Debleskro tsiro 14:1 - O Debleskro Lab 2024 (Sinte-Manouche)

¹ Oun me dikom ko terno bakres ap i berga Sion tardo. Oun leha his yek-sheel-te-star-deesh-te-star zerya (144.000) menshe. Kolen hi o Yezouseskro lab oun o lab leskro dadestar glan ap lengre shere činlo.

O Debleskro Drom 2021 (Sinte)

¹ Un me dikom ko terno bakres ap i berga Zion tardo. Un leha his jek-sheel-te-star-deesh-te-star serja (144.000) menshe. Kolen hi o Jesuseskro lab un o lab leskro dadestar glan ap lengre shere tchinlo.

Debleskro tsiro 14:1 ပူးပေါင်းရင်းမြစ်များ

Debleskri gili 2:6

“Ap i berga Sion, kay mange hi, čivom me i baro rayes, koles me vi-rodom.”

Jesaja 49:14

I menshe dran Sion penenn: O baro Devel moukas men. Maro ray bistras men.

Jeremia 1:11

Oun o baro Devel penas ap mande: “Yeremia, hoy dikeh tou?” “Dikau i kasht i mandeltikro roukestar,” penom me.

Ezekiel 1:4

Oun me dikom i baro zorelo phourdepen, hoy vas foun kotar kay norden hi, oun tradas i bari folka glan peste. Oun yag vas vin, hoy pre oun tele djas. Oun o bolepen koy trouyel his shoukar har o kham. Oun mashkral dren his čomone, hoy dikas vin har sonakay, hoy an i yag thodo vell.

Ezekiel 10:1

Oun me dikom ap ko bolepen, hoy his pral i sherya foun i bolepangre, oun dikom čomone yaake blaueto har ko kouč blaueto bar, hoy kharell Safiro. Kova dikas vin har i rayeskri beshepaskri.

Ezekiel 10:9

Oun me dikom star rade tardo pash i bolepangre, pash hako bolepaskro his yek rada. Oun kol rade dikan zenelo vin har i kouč zenelo bar.

Ezekiel 2:9

Oun me dikom i vast, hoy his vin rikedo ap mande. Oun an ko vast his i liil, hoy khetne lino his.

Ezekiel 44:4

Oun o morsh anas man pash o voudar, hoy ap i nordetikri rig hi, oun djas kote mantsa dren ap koy tikni glanstouni platsa glan o baro Debleskro kheer. Koy dikom, kava kheer his pherdo o baro Debleskro raylepen. Oun me moukom man ap i phoub te perell glan leste.

Ezekiel 8:7

Oun yob anas man an o voudar glan koy platsa, hoy glan o Debleskro kheer hi. Kote dikom i rheb an i massouri.

Ezekiel 9:4

oun penas ap leste: An o foro Yerusalem hi gomme menshe, kolengro dji rovell oun dell gole pral kava boud djoungelo koova, hoy kate kerdo vell. Dja an o tselo foro trouyel, oun kre i sikepen glan ap kolengre sherya.

Daniel 12:5

Oun me, o Daniel dikom: Douy vavar his koy tardo, ko yek ap kay rig o lengsto panyestar oun ko vavar ap koy vavar rig.

Amos 8:2

Oun yob poučas mandar: “Hoy dikeh, Amos?” Me penom: “I korba, kay roukengre dren hi, kolenge o tsiro vas, te venn le tele činlo i roukendar.” Koy penas o baro Devel: Yaake vas mire menshenge Israel o tsiro, te venn le tele činlo. Yon khaytenn man bouder gar.

Micha 4:7

Oun me krau, te venn lendar boud menshe. Ava, kolendar, kay krik tradedo his oun pale khere anlo van, vell i baro natsyona. Oun palle hom me, o baro Devel, o baro ray pral lende ap i berga Sion hako tsireske.

Zakarie 4:2

oun penas ap mande: “Hoy dikeh?” Me penom: “Me dikau i momelengri kerdi dran sonakay. Ap late hi i čaro. Koy pre hi efta momlia, hakeni i mouyeha.

Louka 12:8

Me penau t'menge: Koon glan i menshende penella: O Yezous hi miro ray! kolestar penau me glan o Debleskre bolepangre: Yob hi miro.

Remarja 9:33

An o Debleskro lab hi činlo: Dikenn, me čivau i baro bar an o foro Sion. Pral koleste perenn le, oun ap koleste rhoyrenn le pen. Oun kova, kay ap leste patsella, kova hounte ladjell pes gar glan mande.

Debleskro tsiro 14:14

Oun me dikom i parni folka. Koy pre his yek beshdo, hoy dikas vin har i mensho. Koles his ap leskro shero i shereskro sonakay, oun an leskro vast his les i bangi čouri, hoy mishto činella.

Debleskro tsiro 14:3

Oun yon givenn i nevi gili glan o rayeskro beshepaskro, oun glan kol star zorele bolepangre oun glan kol čačepangre phourende. Oun kek nay givas koy gili, har kokres kol yek-sheel-te-star-deesh-te-star zerya (144.000) menshe. O terno bakro playsras lenge peskro rateha, te lell lo len i phoubyatar vin, oun te anell lo len khetne o Debleske.

Debleskro tsiro 15:5

Oun pal kova dikom, har koy kouč isema pre kerdo vas an o Debleskro kheer an o bolepen.

Debleskro tsiro 22:4

oun dikenn les pengre yakentsa. Oun leskro lab hi glan ap lengre shere činlo.

Debleskro tsiro 3:12

Kova, kay zoreles an o patsepen ačas, oun gar pre das, dran koleste krau me yekes, kay hi har i baro bar, hoy rikrell miro Debleskro kheer. Oun kova ačell koy tardo hako tsireske. Oun me činau o lab miro Deblestar ap leste, oun o lab o Debleskro forestar. Kova hi o nevo Yerusalem, hoy dran o bolepen tele vella. Oun miro nevo lab činau ninna ap leste.

Debleskro tsiro 4:1

Pal kova dikom i voudar an o bolepen, hoy pre hi. Oun kova, kay ap mande rakras, oun leskri gole zorelo har i phourdepaskri his, kova penas ap mande: “Ab kate pre! Me sikrau tout, hoy pal kava vella.”

Debleskro tsiro 6:8

Oun me dikom i grayes. Kova his parno har i moulo. Oun kova, kay pre beshdo his, koleskro lab his “Moulo.” Oun o merepen vas pal leste. Oun les vas i zoor dino, te marell lo i menshen ap o starto kotar i phoubyatar. O rharo, i divye firhe, i bok oun o nasslepen marenn len.