Debleskro tsiro 12:9 - O Debleskro Lab 2024 (Sinte-Manouche)

⁹ Oun o baro lolo sap vas vin vitsedo. Yob hi ko phouro sap, hoy kharella ninna Beng oun Satan, ko rhorheno, kay tserdell i menshen ap i tseli phoub ap peskro drom. Yob vas tele vitsedo ap i phoub, oun leskre kourepangre leha.

O Debleskro Drom 2021 (Sinte)

⁹ Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.

Debleskro tsiro 12:9 ပူးပေါင်းရင်းမြစ်များ

1. Mose 3:1

O sap his gosveder har i tsele vavar firhe, hoy kras o baro Devel, maro ray. Oun o sap penas ap i romyate: “Penas o Devel čačepah, te hounte rhan gar i roukendar an i baar?”

1. Mose 3:13

Oun o baro Devel, maro ray, penas ap i romyate: “Hoske kral tou kova?” “O sap rhorhras man”, penas i romni, “yaake kay rhom.”

1. Familjakro liil 21:1

Oun o beng kamas čilačepen te krell ap i menshende Israel. Yaake das lo o Davideske an o dji, te hatsell lo vin, har boud morsha an Israel hi, kay nay djan an o kourepen.

2. Familjakro liil 18:21

Oun yob penas: Me kamau i rhorheno dourho te vell, hoy rakrell dran i mouya leskre tsele dikepangren! Koy penas o baro Devel: Tou hounte kress kova. Touke djal kova mishto. Dja vin, oun kre les yaake!”

Debleskri gili 109:6

Čip i čilačes pral leste, kay dell les gar o čačepen. Čip yekes ap leskri čači rig, kay anell doosh ap leste pre!

Jesaja 14:12

Tou shoukar bolepaskri momeli, har nay vas, kay peral tou tele? Tou, kay stakral i tsele themma tel toute, har djas, kay val ap i phoub tele dino?

Jesaja 27:1

Ap ko dives lell o baro Devel peskro baro zorelo rharo, hoy yaake mishto činell, oun dell o sapes moulo, hoy kharell Leviatan, ava, ko baro panyeskro sap, hoy ap o naashepen hi oun moukell pes gar te taprell.

Jesaja 65:25

O divyo djouklo oun o terno bakro rhan khetne yek pash o vavar. Oun o levo rhal phouss har i groumni, oun o sap hounte rhal čik. Kek krell čomone, hoy douka anell, vitar či, hoy čilačo hi ap miri tseli berga, kay djivau, penell o baro Devel.

Ezekiel 28:16

Har tiro parepah bravelo val, rikral vavaren zoryah tele. Oun yaake lal doosh ap toute. Koy krom me tout pale-čiddo, oun tradom tout tele miri bergatar. Tou bolepaskro, kay yak dal, tout tradom vin dran koy platsa, kay i kouč barra hi, hoy dikenn vin har yag.

Mateo 13:39

Oun kova, kay hi rhoyedo ap o Debleste oun vitsrell o djoungelo zenlepen ap i phoub, kova hi o beng. Oun ko tsiro, kay anenn le o djob an o djobeskro kheer, kova hi ko tsiro, kay o Devel o čačepen pral i tsele menshende vi-rakrella. Oun kol činepangre, kay činenn o djob tele, kolla hi bolepangre.

Mateo 24:24

Boud rhorhene morsha penenn ap t'mende: Me hom ko baro ray, kolestar o Devel penas, te vell yob. Oun rhorhene rakepangre penenna: Me hom o Debleskro bičedo. Oun yon krenna baro oun zorelo koova, hoy i mensho nashte krell gar dran peskri zoor. Kova krenn le, te anenn le i menshen o čačo dromestar tele. Te djals kova, anans le ninna kolen o Debleskro dromestar tele, kolen o Devel peske vin rodas.

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

Mateo 4:1

Pal kova anas o Debleskro Dourho o Yezouses an o moulo them, kay kamas les o beng o Debleskro dromestar tele te anell.

Mateo 4:10

Koy penas o Yezous ap leste: “Dja touke mandar, tou beng! An o Debleskro lab hi činlo: Tou mangess o Debles an, – yob hi tiro ray, – oun vess leske kokres koy!”

Mateo 4:5

Pal kova anas les o beng an o Debleskro foro. Kova hi o foro Yerusalem. Oun o beng čivas les ap o Debleskro baro kheer pral pre,

Mateo 4:8

Pal kova anas les o beng ap i bari berga pre, oun sikras les i tsele themma ap i phoub oun lengro bravlepen,

Louka 10:18

Koy penas o Yezous ap peskre malende: “Me dikom o benges, har peras lo dran o bolepen har i yag.

Louka 13:16

Kate hi kay djouvel, kay patsell ap o Debleste yaake, har o Abraham kova kras: Oun yoy his deesh-te-orhta bersha o bengestar pandlo. Hoske te vell li gar ap o Debleskro dives sasto kerdo?”

