiro vas, te anenn le o djob dren.

1. Tessalonikarja 2:16

Yon moukenn men gar, te penas mer o lačo lab i vavarenge, kay kek bibolde hi, te nay venn kolla ninna ap o Debleskro drom. Yaake vas i biboldengri doosh yaake baro, bareder djal gar. Oun o Debleskri rholi vas zoreles pral lende.

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

Debleskro tsiro 13:12

Les hi i tseli zoor, hoy ninna ko firhes hi, hoy dran o baro pani vas. Oun ko douyto firho kras, te sharenn i tsele menshe ap i phoub ko firhes, hoy dran o baro pani vas, koles ko baro činepen his, oun pale sasto vas. Oun ko firho, hoy dran o baro pani vas, kova dikas lauter, hoy ko douyto firho kras,

Debleskro tsiro 14:14

Oun me dikom i parni folka. Koy pre his yek beshdo, hoy dikas vin har i mensho. Koles his ap leskro shero i shereskro sonakay, oun an leskro vast his les i bangi čouri, hoy mishto činella.

Debleskro tsiro 14:16

Oun kova, kay ap i folka beshdo his, vitsras peskri bangi čouri pral i phoub. Oun o djob vas činlo oun khetne pandlo.

Debleskro tsiro 14:17

Oun i vavar bolepaskro vas vin dran o Debleskro kheer an o bolepen. Oun les his ninna i čouri, hoy mishto činella.

Debleskro tsiro 14:18

Oun i vavar bolepaskro his pash o Debleskri rhačepaskri tardo. Oun yob his o ray pral i yag. Kova vas glan, oun das ap koleste zoreles gole, koles koy lači čouri hi, oun penas: “I phoub hi har i drakengro rouk. Le tiri čouri, oun čin i drake tele! I tsiro hi kanna kay, te čineh len tele.”

Debleskro tsiro 15:6

Oun kol efta bolepangre, kay efta kope i bari phagi pral i phoub anenna, kolla van dran o Debleskro kheer vin. Len his djoudje parne ripya ap pende, oun troul lengro beč bourhle sonakangre dorya.

Debleskro tsiro 16:17

Oun o eftato bolepaskro čoras peskro čaro vin an o dourho, hoy djal pral i phoub. Oun dran o Debleskro kheer vas i rakepen kote vin, kay o rayeskro beshepaskro hi, oun penas zoreles: “Kanna hi lauter kerdo.”

Debleskro tsiro 6:10

Oun dan zoreles gole oun penan: “Baro Devel oun čačo ray, ab sik oun rake i phagi vin pral kolende ap i phoub, kay maran men. De len ko čilačepen pale, hoy yon ap mende kran!”