Debleskri gili 97:11 - O Debleskro Lab 2024 (Sinte-Manouche)

¹¹ I momeli djal pre koleske, kay an o čačepen tardo hi. Oun barhtelo vell kova, kay o čačo drom djal.

O Debleskro Drom 2021 (Sinte)

¹¹ I momeli djal pre koleske, kai an o tchatchepen tardo hi. Un bachtelo well kowa, kai o tchatcho drom djal.

Debleskri gili 97:11 ပူးပေါင်းရင်းမြစ်များ

Ester 8:16

I biboldenge his o djipen pale shoukar. Barht oun sapen vas ap lende. Oun yon van hadedo oun an-diklo.

Hiob 11:17

Oun pral tiro djipen djal o kham pre, oun hi zorelo har mashkral dives. Ninna te hi kanna tamlo, vell i nevo dives.

Hiob 22:28

Hoy tou touke glan lal, kova djal touke mishto. Oun i momeli djal pre pral tire dromma.

Debleskri gili 112:4

Ninna an i kali rat vell i momeli kolenge, kay o čačo drom djan, kolenge, kay hi lačo oun kamlo oun djan pal o čačepen.

Debleskri gili 18:28

Tou veh ap i rig i čorvelenge, oun kol pre-phourden kreh tou tiknes.

Debleskri gili 68:4

Hi vavarčandes kolentsa, kay an o čačepen tardo hi: Yon venn barhtelo, stenn oun sanenn i barhtyatar glan o Debleste.

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Jesaja 58:8

Palle vell tiro čačepen glan har o kham taysarlakro. Oun tiro doukepen vell sik sasto. Oun hakeno dikell ko lačo oun čačo koova, hoy kral. Oun o baro Devel djal pal toute peskri zoryah oun dell yak ap toute.

Jesaja 62:1

Te dikau tout, Yerusalem, nay rikrau gar miro mouy, dran o kamlepen ap toute dau gar pre, bis te lell o foro peskro čačepen, oun leskri barht pre djal har o kham oun diklo vell har i yag an i rati.

Micha 7:9

Djinau, me moukom o baro Debleskro drom. Doleske vas leskri rholi ap mande. Me hidjrau lat, bis te lell yob miro koova an leskro vast, oun dell man miro čačepen. Yob sikrell man peskri momeli, te dikap, har lačo yob ap mande hi.

Johanni 12:46

Me hom koy bari momeli, hoy vas ap kay phoub. Hakeno, koon ap mande patsella, ačell gar an i rati.

Galatarja 6:8

Koon krella, hoy leske kokres mishto hi, koleskro djipen ačell gar. Koon krella, hoy o Debleskro Dourho leske penella, kova lell o Debleskro djipen, hoy gar pre-herella.

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.

Debleskro tsiro 22:5

An ko foro vell bouder gar rati. Len hounte vell kek momeli, vitar gar o kham, te dikenn le. O baro Devel hi lengri momeli. Oun yon hi bare raya hako tsireske.