Debleskro tsiro 11:19 - O Debleskro Lab 2024 (Sinte-Manouche)

¹⁹ Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

O Debleskro Drom 2021 (Sinte)

¹⁹ Un o Debleskro kheer an o bolepen was pre kerdo. Un an o Debleskro kheer dikom me ko sonakaskro mochton, hoi sikrella, kai o Dewel o maal peskre menshendar hi. Un i jag das karje dran o bolepen pre te tele. Un o bolepen das bari gole, har koi gole, hoi o bolepen della, te dell baro brishin un te djal jag tele dran o bolepen. Un i phub trissas, un das brishin har bare barra.

Debleskro tsiro 11:19 ပူးပေါင်းရင်းမြစ်များ

Debleskri gili 105:32

Har dikan i Egiptarya ap brishin, bičras lo lenge barrengro brishin an lengro them, ninna yag, hoy pral oun tele djas ap o bolepen.

Debleskri gili 18:12

Kali rat his leskro ripen, An kalo pani oun pesse volke his lo khatedo.

Jesaja 28:2

O baro Devel bičrell yekes, koles boud zoor oun penepaske hi. Oun kova vell har i baro divyo phourdepen, kay brishineskre barra dren hi, oun hoy lauter paash dell. Yob vitsrell halauter tel peste an i čik, yaake har i baro brishin, hoy lauter tel pani tassell.

Jesaja 29:6

vell o baro Devel, o ray pral o bolepen oun i phoub, oun lell t'men vin dran lengre vasta. Yob vella bari golyah oun moukell i phoub trissell. Oun o bolepen dell gole, oun i zorelo dourho phourdell pral i phoub, oun bari yag rhal troul peste.

Jesaja 30:30

Palle moukell o baro Devel peskri bari zoreli gole te shounell, oun i menshe dikenna, har leskri moussi tele dell an i rholi. Kote hi yag, hoy troul peste rhal, oun baro zorelo brishin, oun i zorelo phourdepen oun brishineskre barra.

Jesaja 32:19

Ninna te denn brishineskre barra o veesh paash, oun o foro djal tele,

Ezekiel 13:11

Pen kolenge, kay makenn parnepen koy pral: “Kay massouri perell khetne!” I zorelo brishin vell, oun brishineskre barra perenn, oun i zorelo dourho phourdell.

Ezekiel 13:13

Kava penell o baro Devel, maro ray: An miri tati rholi moukau me i zorelo dourho vin te phagell, oun i zorelo brishin te vell, oun brishineskre barra te perell, te vell i massouri paash dino.

Ezekiel 38:22

Oun me dau les peskri phagi: I pharo nasslepen oun marepen vell ap leste. Oun zorelo brishin, brishineskre barra, oun yag oun shvefla moukau ap lende tele te vell, ap leste oun ap leskre lourdende, oun ap kol boud lourdende dran vavar themma, kay leha djan.

4. Mose 10:33

Yaake moukan le o baro Debleskri berga pal pende oun djan triin divessa dour. Oun kolla, kay hidjran o sonakaskro morhton, kay o baro Debleskre deesh laba dren hi, djan glan lende oun sikran lende, kay ačenn le tardo.

4. Mose 4:15

Ap ko tsiro, kay djan i Israelitarya doureder, hounte krenn o Aron oun leskre čave kava halauter oun hounte čakrenn kol tsele kotya o Debleskro plarhteno khereske oun halauter, hoy koy pashel hi. Pal kova venn kol Kohatarya oun hidjrenn kova. Kaya hi lengre boudi. Yon taprenn kokres kol plarhte an, hoy troul ko tselo koova čiddo hi, oun gar ko Debleskro koova, te merenn yon gar.

4. Mose 4:5

Ap ko tsiro, kay stenn i Israelitarya pre, te djan le doureder, djal o Aron peskre čaventsa an o Debleskro kheer, oun yon lenn ko kouč kotar than tele, hoy an o voudar glan o kouč isema hi. Ko kotar than čivenn le troul o sonakaskro morhton, kay o Debleskre deesh laba dren hi.

