Debleskri gili 98:4 - O Debleskro Lab 2024 (Sinte-Manouche)

⁴ Givenn o baro Debleske, t'mer lauter, kay ap kay phoub han! Denn gole i barhtyatar, sharenn les i gilyentsa!

O Debleskro Drom 2021 (Sinte)

⁴ Giwenn o baro Debleske, tumer lauter, kai ap kai phub han! Denn gole i bachtjatar, sharenn les i giljentsa!

Debleskri gili 98:4 ပူးပေါင်းရင်းမြစ်များ

Debleskri gili 100:1

I gili, te parkras men pash o Debleste. Givenn o baro Debleske, t'mer lauter, kay han ap kay phoub!

Debleskri gili 66:1

I gili o rayeske pral i gipangre. Sharenn o Debles ap i tseli phoub!

Debleskri gili 66:4

Mou mangell tout i tseli phoub an oun sharell tout i gilyentsa, ava, mou sharenn le tiro lab.

Debleskri gili 67:4

Maro Devel, mou parkrenn pen pash toute i menshe dran hake themma, mou sharenn le tout halauter!

Debleskri gili 71:22

Yaake kamau me man pash toute te parkrell o bashepah ap i doryengri bashepaskri, kay rikral tou tiro lab, miro Devel. O bashepah ap i harfa kamau touke gilya te givell. Tou kokres hal o čačo Devel, ko Devel pral o Israel.

Debleskri gili 95:1

Avenn, te givenn gilya o baro Debleske! Denn gole i barhtyatar glan leste! Yob hi maro rikepaskro, kay menge lauter mishto krella.

Debleskri gili 95:2

Avenn glan leste, te parkras men pash leste, te givas leske gilya oun sharas les!

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 42:11

Givenn i bari golyah, t'mer an i forya an i moule tate themma, oun t'mer menshe dran Kedar, kay an i gaba djivenn! Givenn bari golyah, t'mer, kay an o foro Sela djivenn! Denn gole i barhtyatar, t'mer, kay pral ap i berge djivenn!

Jesaja 44:23

Tou bolepen, gib kolestar, hoy o baro Devel kras! Tou telstunepen i phoubyatar, de gole i barhtyatar! T'mer berge, givenn! Tou veesh tire tsele roukentsa, gib! O baro Devel las o Yakobes dran o merepen vin, oun o Israel sharell les.

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.

Zefanja 3:14

Avenn barhteles, t'mer Israelitarya! Denn gole i barhtyatar, t'mer ap i berga Sion! Givenn oun khelenn o tselo djiyestar, t'mer an o foro Yerusalem!

Mateo 21:9

Oun kol boud menshe, kay djan glan leste oun pal leste, dan bari gole: “Sharas o Davideskro čaves! Sharedo vell kova, koles o Devel bičras. Sharas o Debles an o bolepen!”

Debleskro tsiro 19:1

Oun pal kova dan boud menshe an o bolepen bari gole: “Halleluya! Maro Devel las men dran o čilačepen oun o merepen vin. Yob hi o ray, oun les hi i zoor pral halauter.

Debleskro tsiro 19:6

Koy dan boud menshe gole: “Halleluya!” Koy gole his yaake zorelo, har i baro pani gole della, hoy dour tele perella, oun har koy gole, hoy o bolepen krella, te dell baro brishin oun te dell yag tele karye. Oun yon rakran oun penan: “Maro zorelo Devel vas o ray pral halauter.