Debleskro tsiro 13:5 - O Debleskro Lab 2024 (Sinte-Manouche)

⁵ Oun o firho rakras oun phourdas pes pre oun praasas o Debles. Star-deesh-te-douy (42) čonna nay kras o firho kova.

O Debleskro Drom 2021 (Sinte)

⁵ Un o viecho rakras un phurdas pes pre un praassas o Debles. Star-deesh-te-dui (42) tchonna nai kras o viecho kowa.

Debleskro tsiro 13:5 ပူးပေါင်းရင်းမြစ်များ

Debleskri gili 12:3

Hakeno rhorhell o vavares. Yon rakrenn douy čipyentsa oun dran douy djia.

Ezekiel 35:13

Yaake phourdan t'men pre, oun t'maro baro mouyeha hadan t'men pral mande. Me shounom halauter.

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

Daniel 12:12

Barhtelo hi kova, kay vin rikrell bis te 1.335 (yek-sero-triin-sheel-te-triyanda-te-panč) divessa trouyel hi.

Daniel 7:11

Oun me dom yak ap ko tikno shing, hoy save bare laba kras. Oun dikom, kay ko firho moulo dino vas, oun leskro mass an i yag vitsedo vas.

Daniel 7:20

Oun ninna kamom te djinell, hoy kol deesh shinga ap leskro shero kamenn te penell, oun ko vavar shing, hoy vin vas, oun glan koleste kol triin vavar shinga vin peran. Oun kava shing his bareder har kol vavar. Oun les his yaka oun i mouy, hoy baro koova rakras.

Daniel 7:25

Oun yob praasell o pralstouno Debles oun čivell pharo koova ap o Debleskre menshende. Oun krell lauter, te venn o Debleskre divessa oun laba vavarčandes rikedo. Oun o Debleskre menshe venn an leskro vast dino yek tsireske oun douy tsirenge oun i paash tsireske.

Daniel 7:8

Oun har me yaake ap kol deesh shinga yak dom, vas i tikno vavar shing pre mashkral kol vavar shinga. Oun triin lendar van glan leste vin tserdedo. Ap ko shing his yaka har menshengre yaka, oun i mouy, hoy baro koova rakras.

Daniel 8:14

Oun yob penas mange: “Yaake rah har 2.300 (douy-zerya-triin-sheel) kope rati oun pale dives vas. Palle vell lauter an o Debleskro kheer nevo kerdo.”

2. Tessalonikarja 2:3

Kova lauter hi rhorhepen. Ma patsenn kekeske, kay kova penella! Ko dives vella gar yaake rah, har peran gar boud menshe o čačo dromestar tele. Ap ko tsiro vell ko čilačo mensho diklo, kay rikrell pes ap kek čačepen. Leske hi glan-diklo, te djal lo nashedo.

2. Tessalonikarja 2:4

Yob hadell pes pral o Debleste oun pral halauter, hoy i menshe an-mangenna, oun beshell pes an o Debleskro baro kheer, oun krell, har te vals yob o Devel.

2. Tessalonikarja 2:8

palle sikrell pes ko čilačo mensho, har yob čačepah hi. Koles marell maro ray Yezous ap ko dives, kay vell lo pale. Yob phourdell ap leste, oun kova merella.

Debleskro tsiro 11:7

Oun te rakran yon i tsele laba, hoy o Devel lenge penas, palle vell o firho dran o telstunepen pre. Oun ko firho hi zorleder har yon, oun marell len.

Debleskro tsiro 12:14

Oun koy djouvyake van čirklengre moussya dino, har i baro čirkles hi, te nay djal li an o moulo them ap ko kotar phoub, kay yoy nay djivella dour krik ko sapestar. Kote ačell li triin-te-paash bersha. Oun kote lell li halauter te rhal oun te piyell.

Debleskro tsiro 12:6

Oun koy djouvel nashas an o moulo them, kay kek menshe djivenna. Kote hi o Debles lake i kotar phoub, kay ačell li deesh-te-douy-sheel-te-shob-desha (1.260) divessa, oun lell halauter, hoy lat hounte vella djipaske.

Debleskro tsiro 13:7

Oun o Devel moukas o firhes te kourell lo pes o Debleskre menshentsa, oun moukas, te vell lo zorleder har yon. Oun kol firhes vas i zoor pral i menshende dran hake themma, haki natsyona, haki harmenatsyona oun hako rakepen.