Debleskro tsiro 11:7 - O Debleskro Lab 2024 (Sinte-Manouche)

⁷ Oun te rakran yon i tsele laba, hoy o Devel lenge penas, palle vell o firho dran o telstunepen pre. Oun ko firho hi zorleder har yon, oun marell len.

O Debleskro Drom 2021 (Sinte)

⁷ Un te rakran jon i tsele laba, hoi o Dewel lenge penas, palle well o viecho dran o telstunepen pre. Un ko viecho hi sorleder har jon, un marell len.

Debleskro tsiro 11:7 ပူးပေါင်းရင်းမြစ်များ

Daniel 7:25

Oun yob praasell o pralstouno Debles oun čivell pharo koova ap o Debleskre menshende. Oun krell lauter, te venn o Debleskre divessa oun laba vavarčandes rikedo. Oun o Debleskre menshe venn an leskro vast dino yek tsireske oun douy tsirenge oun i paash tsireske.

Louka 13:32

Koy penas o Yezous ap lende: “Djan oun penenn ko čilačo morsheske: Kava dives oun taysar tradau i bengen vin, oun krau i menshen sasto. Oun pal triin divessa hi miro tselo koova kerdo.

Louka 8:31

Oun yon mangan les, te bičrell lo len gar an i telstouni phoub.

Johanni 17:4

Me sikrom kol menshen tiro raylepen oun tiri zoor ap i phoub. Oun me krom halauter, hoy tou mange penal.

Johanni 19:30

Har piyas o Yezous koy shoutli mool, penas lo: “Me krom lauter, hoy hounte krom.” Oun yob čivas peskro shero glan tele, oun meras.

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

2. Timoteo 4:7

Me boudrom phares o Yezouseske oun dom miro patsepen gar pre. Me nashom yaake ap o Yezouseskro drom, har te voms i naashepaskro, kay nashell i rah drom. Kanna nashom o tselo drom.

Debleskro tsiro 11:3

Oun me bičrau douy rakepangren an ko foro. Kolla penenn i menshenge o čačepen pral mande. Lengre ripya hi kerdo dran gone. Deesh-te-douy-sheel-te-shob-desha (1.260) divessa penenn yon lenge mire laba.”

Debleskro tsiro 12:17

Oun ko baro lolo sap vas rhoyedo ap koy djouvyate, oun djas koy, te marell lo lakre čaven. Kolla hi kol menshe, kay shounenn ap o Debleskro lab, oun djan ap o Yezouseskro drom.

Debleskro tsiro 13:11

Oun me dikom i vavar firhes dran i phoub pre te vell. Oun les his douy shinga har i terno bakro. Oun yob rakras har o baro lolo sap.

Debleskro tsiro 13:7

Oun o Devel moukas o firhes te kourell lo pes o Debleskre menshentsa, oun moukas, te vell lo zorleder har yon. Oun kol firhes vas i zoor pral i menshende dran hake themma, haki natsyona, haki harmenatsyona oun hako rakepen.