Debleskri gili 99:6 - O Debleskro Lab 2024 (Sinte-Manouche)

⁶ O Mose oun o Aron his leskre rashaya, oun o Samuel his mank kolende, kay les an-mangan. Yon dan ap o baro Debleste gole, oun yob shounas len.

O Debleskro Drom 2021 (Sinte)

⁶ O Mose un o Aron his leskre rashaja, un o Samuel his mank kolende, kai les an-mangan. Jon dan ap o baro Debleste gole, un job shunas len.

Debleskri gili 99:6 ပူးပေါင်းရင်းမြစ်များ

2. Mose 14:15

Oun o baro Devel penas ap o Moseste: “Hoske deh tou ap mande gole? Pen ap i Israelitarya, te djan le doureder!

2. Mose 15:25

Koy das lo gole ap o baro Debleste. Oun o baro Devel sikras les i kotar kasht. Kova vitsras lo an o pani, oun o pani vas lačo. Kote das o baro Devel len laba, hoy sikrenna, hoy lo lendar kamell, oun har te djivenn le an leskro čačepen. Oun kote kamas lo ninna te dikell, te shounenn le ap leste.

2. Mose 17:4

Kote das o Mose ap o baro Debleste gole: “Hoy krap me kal menshentsa? An i tikno tsiro vitsrenn le man i barrentsa moules.”

2. Mose 32:30

O vavar dives rakras o Mose ap i Israelitarya: “T'mer anan bari doosh oun ladj ap t'mende. Kanna kamau pale pash o baro Debleste ap i berga te djal, te mangap lestar, te bistrell lo t'mari doosh.”

Jeremia 15:1

Oun o baro Devel penas ap mande: Ninna te vals o Mose oun o Samuel glan mande tardo, kroms me kal menshenge miro dji gar pre. Trade len krik mandar, oun mouk len te djal!