Debleskro tsiro 13:4 - O Debleskro Lab 2024 (Sinte-Manouche)

⁴ I menshe djinan, kova his o baro lolo sap, hoy das o firheste peskri zoor. Doleske sharan le o lolo sapes. Oun yon sharan ninna o firhes, oun penan: “Kek hi zorleder har o firho! Kek nay kourell pes leha oun vell zorleder!”

O Debleskro Drom 2021 (Sinte)

⁴ I menshe djinan, kowa his o baro lolo sap, hoi das o viecheste peskri soor. Doleske sharan le o lolo sapes. Un jon sharan ninna o vieches, un penan: “Kek hi sorleder har o viecho! Kek nai kurell pes leha un well sorleder!”

Debleskro tsiro 13:4 ပူးပေါင်းရင်းမြစ်များ

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

Jesaja 46:5

Konestar nay penenn t'mer: “Kova hi yaake har o Devel?” Kek hi yaake har me! Ap koneste nay penenn: “Tou oun o baro Devel, t'mer han yek har o vavar?” Kekestar nay penenn kova.

2. Korintarja 4:4

Yon patsenn gar ap leste. O beng, kay o ray hi pral kay phoub, kras len korelo, te dikenn le gar, havo lačepen vell dran o lačo lab o Yezous Kristestar. Ko lab sikrell men o Yezouseskro raylepen. Oun yob hi yaake har o Devel.

5. Mose 9:2

I menshe kote hi baro oun venn kharedo rise. T'mer shounan, har lendar penlo vas: Kek nay vell zorleder har yon.

2. Tessalonikarja 2:4

Yob hadell pes pral o Debleste oun pral halauter, hoy i menshe an-mangenna, oun beshell pes an o Debleskro baro kheer, oun krell, har te vals yob o Devel.

Debleskro tsiro 12:3

Oun i vavar baro koova sikras pes ap o bolepen: I baro lolo sap vas. Oun les hi efta shere oun deesh shinga. Oun ap hako shero hi shereskro sonakay.

Debleskro tsiro 12:4

Oun leskri pori tserdell o triinto kotar kol bolepangre momelendar krik, oun vitsras len tele ap i phoub. Oun ko baro lolo sap hi glan koy djouvyate tardo, kay an o tsiro vas, te vell o ternepen. Oun yaake sik, har ko ternepen vals, kamas les lo pre te rhal.

Debleskro tsiro 13:11

Oun me dikom i vavar firhes dran i phoub pre te vell. Oun les his douy shinga har i terno bakro. Oun yob rakras har o baro lolo sap.

Debleskro tsiro 13:15

Oun ko douyto firho las i zoor, te krell lo ko firhes djido, hoy i menshe penge kran, yaake te nay rakrell kova ninna, oun te nay krell yob, te venn lauter maredo, kay les gar an-mangenna.

Debleskro tsiro 13:2

Oun ko firho, hoy me dikom, his har i bari divyi margodja. Leskre herya his baro oun zorelo. Oun an leskro mouy his bare danda. Oun ko baro lolo sap das les peskri zoor oun peskro beshepaskro, te vas ko firho i baro ray, koles boud penepaske hi.

Debleskro tsiro 17:14

Oun yon kourenn pen ko terno bakreha. Oun o terno bakro hi zorleder har yon. Yob hi o ray pral i tsele rayende, oun o pralstouno pral i tsele pralstunende. Oun pash leste hi kolla, kolen yob gole das oun vin rodas, kolla, kay ap leste patsenna.”

Debleskro tsiro 18:18

Kolla lauter dikan koy yag, hoy ko fores pre rhačras, oun dan gole, oun penan: “Kek foro his yaake shoukar har kava!”

Debleskro tsiro 9:20

Oun kol vavar menshe, kay gar maredo van, kolla moukan gar pengro čilačo drom, oun moukan gar tele, te mangenn le kova an, hoy yon pen pengre vastentsa kran. Yon moukan gar tele, te mangenn le i bengen an, vitar gar kol figuren dran sonakay, roup, saster, barra oun kasht, hoy gar nay dikenna, oun gar nay shounenna, oun gar nay nashenna.

1. Samuel 17:24

Har i morsha dran Israel ko morshes dikan, djan le i bari daryatar pale.