Josua 10:11

Oun har i Amorarya glan i Israelitarya nashan ap o drom, hoy djal tele pash Bet-Horon, kote moukas o baro Devel brishineskre barra dran o bolepen ap lende te perell ap o tselo drom bis pash Aseka, yaake te van le i barrendar moulo dino. Oun kol brishineskre barra maran boudeder lendar har i Israelitarya o rhareha moulo dan.

Debleskro tsiro 11:13

Oun ap yek kopo trissas i phoub zoreles. Oun o deshto kotar ko forestar peras khetne. Oun efta zerya (7.000) menshe van maredo. Oun kol vavaren tapras i bari daar, oun yon sharan o Debles, kay an o bolepen hi.

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”

Debleskro tsiro 12:1

Oun i baro koova sikras pes ap o bolepen: I djouvel hi koy. Kolakro ripen hi o kham. Oun tel lakre pire hi o čon. Oun ap lakro shero hi deesh-te-douy bolepangre momlia.

Debleskro tsiro 16:1

Oun me shounom, har yek dran o Debleskro kheer bari gole das oun ap kol efta bolepangre penas: “Djan vin oun čorenn kol efta čare, kay pherdo Debleskri rholi hi, pral i phoub vin!”

Debleskro tsiro 16:18

Koy das i yag dran o bolepen karye pre te tele, oun vas i bari gole vin, har koy gole, hoy o bolepen krella, te dell baro brishin oun te djal yag tele ap i phoub. Oun i phoub trissas yaake zoreles, har dikan le kova gar yaake rah, har menshe ap i phoub hi.

Debleskro tsiro 16:21

Oun das brishin har bare barra. Kolla his yaake pharo har i mensho, oun peran tele dran o bolepen ap i menshende. Har i menshe savi bari phagi lan, praasan le o Debles.

Debleskro tsiro 19:11

Oun me dikom, har o bolepen pre hi. Oun kote his i parno gray. Oun kova, kay pre beshdo hi, kharella: Morsh labestar, kay rakrell o čačepen. Yob te dell i menshen i phagi oun kourell pes kolentsa, kay čilače hi, djal yob pal o čačepen.

Debleskro tsiro 4:1

Pal kova dikom i voudar an o bolepen, hoy pre hi. Oun kova, kay ap mande rakras, oun leskri gole zorelo har i phourdepaskri his, kova penas ap mande: “Ab kate pre! Me sikrau tout, hoy pal kava vella.”

Debleskro tsiro 4:5

Oun kotar, kay ko rayeskro beshepaskro hi, das yag karye pral oun tele, oun vas i bari gole vin, har koy gole, hoy o bolepen krella, te dell baro brishin oun te djal yag tele ap i phoub. Oun glan o rayeskro beshepaskro rhačan efta yaga. Kol efta yaga hi o Debleskro Dourho.

Debleskro tsiro 7:15

Doleske hi le tardo glan o Debleskro beshepaskro oun hi leskre rashaya an leskro kheer, oun hi leske koy o tselo dives oun i tseli rat. Oun kova, kay ap o Debleskro beshepaskro beshdo hi, djivell pash lende, oun dell yak ap lende.

Debleskro tsiro 8:5

Oun ko bolepaskro las ko čaro, an koleste ko goudlo kasht rhačedo vella, oun kras les pherdi yag, hoy yob dran o Debleskri rhačepaskri las, oun čoras o čaro vin ap i phoub. Koy das yag karye pral oun tele, oun das bari zoreli gole, har koy gole, hoy o bolepen krella, te dell baro brishin, oun te djal yag tele ap i phoub. Oun i phoub trissas zoreles.

Debleskro tsiro 8:7

Oun o glanstouno phourdas an peskri phourdepaskri. Koy das brishin, hoy his har barra, oun yag o rateha mashkral ap i phoub. Oun o triinto kotar i tseli phoubyatar rhačras, oun o triinto kotar i tsele roukendar rhačras, ninna o tselo zenlepen.