Louka 22:3

Koy djas o beng an o Youdas Iskariot dren. Kova his yek kol deesh-te-douyendar.

Louka 22:31

“Simon, Simon, shoun, hoy me touke penau: O beng las t'men an o yak oun kamas te dikell, har zorelo t'maro patsepen hi.

Louka 8:12

Ko drom hi har o dji kol menshendar, kay shounenn o Debleskro lab. Oun o beng vella, oun lell kova lenge pale dran o dji vin, te patsenn le gar ap o Debleste oun venn gar ap leskro drom.

Johanni 12:31

Kanna vell i phagi pral i tseli phoub vi-rakedo. Kanna vitsrell o Devel koles vin, kay hi o ray pral kay phoub.

Johanni 14:30

Man hi bouder gar boud tsiro, te rakrap t'mentsa. O beng, kay hi o ray pral kay phoub, vella. Les hi kek zoor pral mande.

Johanni 16:11

Kay o Debleskri rholi pral kay phoub vella, dikenn le ap kova, kay i phagi pral o rayeste pral kay phoub vi-rakedo hi.

Johanni 8:44

T'maro dad hi o beng. Oun t'mer krenna, hoy t'maro dad ninna kamella. Yob hi yek, kay marell i menshen hako tsiro. Oun yob hi gar an o čačepen tardo. O čačepen hi gar an leste. Te rakrell yob o rhorhepen, vell kova dran leste. Yob hi i rhorheno, oun anas o rhorhepen ap kay phoub.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Bičepangre 5:3

O Petro penas ap o Ananias: “Hoske kral tou o bengeske tiro dji pre? Hoske rhorhral tou o Debleskro Dourhes, oun rikral love touke?

Remarja 16:18

Save menshe boudrenn gar maro rayeske, o Yezous Kristeske. Na-a, yon krenn, hoy lenge kokres mishto hi. Shoukar labentsa oun baro rakepen anenn le kolen o Debleskro dromestar tele, kay denn gar yak.

Remarja 16:20

O Devel, kay dell t'men peskri barht an o dji, krell o bengeskri zoor paash. Oun ko tsiro vell sik. O lačepen maro rayestar, o Yezous Kristestar, djal t'mentsa!

2. Korintarja 11:14

Pral kolende hounte krenn t'mer kek bare yaka. Ninna o beng krell yaake, har te vals lo o Debleskro bolepaskro.

2. Korintarja 11:3

Me darau, te vas vavar koova an t'maro shero, oun t'mer djivenn bouder gar djoudjes oun kokres o Yezous Kristeske. Me darau, te djas t'menge har i Evake, har o gosevo sap rhorhras lat, oun yoy moukas o čačo drom.

2. Korintarja 12:7

O Devel kamella, te vap gar pre-phourdo pral ko baro bolepaskro koova, hoy moukas lo man te dikell. Doleske moukas o Devel čomone ap mande te vell, hoy doukrell man har i soubyengro kasht an miro mass. Kova hi har te dals man i bengeskro kourepaskro dava, te vap gar pre-phourdo.

2. Korintarja 2:11

Me kamau gar te taprell men o beng. Mer djinah mishto, hoy koles hi an leskro shero.

2. Korintarja 4:4

Yon patsenn gar ap leste. O beng, kay o ray hi pral kay phoub, kras len korelo, te dikenn le gar, havo lačepen vell dran o lačo lab o Yezous Kristestar. Ko lab sikrell men o Yezouseskro raylepen. Oun yob hi yaake har o Devel.

Efesarja 4:14

Palle ham bouder gar har tikne čave, kay lauter patsenna, kava dives yaake oun ko vavar dives vavarčandes. Oun mer shounah bouder gar ap kolende, kay rhorhenna, oun kamenn men o čačo dromestar tele te anell.

2. Tessalonikarja 2:3

Kova lauter hi rhorhepen. Ma patsenn kekeske, kay kova penella! Ko dives vella gar yaake rah, har peran gar boud menshe o čačo dromestar tele. Ap ko tsiro vell ko čilačo mensho diklo, kay rikrell pes ap kek čačepen. Leske hi glan-diklo, te djal lo nashedo.

1. Timoteo 2:14

O sap rhorhras gar o Adames. O sap rhorhras i Evat. Oun i Eva shounas gar ap kova, hoy o Devel penas.

2. Timoteo 3:13

Kol čilače menshe oun kol rhorhene, kay krenn yaake, har te vans le patslo, kolentsa vell djoungleder oun djoungleder. Yon peran o Debleskro dromestar tele, oun tserdenn ninna vavaren o Debleskro dromestar tele.

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.

1. Johanni 5:19

Mer djinah, kay ham o Deblestar. I tsele vavar menshe ap i phoub hi an o bengeskro vast.

