Debleskro tsiro 12:7 - O Debleskro Lab 2024 (Sinte-Manouche)

⁷ Oun an o bolepen vas i baro kourepen: O Mikael oun leskre bolepangre kouran pen o baro lolo sapeha oun leskre kourepangre.

O Debleskro Drom 2021 (Sinte)

⁷ Un an o bolepen was i baro kurepen: O Michael un leskre bolepangre kuran pen o baro lolo sapeha un leskre kurepangre.

Debleskro tsiro 12:7 ပူးပေါင်းရင်းမြစ်များ

Debleskri gili 78:49

Yaake bičras o Devel peskri bari rholi ap i Egiptarya. Leskri rholi his har i yag, hoy rhačras, oun i bari phagi pral lende anas. I bibarht tapras len har te vals lat bičedo i bolepangrendar, kay anenn o merepen.

Jesaja 34:5

Miro rharo kras peskri boudi ap o bolepen. Kanna moukau les tele te perell ap o them Edom, oun ap leskre menshende, kolen pengri phagi dau oun len marau.

Jesaja 55:4

Dikenn, me krom les, te vell lo ray oun pralstouno pral vavar themma, te sikrell yob lende, koon me hom.

Daniel 10:13

Oun o bolepaskro, kay ray hi pral o them Persia čivas pes mange an o drom 21 (biish-te-yek) divessa. Oun yek kol glanstunendar mank i bolepangre, o Mikael, vas ap miri rig, har homs kote pash i rayende pral o them Persia.

Daniel 12:1

Oun an ko tsiro stell o bolepaskro Mikael pre, kova, kay ap i rig tire menshendar hi. Ko tsiro hi yaake pharo, har das kek vavar glan kova, yaake rah har menshe koy hi. Oun an ko tsiro venn tire menshe vi-lino dran i bari bibarht, lauter kolla, kay an o Debleskro liil dren činlo hi.

Mateo 13:41

O Mensheskro Čavo bičrell peskre bolepangren ap i phoub. Oun yon lenn kolen glan leskre yaka krik, kay kran, hoy o Devel gar kamella, ninna kolen, kay anan i vavaren ap o čilačo drom.

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Mateo 24:31

Oun yob bičrell peskre bolepangren pral i tseli phoub. Oun kolla phourdenn an i bashepangre, te anenn le dran hako them kolen khetne, kay o Devel peske vin rodas.

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

Mateo 26:53

Me nay mangoms miro dadestar an o bolepen, te bičrell lo mange boudeder har efta-deesh-te-douy zerya (72.000) bolepangren, te venn le ap miri rig.

2. Korintarja 12:7

O Devel kamella, te vap gar pre-phourdo pral ko baro bolepaskro koova, hoy moukas lo man te dikell. Doleske moukas o Devel čomone ap mande te vell, hoy doukrell man har i soubyengro kasht an miro mass. Kova hi har te dals man i bengeskro kourepaskro dava, te vap gar pre-phourdo.

Efesarja 6:12

Mer kourah men gar i menshentsa. Na-a, čilače zorya hi mashkral o bolepen oun i phoub, kay venna o bengestar. Kolen hi penepaske an kava čilačo tsiro. Kolentsa kourah men.

2. Tessalonikarja 1:7

T'mer, kay venn kanna palla lino, t'men dell lo i bari barht. Kova dell lo t'men mentsa khetne ap ko dives, kay vell maro ray Yezous pale dran o bolepen, oun lauter dikenn les. Leskre zorele bolepangre venn leha,

Hebrearja 2:10

O Devel kamas, te venn boud menshe peskre čave, oun lenn leskro raylepen. Doleske hounte las peskro čavo douka oun merepen ap peste, te nay anell lo len ap ko drom, kay lenn le o Debleskro djipen. Yaake his kova mishto glan o Debleskre yaka, kay lauter kras, oun koleske lauter kerdo vas.

2. Petro 2:4

O Debleskri rholi vas ninna pral kol bolepangre, kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.

Judas 1:9

O Debleskro baro bolepaskro, leskro lab hi Mikael, las peske gar vin, te praasell lo o benges, har yob čingras pes o bengeha, koon lendar lals o moulo Moses. Yob penas leske kokres: “O Devel, maro ray, dell tout i phagi!”

Debleskro tsiro 12:8

Oun o Mikael oun leskre bolepangre his zorleder. Oun o baro lolo sap oun leskre kourepangre nashte ačenn bouder gar an o bolepen.

Debleskro tsiro 12:9

Oun o baro lolo sap vas vin vitsedo. Yob hi ko phouro sap, hoy kharella ninna Beng oun Satan, ko rhorheno, kay tserdell i menshen ap i tseli phoub ap peskro drom. Yob vas tele vitsedo ap i phoub, oun leskre kourepangre leha.

Debleskro tsiro 13:7

Oun o Devel moukas o firhes te kourell lo pes o Debleskre menshentsa, oun moukas, te vell lo zorleder har yon. Oun kol firhes vas i zoor pral i menshende dran hake themma, haki natsyona, haki harmenatsyona oun hako rakepen.

Debleskro tsiro 20:2

Oun yob tapras ko baro lolo sap, kova hi ko phouro sap, hoy kharella ninna Beng oun Satan, oun pandas les, oun vitsras les an o telstunepen, te ačell lo kote yek zero (1.000) bersh pandlo. Oun o bolepaskro pandas i voudar tele, hoy anell an o telstunepen, yaake te krell kek o telstunepen pale pre. Oun an ko zero bersh nay anell o beng i menshen bouder gar o Debleskro dromestar tele. Pal ko tsiro hounte vell lo i tikno tsiro vin mouklo.