Judas 1:9

O Debleskro baro bolepaskro, leskro lab hi Mikael, las peske gar vin, te praasell lo o benges, har yob čingras pes o bengeha, koon lendar lals o moulo Moses. Yob penas leske kokres: “O Devel, maro ray, dell tout i phagi!”

Debleskro tsiro 12:12

Lauter kolla, kay djivenna an o bolepen, lengro dji dell gole i barhtyatar. Kol vavar, kay djivenn ap i phoub oun ap o baro pani, i bibarht vell ap lende. Pash lende vas o beng. Leske ačell gar boud tsiro. Kova djinell lo. Doleske hi les i bari rholi.

Debleskro tsiro 12:3

Oun i vavar baro koova sikras pes ap o bolepen: I baro lolo sap vas. Oun les hi efta shere oun deesh shinga. Oun ap hako shero hi shereskro sonakay.

Debleskro tsiro 12:7

Oun an o bolepen vas i baro kourepen: O Mikael oun leskre bolepangre kouran pen o baro lolo sapeha oun leskre kourepangre.

Debleskro tsiro 12:8

Oun o Mikael oun leskre bolepangre his zorleder. Oun o baro lolo sap oun leskre kourepangre nashte ačenn bouder gar an o bolepen.

Debleskro tsiro 16:14

Kolla triin benga krenn baro oun zorelo koova, oun djan pash i rayende pral i tsele themma, te anenn yon pengre lourden khetne, te djan le an o kourepen ap o Debleskro baro dives.

Debleskro tsiro 18:2

Oun yob das zoreles oun bares gole: “O foro peras khetne! O baro foro Babilon peras khetne! Kanna djivenn kote i benga. Kote khatrenn pen kol čirkle oun vavar firhe, kay pale-čiddo hi, oun i menshe darenn lendar.

Debleskro tsiro 18:23

I tsele momlia djan vin. Oun kek krella pale i momeli an. Tou shouneh bouder kek pirno peskri pirnyah khelell oun givell. I bikepangren oun i parepangren an ko foro his boud penepaske ap kay phoub. Oun ko bengeskro koova, hoy kran le an o foro, anas i menshen an i tsele themma ap o bengeskro drom.

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.

Debleskro tsiro 2:13

Me djinau, t'mer djivenn kote, kay o beng o ray pral i menshende hi. T'mer rikrenn zoreles ap mande, oun moukan o patsepen gar, ninna an kol divessa, har vas o Antipas maredo, har yob i menshenge mandar penas an t'maro foro, kay o beng djivella.

Debleskro tsiro 2:24

T'mer vavar patsle an o foro Tiatira, kay gar pal kol rhorhene laba djivan, oun ko bengeskro drom gar prindjrenna, ap t'mende penau me: Me penau t'menge či vavar koova, hoy t'mer hounte krenna,

Debleskro tsiro 2:9

Me djinau, te lenn le t'men palla. Ninna djinau, har čorvelo han. Čačepah han t'mer bravelo! Me djinau ninna, te rakrenn kolla djoungeles pral t'mende, kay penenn pendar, te hi le Debleskre menshe. Yon hi kek Debleskre menshe. Na-a, yon hi bengeskre menshe.

Debleskro tsiro 20:10

Oun o beng, kay anas len ap peskro drom, vell an i bari yag vitsedo, hoy zoreles rhačella oun khandella. Kote hi ninna o firho, oun ko rhorheno rakepaskro. Kote vell len hako tsiro bare douka.

Debleskro tsiro 20:8

Oun yob djal vin, te tserdell lo i menshen ap i tseli phoub ap peskro drom. Kolla menshe kharenna Gog oun Magog. Oun yon hi yaake boud, te penell nay kek, kitse yon hi. O beng anell len khetne, te djan le an o kourepen o Debleskre menshentsa.

Debleskro tsiro 3:9

Shounenn, hoy me kol bengeskre menshentsa krau, kay rhorhenn oun penenn pendar, te hi le o Debleskre menshe, oun yon hi kek Debleskre menshe. Me krau, te venn le pash t'mende, te vitsrenn le pen glan t'mende ap i phoub, oun te hayvenn le, te kamau t'men o tselo djiyestar.

Debleskro tsiro 9:1

Oun o pančto bolepaskro phourdas an peskri phourdepaskri. Oun me dikom i bolepaskri momeli, hoy tele ap i phoub peras. Oun koya kras o telstunepen pre.

Debleskro tsiro 9:20

Oun kol vavar menshe, kay gar maredo van, kolla moukan gar pengro čilačo drom, oun moukan gar tele, te mangenn le kova an, hoy yon pen pengre vastentsa kran. Yon moukan gar tele, te mangenn le i bengen an, vitar gar kol figuren dran sonakay, roup, saster, barra oun kasht, hoy gar nay dikenna, oun gar nay shounenna, oun gar nay nashenna.